Friday, June 15, 2007

بالعافية وغصب عنك انت مسلم

اسمها نانسي عادل بشري حليم ، تالتة ابتدائي، مدرسة ابو بكر
الصديق، ادارة 15 مايو التعليمية ، نانسي لاقت نفسها ناجحة في
مادة الدين الاسلامي ، وكمان متفوقة 27 من 30 ياااه، يا دي الهنا اللي انتى فيه
يا نانسي، بس يا خسارة التفوق، لان نانسي مسيحية، اه متستغربش
نانسي مسيحية، وأدت امتحان الدين الاسلامي، في الترم التاني من
صفها، لان المدرسة اجبرتها علي اداء الامتحان، مع انها ادت امتحان
الدين المسيحي في التيرم الاول، ومع انها مجرتش قلم وجاوبت
علي اي سؤال المدرسة اصرت تعديها م الامتحان وكمان تبقي ضمن
المتفوقين في المادة، متخليش مخك يروح لبعيد، المدرسة لا سمح الله
محبتش تدلل علي مظاهر الوحدة الوطنية بدليل انها مخلتش تلميذ
مسلم يؤدي امتحان الدين المسيحي، المدرسة بس حبت تساهم
في أسلمة بعض افراد الشعب بالعافية،وضرب الجزمة، زي بعضه اهو تنقذ كام
واحدة من العالم الكفرة من انهم يدخلو النار، لان المدرسة كمان
اجبرت نانسي انها تكتب اسم غير اسمها في شهادة الميلاد و باقي
الاوراق الرسمية، وأصرت المدرسة علي انها تكتب اسم نانسي علي
عبد الله صالح ، اللي هو اسم والد نانسي بعد اسلامه،
في 24يونيو 2003، ورفعه لقضية ضم نانسي وشقيقها لحضانته، ولم
تحكم له المحكمة حتي الان.يعني المدرسة حبت تقوم بخدمة عظيمة وهو
الاقرار والاسهام في اعتناق الطفلة للدين الاسلامي، حتي يسهل
علي والدها ضمها لحضانته بدل ما تفضل في حضانة امها اللي لامؤاخذة
مسيحية، يعني يا جماعة محدش يفهم مدرسة ابو بكر الصديق ومنطقة
15 مايو التعليمية غلط ، ويقول انهم زوروا،ايواااان دول بس حبوا يخدموا
اه الخبر من الدستور وموجود هنا ع الدفترخانة
علي فكرة الخبر مش الاول من نوعه ولا حاجة دا كان قبله بيومين
كان هو هو الحدث مع اندرو وماريو اللي اصرت مديرية التربية
والتعليم في الاسكندرية علي ادائهم الامتحان في مادة الدين الاسلامي
الترم الثاني_لاحظ ان في الحالتين مفيش ترم اول_ رغم انهم مسيحيين
أو دا لوضع قبل أصرار المدرسة علي حكاية الامتحان لان
مش موضوعنا اني أناقش هل طفل في السن دا مدرك لديانته او لا؟ في دول تانية مثلا
يترك امر تحديد الديانة حتي يصل الطفل لسن الرشد ويختار بنفسه
ومش هتناقش مين مسلم ولا مسيحي عن اقتناع ولا وراثة ؟
لانها تنطبق علي الطرفين
2000الطفلين مازالو في حضانة امهم المسيحية بعد ان اعلن والدهم اسلامه عام
وحين قامت الام برفع دعوي ضد وزارة التعليم لالغاء القرار تقدم
نائب الولة المستشار محمد رجب يوم 31/مايو بمذكرة للرد علي
الدعوة المقامة واستند في مذكرته
"ان الاسلام يقع فرضا علي الصغير باسلام ابيه، لانه أصل الفطرة
وخير الديانات ، وأنه لا يجوز أن تنقطع هذه التبعية،أو هذا الفرض الا ببلوغ
خمسة عشر سنة هجرية"
المذكرة بتقول بكل بساطة ان الصغير غصب عنه هيبقي مسلم
لحد ما يبقي عنده 15 سنة طبعا بلاش نسبق الاحداث ونقول
ان الولد هيكون كره نفسه والاسلام والبلد والدنيا كلها طالما انه بالعافية
المذكرة كمان بتقول ان التبعية للأب ، ولا عزاء للأمهات
لان الستات دول كخة ووحشين وميعرفوش يربوا عيل ومينفعشوش ببصلة
كمان المذكرة بتقول ان خير الديانات الاسلام والباقيين دول كخة
طب هو سؤال بيلعب في دماغي من يوم ما قريت الخبر
طب لو مسلم تحول للمسيحية هل يتحول ابنائه للمسيحية بعد ارساء مبدأ
التبعية للأب ؟ وهل يجوز اجبار ابنائه علي اداء الامتحان
في مادة الدين المسيحي؟ تحبوا تعرفوا المذكرة بتتكلم عن ايه تاني؟
أن المسيحي الذي تحول للأسلام ولم يثبت الديانة الجديدة في
بطاقته الشخصية يعتبر مرتد ووجب استتابته او قتله ان لم يتب
ولو كانت واحدة ست نحبسها بس لان القتل للرجالة
ودا بالاستناد الي فتوي للشيخ جاد الحق علي جاد الحق
بما اني غميتكم اسمحوا لي اقولكم اخر نكتة
تلميذ بيسأل صاحبه أخترت مواد ايه الترم ده قال له أحياء و دين
اسلامي قاله بس مش انت مسيحي قال له يا عم الاسلامي اسهل ناجح ناجح
عشان حقوق الملكية الفكرية النكتة من يالالالي

فوق...فوق ..فوق


نفسي
ابقي
فوق
فوق..
فوق..
ف
حضن
نسمة
هوا ..
واغمض
عنيا
وافرد
ايديا
واعوم
..اعوم
كتير
ف
قلب
السما
جنب
النوارس
واسمع
الصدي
عالي
في
الفضا
أعلي
م
الانين
ومن
دقات
الحنين
واصفي
من
الغنا
ملحوظة:
الكلام اللي فوق دا اتكتب علي الانغام اللي في الراديو وخصوصا الكلمات اللي هنا

Wednesday, June 13, 2007

مؤقتا


Saturday, June 9, 2007

بأمر المجتمع المدني :لو سمحت يا اخ ممنوع البوس


دا مش كلام عم الراجل بتاع الحاجة الساقعة ع الكورنيش لما متدفعش
تمن القعدة الروشة مع المزة، ولا كلام عمو اللي في السنيما اللي انت
مدتهوش جنيه زيادة عشان يظبطك في مكان في الصف اللي ورا خالص
ولا حتي كلام الكمسري في الاتوبيس لوالدم غلي في عروقه لما عدي كام حركة
تحرش واتغاظ لما لاقاك انت عرفت تبوس وهو لاء ، ولا كلام الموظفة الغلبانة للمدير
اللي نازل تحرش فيها وناوي علي بوسها او فصلها
وغيره وغيره
دا كلام الناس اللي بدأوا تأسيس أول جمعية لحظر القبلات بين المصريين..
قال ايه البوس له مخاطر ومشاكل وبلاوي غير انهم ممكن لو ظبطوك مع المزة
او حتي المودام واتهموك بقضية فعل فاضح وادوك علقة محترمة مأخدهاش
حرامي صرم في جامع وبعدين يحلقوا لك شعرك زيرو
قالك يا سيدي علي طريقة فيلم فول الصين العظيم ان القبلة اللي ترجمتها البوسة
حسب القاموس، لها مخاطر صحية وانها السبب في 15 مرض وان العدوي
بتتنقل من خلال الرزاز واللعاب والاحتكاك الجلدي ومن خلال النفس المباشر
والجمعية فيها رجال دين واعلاميين واجتماعيين وناس كتير عشان يفهموا
الناس فن الاتيكيت عند المصافحة زغرتوا وهنتعلم فن التيكيتاك
سوري الاتيكيت يا سلام بقي لو نطلع علي قلعة الكبش والجمعية تروح هناك تعلمهم
الاوتوكيت ولا ياخدوا الكتالوج بتاع البوسة دا ويطلعوا علي امبابة هتبقي هيصة
واتخيل بقي لما يجوا كدة زي حملات التطعيم بتاعة شلل الاطفال ويقولوا مثلا
لعم حسن الفران اللي انا لسه متخانقة معاه من شوية اسمح لي اعلمك الاتيكيت
ويروحوا مطلعين الكتالوج ، ولا لو في مزة كدة حلوة تقول للواد بريزة الصايع
اللي قاعد علي قهوة عم جمال طول النهار اسمحلي اعلمك الاتيكيت وفن البوس
دا معندوش تفاهم ولا حتي تحرش ..هيقولها زي عادل ادهم كدة
انتى لابسه لموني الليلة دي دا احنا نهارنا لمون يا قطة
الجمعية كمان استندت الي رأي الدين "إن الاسلام بشكل قاطع وحاسم يحرم
القبلة في غير الزوجية أو الأخوة أو البنوة". يعني من الاخر كله
هيبوس كله وملهاش لزوم الفتوي م الاول
قال يعني البوس مقطع بعضه قوي مش عارفين ان المصريين
عندهم فقر بوس ولا ايه؟ مش الاولي بالفلوس دي يعملوا جمعيات تدافع عن
حقوق اللي مش عارفين يبوسوا م الاساس لحد ما بقي عندهم عقد وكلاكيع
وبيقضوها تحرش ،طب ما يعملوا كبسولة منع البوس زي منع الحمل كدة
للوقاية او يعملوا كوندوم للسان واحتمال الست كريمة مختار تطلع ف الاعلانات
وتقول "جوزك اوعي تبوسيه وصاحبك علي ما تعوديه" ويجيب اتنين
كانوا ناويين يبوسوا ورجعوا في كلامهم ويروحوا كحيين في وش بعض
ويطلع شعار الحملة استعمل الكمامة علي بوزك انها اكثر امانا!!نياهااااا
اه الخبر قال ان في انواع كتير للبوسة لكن اشهرهم الفرنش كيس
ودي مهمة جدا لانها هي الأكثر حرقا للسعرات الحرارية فهي تحرق 239 سعرا
حراريا وبالتالي فانها تساعد على خفض الوزن يعني بلاها دايت وخليها
فرنش بوسة اهي ارخص من الجيم والايروبكس ولا مراكز التخسيس
انا ماليش دعوة لوحد من الاخوة اللي بيبوسوا طلع صاحب كرش
دا هم اللي بيقولوا مش انا

Wednesday, June 6, 2007

اسلاك نبيه عاشر: مش تغطية خالص

أمبارح مكنش ليا نفس فعلا اكتب عن المحاكمة وفضلت مش مهتمة خالص اني اكتب اي تغطية معرفش ليه؟
لو عاوزين تغطية في ناس كتير عملوا دا افضل مني ممكن تتابعوها هنا ثانية بثانية، او
مفاجأت ممكن تفعصوا هنا بالنسبة لي انا كنت مركزة مع تفاصيل تانية خالص
انا كان اول مرة اروح محكمة اقصد جنايات حتي وانا رافعة قضية
ع الحكومة ولا مرة روحت ومش رايحة
أول حاجة خضني السقف العالي بتاع مبني دار القضاء العالي
وكمية البشر والامن وسي سعيد جميل محامي المتهم رايح جاي وماسك الموبيل
ووشه احمر ومربرب ومنتعش جدا وبيقول "أطمن يا حبيبي خير متقلقش كله تمام"طبعا
كان باين بيكلم مين؟
أول حاجة شفتها بعد كدةظابط كدة علي كتفه حاجات كتير مراقب قالي انه رتبة كبيرة جدا
بس الظابط دا مكنش شرطة دا كان قوات خاصة ولابس
اسود ف عز الشمس والحر، بيعمل ايه ف المحاكمة ؟ معرفش
قعدت ف اول مكان شفته فاضي بعد شوية ست كبيرة ف السن
أستأذنت اوسع لها قمت لها ثانية وجات واحدة تانية قعدوا جنب بعض
غصب عني سمعت كلامهم ان الست العجوزة الاولانية بنتها عفاف في القفص
لقيت نفسي ببص للست وهي بتحكي ان بنتها اتلفقت لها قضية مخدرات من محمد حامد
ظابط في قسم بولاق الدكرور يا دي القرف تاني بولاق الدكرور واسلاك نبيه
الست دي كانت شاهد علي تعذيب مواطن مصري هو كمان كان جوا القفص
متلفقة له تهمة ،اللي متلفق لهم بقوا كتير جدا
الست العجوزة بتحكي وعمالة تتلفت حواليها بتحكي لي وخافت مني وانا بسألها عن التفاصيل
وكل شوية تقولي بلاش اسمي يا بنتي دا احنا غلابة
يا نهاري احنا بقينا دولة امنية للدرجة دي كل واحد مرعوب يفتح بقه
دا فكرني بالظبط بالعراق أثناء الحصار كنت في زيارة سنة 1999
الكل يا بيتجسس علي كله أو ان الكل خايف يفتح بقه
احسن باقي الكل يفتن عليه
المهم لما دخل سيادة المتهم قعد في القاعة مش القفص بما انه دفع خمسين جنيه
يا رب تكون الداخلية هي اللي دفعتهم
تخيلوا كان مين بيحرسه؟ عساكر عاديين وظباط ومخبرين بملابس مدني
وبلطجية اه والله بلطجية يعني هتلاقي كذا واحد عنده علامة ضرب وخناق في سحنته
كمان عناصر من القوات الخاصة بملابسها السودا والعصيان
وزي ما انا روحت اتضامن مع عماد نبيه برده لاقي اللي يتضامن معاه
ظباط تانيين متهمين سابقين في قضايا تعذيب وظباط تانيين
لم يوجه لهم اتهام رغم ان في فيديوهات متداولة لهم
اسلاك المرة دي كان خاسس ومتنشن حبتين ابوه والمحامي كانوا بيحاولوا يخرجوه من المود
وبيهزروا معاه، ولما عماد قعد ف البنش اللي قدامه ، جه افراد امن وطلبوا منه
انه يغير مكانه ، معرفش مين قال الجلسة سرية؟
الكل يخرج ويفضل الصحفيين والاعلاميين كانت نكتة بالنسبة لي ومفهمتش هو يقصد ايه؟
الست العجوزة جنبي مش عاوزة تخرج عشان بنتها فضلت اقولها انها هتدخل تاني بعد شوية ومتخفش
فضلت ف مكاني لحد ما جه مخبر يقولي الكارنيه يا انسة؟ قلت له أمن..سابني ومشي
جه واحد تاني قلت له مفيش انت فاكر ان كل صحفيين مصر معاهم كارنيهات؟
راح قالي خلاص خليكي انتى غاوية وجع دماغ انا ممكن اريحك واجيبلك تفاصيل الجلسة لحد عندك برا
هههههههه مفهمتش بس المهم فضلت قاعدة والوقت يمر ومفيش حاجة
بعد شوية الجلسة بدأت الجلسة والنيابة قررت تعرض فيديو التعذيب ولاقيت نفسي جنب عماد
سديت وداني من سماع الاصوات المصاحبة للفيديو لاني لحد دلوقتي مشوفتش الفيديو
ومش عاوزة اتفرج عماد حالته طبيعي انها تكون صعبة ومش بيردد غير حسبي الله ونعم الوكيل
ترافع رئيس النيابة وكنت سعيدة جدا بالمرافعة وكان نفسي
اقوم واسلم عليه واعمل زي فيلم ابو علي بتاع كريم عبد العزيز ومني زكي
واقوله "ممكن كارت منك يا بيه عشان لو الواحد
جري له حاجة في البلد دي واحتاج حد يقف جنبه" اه والله بجد
ساعتها سعيد جميل محامي المتهم وشه كان اصفر بدل احمر ومربرب وفي الارض
بدل الانتعاش والهزار اللي كان ف الاول، موت م الضحك من عسكري جه وقف
قدام رئيس النيابة بضهره ومش راضي يتحرك الا لما البيه الظابط يأمره
ولا لما حاولت اتني العصايا بتاعتي والظابط اللي ورايا فاكرجواها سلاح ههههههه
كنت مبسوطة بخضته وجبنه ضحكت لما جاري ف البنش وهو محامي مهتم انه يحضر القضيةقالي
انه دردش مع سعيد جميل واللي اتفشخر فيها سعادته وقاله انه هيركز في مرافعته
ان الهدف من القضية ضد اسلاك هي تشويه سمعه مصر ولاخراجها من مجلس
حقوق الانسان العالمي اللي دخلته عن جدارة...
رفعت الجلسه للاستراحة فضلت اتجول شوية مع الناس ونشوف باقي الناس اللي في القفص
خصوصا عفاف كل جيرانها كانوا مرعوبين ومش عاوزين يتكلموا كل
ما اسأل عن حاجة انا وسكوت هنصوت خلاص ما بقينا دولة مخبرين
بلاش مخبرين خليها بوليسية اشيك بدل ما حد يقول اني بشوه سمعة مصر
جيت اخرج لاقيته قدامي برزالته وايده علي كتفي
وبيقولي "لو دخنتي تاني في القاعة هعمل لك محضر" ظابط غتيت
من باب الرخامة مع ان الناس كلها كانت بتدخن اثناء انتظار بداية الجلسة
وانا خارجة شفته تاني ظابط القوات الخاصة وبيقول لعسكري
يلا يا حيوان اجمع زمايلك واتلقحوا في العربية
غير المدونيين احب اشكر نهي ، هي ولا مدونة ولا صحفية
هي طالبة هندسة عادية جدا زيها زي كتير من بنات مصر كانت بتحكي ومبسوطة جدا
انها بتحضر جلسات القضية من مارس وان دي اول قضية تهتم بها ف حياتها
الف تحية لنهي وفي انتظار ايميلها
الصورة للمبدع عمرو عبدالله كنت لاطشتها من مدونة كفاية حرام كنت كل مرة انسي اقول

انكسارات ...

في داخلي ثقب
في ثقب داخلي
في ظلمات الانكسار
ولا شئ الا الي الموت يدعو و يصرخ، فيما يزول،خريف*
شتاء، أصيل، أفول
وباق هو الليل بعد انطفاء البروق
وباق هو الموت، أبقي و أخلد من كل مافي الحياه
فيا قبرها افتح ذراعيك ...
اني لآت بلا ضجة، دون اه

(من نداء الموت،السياب)*

Monday, June 4, 2007

بكرة محاكمة اسلاك نبيه


بكرة 5/6 محاكمة اسلام نبيه ورضا فتحي
في محكمة جنايات جنوب القاهرة
دار القضاء العالي
تبدأ المحاكمة من 11ونص او 12
تعالوا الساعة 11 وخلاص

Sunday, June 3, 2007

أرفض حدوث هذا

صرحت السيدة عائشة عبد الهادي وزيرة القوي العاملة والهجرة انها لن تسمح
بتسفير أي عمالة نسائية مصرية للعمل في أي دولة تحت مسمي خادمة أو مديرة منزل.
بما انها بتحترم وتقدر كرامة العامل المصري، اه والله قالت كدة
عارفة نفسك تسحب صوت عالي زي الشيشة من مناخيرك
استني متستعجلش
وقالت كمان: ان مانصت عليه مذكرة التفاهم‏‏ ويخص المرأة العاملة هو عرض لوضع حالي بالمملكة العربية السعودية مؤكدة ضرورة وضع ضوابط لحماية حقوقها‏.‏
يعني لسه الست الوزيرة هدور علي ضوابط للحقوق
وكمان أن الوزارة لاتتأخر عن بحث أي مشكلة لعاملة أو عامل مادام علي حق
هنا ممكن تقول وتسحب وتقبح زي ما انت عاوز
واخد لي بالك من مادام علي حق دي؟
طبعا هي مش بتتكلم عن العمال الوحشيين اللي عاملين اضرابات ولا
بيطالبوا بالحوافز او رفع بدل المخاطر او الوجبة
والله كتر خيرها واثقل ميزان حسناتها قالت انه تم
الاتفاق مع الجانب السعودي علي مد تأشيرة العمل لتصبح سنتين بدلا
من سنة وامكانية نقل الكفالة من كفيل لآخر
شايفين الكرم؟
قال يعني حلت خلاص كدة مشاكل كل العمالة المصرية في السعودية
طب ايه رايكم نفتح ملف العمالة المصرية بالخارج؟
ونشوف
لو نفسك بجد
تضحك او تعيط او تقول كلمة اختصارها تلات حروف
معناها "أرفض حدوث هذا" او انك تثبت انك سكندري اصيل
وشوف اخر تصريح فللي لرئيس الوزرا احمد بيه نضيف

Saturday, June 2, 2007

رسالة من مقبرة..أو هل كان حبا؟
























رسالة من مقبرة
من قاع قبري أصيح
حتى تئن القبور
من رجع صوتي وهو رمل وريح
من عالم في حفرتي يستريح
مركومة في جانبيه القصور
وفيه ما في سواه
إلا دبيب الحياه
حتى الأغاني فيه حتى الزّهور
والشمس إلا أنها لا تدور
والدّود نخار بها في ضريح
من عالم قي قاع قبري أصيح
لا تيأسوا من مولد أو نشورا
النور من طين هنا أو زجاج
قفل على باب سور
النورفي قبري دجى دون نور
النور في شباك داري زجاج
كم حدّقت بي خلفه من عيون
سوداء العار
يجرحن بالأهدالب أسراري
فاليوم داري لم تعد داري
والنور في شبّاك داري ظنون
تمتص أغواري
وعند بابي يصرخ الجائعون
في خبزك اليومي دفء الدّماء
فاملأ لنا في كل يوم و عاء
من لحمك الحي الذي نشتهيه
فنكهة الشمس فيه
وفيه طعم الهواء
وعند بابي يصرخ الأشقياء
أعصر لنا من مقلتيك الضياء
فأننا مظلمون
وعند بابي يصرخ المخبرون
وعر هو المرقى إلى الجلجلة
والصخر يا سيزيف ما أثقله
سيزيف إن الصخرة الآخرون
لكنّ أصواتا كقرع الطبول
تنهلّ في رمسي
من عالم الشمس
هذي خطى الأحياء بين الحقول
في جانب القبر الذي نحن فيه
أصداؤها الخضراء
تنهلّ في داري أوراق أزهار
من عالم الشمس الذي نشتهيه
أصداؤها البيضاء
يصدعن من حولي جليد الهواء
أصداؤها الحمراء
تنهل في داري
شلال أنوار
فالنور في شبّاك داري دماء
ينضحن من حيث التقى بالصخور
في فوهة القبر المغطاه سور
هذا مخاض الأرض لا تيأسي
بشراك يا أجداث حان النشور
بشراك في وهران أصداء صور
سيزيف ألقى عنه العبء الدّهور
واستقبل الشمس على الأطلس
آه لوهران التي لا تثور
@ @ @@ @@ @
هل كان حبا؟
هَلْ تُسمّينَ الذي ألقى هياما ؟
أَمْ جنوناً بالأماني ؟ أم غراما ؟
ما يكون الحبُّ ؟ نَوْحاً وابتساما ؟
أم خُفوقَ الأضلعِ الحَرَّى ، إذا حانَ التلاقي
بين عَينينا ، فأطرقتُ ، فراراً باشتياقي
عن سماءٍ ليس تسقيني ، إذا ما ؟
جئتُها مستسقياً ، إلاّ أواما
العيون الحور ، لو أصبحنَ ظِلاً في شرابي
جفّتِ الأقداحُ في أيدي صِحَابي
دون أن يَحْضَينَ حتى بالحبابِ
هيئي ، يا كأسُ ، من حافاتكِ السَّكْرَى مكانا
تتلاقى فيه ، يوماً شَفتانا
في خفوقٍ والتهابِ
وابتعادٍ شاعَ في آفاقهِ ظلُّ اقترابِ
كم تَمَنَّى قلْبِيَ المكلومُ لو لم تستجيبي
من بعيدٍ للهوى أو من قريبِ
آهِ لو لم تعرفي ، قبل التلاقي ، من حبيبِ!
أيُّ ثغرٍ مَسَّ هاتيك الشفاها
ساكباً شكواهُ آهاً … ثم آها
غير أنّي جاهلٌ معنى سؤالي عن هواها ؟
أهو شيءٌ من هواها … يا هواها ؟
أَحْسدُ الضوءَ الطروبا
مُوشكاً ، مما يلاقي أن يذوبا
في رباطٍ أوسع الشَّعرَ التثاما
، السماء البكرُ من ألوانه آناً
، وآنا لا يُنِيلُ الطَّرْفَ إلاّ أرجوانا
ليتَ قلبي لمحةٌ من ذلك الضوءِ السجينِ
؛ أهو حُبٌّ كلُّ هذا ؟
! خبّريني
بدر شاكر السياب