تغريبة بني العريان

هي فعلا تغريبة قهر وترحال واحلام "صعبة بس جميلة" و كل

شوية لميي الخلاجات يا مستورة.

تجوله معاك يا واد عمي ولو لاخر الضهر

ما لي غيرك ولو غطاني القهر

اه ...يا ني

مكتوب علينا الشقي والعري

الشقيان يفضل طول عمره شقيان

والعريان بيحاول ميكونش دايما عريان

يقع ويصرخ ويقول مش قادر

لكن القهر يطلع له ف الضلمة زي العفريت

ويقوله : ولو هتفضل للأبد شقيان وعريان

يرد ويقول

ولامتي هتفضل صرختي جوايا متحنية بالصمت؟

ولامتي هيفضل الضهر محني بتلال الصبر؟

ولفين الترحال المرة دي والغربة أهل من ملوش أهل

وجناين وطني بعيدة مزروعة باللحم والدم

تابعت في احدي الصحف خبر عن بروفات "فرقة الزبالين" احقاقا للحق

لم اهتم كثيرا، لماذا؟.. لا أعرف

وعلي مدار الشهر تابعت حكايات صديقتي نانسي عن أطفال قرية الزبالين بمنشية ناصر

كنت سعيدة بما تحكيه نانسي مشدودة لتعبيرات صوتها ووجهها البرئ

وضحكتها الصافية عن مغامراتها مع الاطفال. اكتفيت بمجرد ابتسامة

ربما لاني لم أعد أندهش تلك الايام

أو ربما لان لدي الكثير من القصص عن المنطقة، وناسها

فرفيقة الجامعة ثم احدي جاراتي من أبناء منشية ناصر

ولم يكن هناك فرق كبير بالنسبة لي بين قصة حياة

"نسمة"، أو "صابرين" جارتي فاللأثنتين النشأة نفسها

والاصول الصعيدية التي ظهرت جليا في اللهجة رغم

انهن من مواليد منشية ناصر ولم يعيشن بالصعيد منبع العائلة

وأقتصرت الصلة علي مجرد الزيارة حين يشاء المولي

جمع بين الاثنتان الاحساس بالقهر

نسمة رغم وصولها الي الجامعة فلم تستطع التحدث مع كثيرين عن

حياتها في منشية ناصر(المقطم /الدراسة)، حتي أن الصلة

بين اسرتها وبعض اقارب من العائلة الذين يعيشون بالقاهرة

كانت مقطوعة، لآن والد نسمة جامع قمامة.
كما لم تتزوج نسمة من خارج منطقة المقطم

انطبق الحال علي صابرين المتزوجة من ابن خالتها

القاهري، وان كان "صنايعي" يعمل بيديه الا انه

يخجل كثيرا من عمل اسرة زوجته وبنت خالته

وأحيانا تقابل أراء صابرين باستهجان داخل اسرة زوجها

التي هي في الاساس اسرة خالتها، "مش فاضل غير الزبالين كمان".حتي

أنه ذات مرة استبعد اخوة صابرين ووالديها من حضور حفل زواج

أحد ابناء العائلة التي لاتعمل في جمع القمامة، علي

خلفية كيف يمكن تقديمهم للمدعوين؟

تواردت كل تلك الحواديت والحكايات اليوم

فقد دعتني بالامس صديقتي الوديعة نانسي

لحضور عرض "صرخة العريان" و الذي يقوم بتمثيله

بعض أبناء منشية ناصر من جامعي القمامة

لم تكن لدي النية بالذهاب ولم أعدها بالذهاب

ليس ترفعا بل تعبا و قهرا

وكانت خطتي الاكتفاء بفنجان قهوة مع صديقي العزيز النديم

وانتظار عودة نانسي واحمد من العرض المسرحي

ولكن ذهبت لرؤية أحمد قبل موعد العرض وحين حضرت نانسي

مجهدة متسائلة عمن جاء للذهاب للعرض؟ ومن اعتذر؟

لم أجرؤ علي التصريح بنيتي
خوفا من نانسي

ولذلك بدأت أسأل عن خطتنا في الذهاب الي مدرسة "دو لاسال" لمشاهدة العرض

بل ساعدت في حشد بعض الاصدقاء للذهاب معنا من أجل نانسي

وفي "دو لاسال" الواقعة بميدان الضاهر تقابلنا مع الممثلون و عائلاتهم

بدأت ميس ليلي بتقديم العرض وفكرته واعتزازها بأنه يحكي تغريبة

جامعي القمامة ورحلتهم علي مدار أكثر من خمسين عاما

عمر ترحالهم من الصعيد الي القاهرة وضواحيها

وانه جزء من التاريخ .

يستحق الفخر

علي دقات طبول أشبه بطبول الحروب

وكأنه تمهيد علي ما سيخوضه جامعي القمامة من معارك

بدأت بميلاد بطل العرض "العريان"بالصعيد الجواني

وكانت أولي معاركه ميلاده بين وديان الذل والمهانة

فلاح أجير للباشا محني من لسعة الكرباج

..ف "لمي الخلاجات يا مستورة"زوجته وبينا علي مصر

"لموا الخلاجات وتركوا الوديان..وصلوا العصر والقلب معصور عصر"كما قال راوي المسرحية

وفي عزبة الورد حط العريان الرحال..ومرة تانية وتالتة "لموا الخلاجات"ويحط الترحال

سوق الاحد..أمبابة..

ونلم الخلاجات لكن كيف نلم القلب اللي انخلع؟

"أحنا مسافرين في بلاد الله مش عارفين

نبكي ولا نغني"

ويحط الرحال في الارض الواسعة اللي ما فيها غير تراب وحرارة

"أخر المرسي..صعبة بس الاحلام جميلة"

لكن مثل كل مرات الماضي المريرة يصدر الباشا أمر الترحال

وعند أقدام الجبل يسقط العريان صارخا

" يابوييي مش قادر"

ألف تحية لابناء الزبالين بمنشية ناصر، وأبطال العرض

ومنهم أتذكر بعض الاسماء أدهم فوزي في دور العريان

ومينا راشد الذي قام بشخصية الراوي، للتغريبة، ويمكن اعتباره

البطل الحقيقي للعرض، فقد أستطاع لفت الانظار اليه بأقل مجهود

كما تلون مابين أكثر من شخصية ضمن اطار شخصية الراوي

غير الابطال جاء الحوار في جمل بسيطة متماسكة وليست مسطحة

أما الازجال فكانت الفواصل ما بين المشاهد بهدف الاستراحة

الا انها تكاملت مع المشاهد والغت الراحة وولد من رحمها

التفاعل مابين الجمهور وخشبة المسرح.

so i were so glad to be there

ربما لم يقلل من متعة مشاهدتي للعرض الا

ثرثرة وسخرية الجالس في المقعدي الواقع خلفي

رغم أن البعض عرفه للبعض الاخر بالشاعر العظيم

والفنان الفلتة!!

أخيرا أثبتت التجربة وهي في المهد أن الفن يحمل مصير

الانسان بين كفيه..يملك بعض قدره..يغير بعض من وضعه

وصورته المنمطة. فهل يجد أبناء الزبالين من يأخذ اليد الممدودة؟

مجرد سؤال؟

Sono la donna terrena

Non voglio screvire piu
Basta ho scritto tutta la mia vita
Scrittura boun' e cattiva
Contenta e triste
Mimanchanno scrittura di amore
dell gente ho conoscitto
Beviamo , cantiamo, anche chiacchieriamo
Sotto stele e luna
Sulla montagna, e neve
Nell' lago
Ma sempre il tempo bello
Passa veloce
Non c'e insegna
Forse un giorno
Mitrovanno
Ma quando?
Mai dementicato le voce
Quando cantiamo
Solo voglio sentire
Quella :

Respiri piano per non far rumore

ti addormenti di sera

ti risvegli con il sole

sei chiara come un'alba

sei fresca come l'aria.

Diventi rossa se qualcuno ti guarda

e sei fantastica quando sei assorta

nei tuoi problemi

nei tuoi pensieri.

Ti vesti svogliatamente

non metti mai niente

che possa attirare attenzione

un particolare

solo per farti guardare.

E con la faccia pulita

cammini per strada mangiando una

mela coi libri di scuola

ti piace studiare

non te ne devi vergognare
E quando guardi con quegli occhi grandi

forse un po' troppo sinceri, sinceri

si vede quello che pensi,

quello che sogni....
Qualche volta fai pensieri strani

con una mano, una mano, ti sfiori

, tu sola dentro la stanza

e tutto il mondo fuori

الصور بعدسة زنزانة

Sand and Stone

Tow friends were walking through the desert.

During some point of the journey,

they had an argument; and one friend slapped the other one in the face.

The one who got slapped was hurt, But without saying any thing, wrote in the sand:

"today my friend slapped me in the face",

they kept on walking, until they found an oasis,

where they decided to take a bath

the one who had been slapped got stuck in the mire and started drowning,

but the friend saved him. After he recovered from the near drowning,

he wrote on a stone :

"today my best friend saved my life".

The friend who had slapped and saved his best friend asked him,:

"after I hurt you, you wrote in the sand and now, you write on a stone, why?"

the friend replied: "when someone hurt us we should write it down in sand,

where winds of forgiveness can erase it away.

But, when someone does something good for us,

we must engrave it on the stone where no wind can ever erase it".

Learn to write your hurts in the sand to carve your benefits on stone.

They say it takes a minute to find a special person, an hour to appreciate them,

a day to love them, but then an entire life to forget them….take the time to live!

Do not value the things you have you have in your life,

but value who you have in your life!

يونس شلبى : عندما ساعدنا لكى نقتل الخوف فى قلوبنا

بداية البوست دا ببساطة هو للناس غير التقليدية فى

حياتنا،و اللى هما جزء مهم من ذكريات الطفولة و الشباب

و يمكن الشيخوخة. علشان كده البوست دا هيتكلم عن شخص

غير تقليدى فى حياة ناس كتيرة. أنا أعرف الحكمة الأبدية التى بتقول

إن الصديق الحقيقى هو الصديق وقت الشدة.
أو A friend in need is a friend indeed
بس فى نوع تانى من الأصدقاء بيزرعوا الضحكة

و الإبتسامة جوا قلوبنا حتى من غير ما نعرفهم. أيوة أنا من

الجيل المحظوظ اللك كان بيجهز نفسو علشان يشوف

بوجى وطمطم ، كنا بنضحك و بنفرح من كل

قلبنا لما نشوف شخصيات "بوجى وطمطم" و نحاول

نسمىأصحابنا بإسم كل واحد فينا دا عم شكشك ، و دا

زيكا، و الأروبة دى زيزى ، و طلعت

صاحبة المدونة دى باسم طماطم ، وطلع صاحب

صاحبة المدونة بإسم زيكو، بس كان

مفيش حد كان إسمو بوجى و لا فى واحدة كان إسمها

طمطم، ممكن علشان الإسمين كانوا أكبر

مننا، أو يمكن سبنا مكان ليونس شلبى اللى هو

بوجى و لهالة فاخر اللى هى طمطم.الله

يرحم المخرج "محمود رحمي"

لما كبرنا شوية كنا إتفرجنا على مدرسة المشاغبين ، و ناس كتير حبت تكون إبن

الناظر ، الولد الشقى اللى مش فاهم حاجة فى الدنيا .

و فى العيال كبرت

كام واحد مننا ضحك من كل قلبه على سذاجة

و براءة "عاطف" فى مقابل عصبية أبوه " رمضان السكري". كام

واحد برضو إبتسم إبتسامة فرح لما

سمع "جاموسة راحت تقابل جاموسة،، آه ،، جاموسة راحت تقابل جاموسة

يا عينى مالقتهاش جاموسة يا ليلى لقتها بقرة يا عينى يا ليل،،يا عينى علـ الجمايس لما تتقابل يا عينى ،،

بس

مع كده الناس إنهارت فعلا من مشهد فى فيلم شفيقة و متولى ، اللى كان بطولة الراحلة العظيمة

سعاد حسنى، لما راح يونس شلبى "الساذج" لكى يعدم بدلا من "أحمد مظهر" بحجة تجارة العبيد.

يونس شلبى ماكنش "نجم شباك"، كان دايما صاحب الأدوار التالتة و الرابعة

أو حتى الخامسة إذا كان فيه، بس كان ليه فعلا حضور. هو اللى كان بيأكد على أهمية

الإبتسامة و الضحك فى أى فيلم عملوا. حصل دا فى أفلام كتيرة ،أظن إن أجملهم فى

فيلم "امرأة واحدة لاتكفى"، لما عمل دور الشخص المرعوب من أى حاجة مرتبطة

بالأمن و المخبرين. آخر فيلم ظهر فيه "يونس شلبى" كان أمير الظلام، و كان

هو حكم اللقاء بين فريقين من العميان، كانت لقطة صغيرة. بس

كانت لقطة حلوة، يمكن فكرتنا بإبتسامات زمان.
فى فيلم "إسم الوردة" (عن رواية لإمبرتو إيكو)، كان هناك حوار

فلسفى بديع حول الضحك ، و أذكر

بشدة سؤال الراهب ويليام عن "ما هو الشئ المزعج فى الضحك؟"، و كان رد

الراهب "بيرجوس" أن "الضحك يقتل الخوف".

شكرا ليونس شلبى

الذى منح البعض منا الإبتسامة، بل الذى ساعد فى أن نتغلب على خوفنا. أقول

شكرا ليونس شلبى فى هذه اللحظة و التى

أعلم أن المرض أنهكه تماما، ربما بسبب تفانيه فى أن يرسم البسمة على وجوهنا جميعا،،، و

ألف ألف سلامة عليك يا بوجى....

ملحوظة:البوست دا وصل الزنزانة من صديق عزيز جدا، يعني مش انا اللى كاتباه وبالتالي هعلق زيكوا

امتداد الاضرابات الي سجن دمنهور احتجاجا علي سياسة المقشات..يحيا عمال المحلة ومعتقلي سجن دمنهور

وائل حسين على ، اشرف محمد نور الدين ، سامح السيد ،
محمد على بيبرس ، محمد بيومي محمود ، إبراهيم الدسوقي محمد
وغيرهم كتييييرررر مجهولي العدد داخل سجون مصر-رغم ان الفرق بسيط
بين اللي جوا واللي بره- كل ذنبهم انهم مصريين، رضخوا لقانون الطوارئ، والنظام المتمسك به
مش كفاية انهم متلقحين خلف الاسوار في المعتقلات، ولا نعلم عنهم شيئ سوي
عبروسيط (الاهالي ف الغالب)بسبب تضييق الخناق و احكامه عليهم داخل أسوار المعتقلات .
من خلال مجموعة من الممارسات الشاذة (حبس بدون احكام/ تعذيب/ قمع/حرمان من الزيارات)وغيره كتييير

وسجن دمنهورأحدث وليس أوسخ

مثال علي تدهور احوال سجون مصر ،فقد كثفت ادارة السجن
منذ شهر أكتوبر 2006 تقريبا وحتى الآن من سياسة
القمع والتعذيب على معتقلي عنبر 1 ،2 بالتحديد ، حيث قامت بشكل مفاجئ
بمصادرة كل ما يمتلكه معتقلي هذين العنبرين من ملابس ،أحذية ،نقود ، أغطية ، أسرة ،
كراسي ،أقلام ، كتب ،مصاحف ...... و لم تترك لهم في هذا البرد القارص سوى
القليل من الملابس التي لا تكاد تستر سوى بعضا من أجسادهم النحيلة التي ذاقت
التعذيب و الامراض ،مرة على أيدي ضباط امن الدولة ومرة أخرى على أيدي ضباط إدارة هذا السجن .
واستمرت ادارة السجن في قمعها، بل وصل الي حرمان المعتقلين من الخروج من
غرفهم التي لا تتعدى مساحتها بضعة أمتار قليلة لمدد قد تطول لأسابيع باستثناء
عددا قليلا من الساعات لا يجاوز الساعتين في اليوم ، هذا بجانب حرمانهم المستمر
من الطعام سوى الفتات الذي يلقى لهم من فوق أبواب الغرف، وكأنهم حيوانات في أقفاص،
دون أدنى احترم للكرامة الإنسانية .
كما قامت بتقليص مواعيد الزيارة لتصبح عدة دقائق فقط لتقطع كل صلة لهم بذويهم و بالعالم الخارجي
ولذلك لم يكن من المستغرب انه كانت هناك محاولات انتحار فاشلة قام بها بعض المعتقلين، ربما ف الموت راحة
فيما استمرت إدارة السجن في إتباع سياسة التعتيم والتكتيم(وكفي ع الخبر ماجور طين ودسه ف النملية ) على
تلك الجرائم و

ليبقى الحال على ما هو عليه وتظل الرقابة غائبة و يبقى هؤلاء المجرمون دون محاكمة وعقاب.

السؤال الفلتة بتاعي

كل دا ليه؟ ولمصلحة مين يتم تعذيب الالاف؟ وامتهان اداميتهم؟....بالتأكيد ليس
لمصلحة هذا الوطن الذي يتبرأ من كل من اعطي الحماية والشرعية لكل
هذه الممارسات
والان ماذا نحن فاعلون لهؤلاء الذين بدأوا اضرابا عن الطعام منذ أكثر من اسبوعين؟
هل من مجيب ؟
فالصامت عن الحق شيطانا اخرس

فما بالك بالمتستر علي جريمة، وكارثة انسانية

توب علينا يا رب

ومتصبرناش اكتر من كدة علي جار السو

يا يرحل او تجيله مصيبه تشيله

بس بسرعة
....

انا وعيد الحب..ورد وتلج وكشري

الصورة من أعمال صديقي تومي أنا بس لونت واشتركت بالصورة ف المسابقة

فيرونا يونيو2006

النهاردة عيد الحب كل سنة وانتوا طيبين، مبحبش عيد الحب المصري، مش لاني عندي عقدة خواجة

دا بس عشان مبحبش اخبار اليوم هههههههه ما علينا ، ها امنياتكم ايه يا تري ف عيد الحب؟

دا اذا اصلا في حد فاكر او مهتم انا عن نفسي في وعد وتربيطات من اتنين اصدقاء ان هيوصلني ورد،وبالنسبة

لي دا كفاية وحلو قوي، مع ان عرفت امبارح من الزعيم ان الوردة بقت بخمسة جنيه وعليه

احتارت انا دايما كان لي ذكريات جميلة مع عيد الحب حتي لما مكنتش مرتبتة بحد، وهرشت

ف شعري المنكوش وقلت يعني اطلب حقي ناشف؟!انا فاكرةعيد الحب في اخر سنتين كنت ف ايطاليا

، ومفتكرتش عيد الحب المصري خالص، و هناك عيد الحب اجازة في مدن الشمال، وعليه قررت أسافر

ف اجازة لالمانيا، بناء علي اقتراح من البوي فريند، كان عندى امل اخد تصريح الاقامة، عشان

اقدر اسافر لكن لحد قبل السفر بيوم مفيش تصريح، قلت هجرب، (جنان المحبين) لما اشوف،

الرحلة لميونخ اربع ساعات بالقطار، وهو احيانا خاضع للتفتيش والتشيك من بوليس

مكافحة الارهاب والهجرة غير الشرعية، وبما اني سافرت في رحلة سابقة بنفس

الطريقة وبرده من غير تصريح اقامة، قلت هتعدي يمكن يطلع لي ظابط اهبل

زي المرة اللي فاتت(هبقي احكي القصة ف بوست تاني)، المهم قاعدة ف القطر،

وعلي الحدود طلع مجموعة من فرقة مكافحة الارهاب، ودونا عن الناس

كلهم قاللي الباسبور، (كان لازم يعني اصبوغ شعري اسود قبلها)اخده ومش عارف

يفتحه من اليمين ولا الشمال، طبعا شاف العربي، افتكره شفره، انتهي الموقف

بأنه شال لي الشنطة الهندباك،(انا كنت منشكحة جدا ان في ظبوط شايل لي الشنطة) وقال

ع القسم يا فندم (مكنش في ضرب قفا، كان محترم جدا مش زي البعدة اللي هنا)في

القسم اتصل بقسم الشرطة التابع له عنواني، بلغوه ان تصريح الاقامة

لكن انا اللي ملحقتش اخده، طبعا مقدرش انه يعمل لي قضية تسلل عبر

الحدود، وقالي اقدر امشي خلاص، سألته اذا كان ممكن يدلني علي

السكة لمحطة القطر عشان ارجع محل اقامتي؟ اصر انه هو اللي هيوصلني

لان القرية الحدودية صغير ومفهاش مواصلات خالص، اوك نزلني قدام المحطة، ولمحت
سوبر ماركت وكابينة تليفون قلت اعتذر للبيه اللي مستنيني ف ميونخ ، وداخل كابينة التليفون

لقيت ايه؟ ايوة بالظبط ارقام تليفونات شركة التاكسي، وقلت يلا اجرب، اه هروح المانيا

تاكسي، وليه لا؟( واحدة مجنونة بقي)، او هي تخاريف عيد الحب ، اصل لما تكون بتحب

ممكن تعمل حاجات الناس هتشوفها في منتهى الجنان، بس اتصلت بتاكسي، ورد ان هيجي

ياخدني بعد ربع ساعة، اتصلت بالافندي وبلغته ان هوصل متأخرة شوية،

ودخلت محل بيتزا، وقعدت والاقي نفسي قاعدة علي بعد خطوتين من الظابط اللي

قبض عليا، عادييييييي خالص قعدت طلبت بيتزا وكولا دايت، وكل كام دقيقة الظبوط

يبتسم لي، ويشاور، وانا منفضة، ههههههه بعدها جه البيه السواق، لان شكله كان

نضيف جدا، ونادي علي اسمي، الظابط شاور لي وقالي مع السلامة، وجود لك، وانا ميتة من

الضحك، اخدت التاكسي وعبرت به الحدود ، وبس خلاص خلصت الحدوتة، طبعا البيه بتاعي

اتخض و كان هيجيله هارد اتاك، واتسرع لانه متعود ع النظام وان كل "خاجة تبقي تمام" هههههههههههههه

العيد بقي بتاع السنة اللي فاتت مش كنت مرتبطة بس كان احلي عيد حب بالنسبة لي،

اتنين من اصديكائي تومي ومارتن (صيع)،قدموا لي هدايا عبارة عن صندوق شيكولاتة صغير و حزمة ورد تشبه

البنفسج (نوع الورد اللي بحبه، كان مسروق من حديكة جنب البيت)و كمان كتاب حواديت اطفال

لاني بحب كتب الاطفال، بس الكتاب هم اللي ابتكروه بنفسهم(انا عندي نفس الهواية)وخرجنا

بالليل متأخر نرسم ف الشارع و نعمل جرافيتي ، المهم الرسم دا علي حيطان الشوارع

مخالف للقانون، وبالتالي ممكن يتقبض علينا، المهم بما انه كان متأخر كان في

بوليس، وكنا علي وشك نترحل بما اننا مش من البلد دي لكن ربنا ستر، الاتنين الافندية

خدوها جري وسابوني ، اتكلمت مع الظبوط علي اني معرفهمش،(وبراءة الاطفال ف عنيها) وان

الاتنين المجرمين جريوا (شاورت ع الاتجاه المعاكس)المهم روحنا وكان

تاني يوم احلي من السابق،كنت بشتغل، وقبل ما يخلص الشفت، جات كل الشلة

اصحابي وزميلي ف البيت والشغل، وقال ايه مصرين نروح الجبل نتزحلق

ع الجليد، طبعا انا اصلا عندي فوبيا اماكن مرتفعة، وتلج؟ انا بتجمد لو فتحت

التلاجة، انا كائن صحراوي، اتلككت ان مش معايا هدوم تقيلة، لقيتهم

مجهزين لي الهدوم (الله يخرب بيت ال..) طب انا لسه مخلصتش شغل

فاضل لي ساعتين ؟ المدير بتاعي ظريف قالي روحي اتفسحي دا عيد

الحب..يا سلام؟ ، بس روحت جليد جليد انا هخاف؟ ، اخرها هقعد

ف العربية اقرا كتاب، و لو حصلي حاجة هنيمك م المغرب يا اطاليا،

وصلنا اصحابي اصروا اني اجرب الزحلقة، و أوعي وشك...لمدة خمس

ساعات بشكل متواصل، كرات تلج وزحلقة وضحك من القلب وبصوت عالي...مسخرة

من يومها علاقتي اتغيرت مع التلج.بقينا اصحاب

..اليوم انتهي بينا الدنيا ليل،بينوره ضوء قمر لطيف، ونجوم بتضوي ف السما ، واحنا

مسطحين علي قمة جبل ابيض مفيش حاجة حواليه بنتفرج علي النجوم وكل

واحد بيقول نفسه ف ايه؟ طبعا مش هقول اصحابي كانت ايه احلامهم(والا البلوج هيتقفل)هههههه، بس

انا كان نفسي اكون قاعدة علي القهوة ف وسط البلد، (معلش فقرية استحملوني)بشرب

شاي فتلة بالنعناع، و اغلس علي زكي وعمر ، وفعلا اتصلت بأحمد، كان متلقح ع القهوة مع الباقيين.

كل عيد حب وانتوا بتحبوا،الحب او الاحتفال به مش ضروري يكون بين راجل وست، لكن كمان الاصدقاء(قصر ديل)، بمناسبة عيد الحب في انتظار طلباتكم من الاغاني لحد الساعة أربعة ، لان هخرج من الزنزانة للاحتفال

اه نسيت اقولكم:

انا ف انتظار الورد (اللي مش عاوز يجيب ورد ممكن خمسة جنيه عن كل وردة)..بلاش انتظر كتييير احسن لكم نياااهااها

خبر عاجل : طحن 28 عامل مصري في السودان

اخبرني صديق أن الشعب السوداني اعظم شعب في الدنيا

الصور نقلا عن موقع سودانيز اون لاين

قام بعض أفراد الشرطة السودانية بالاعتداء على عدد من ابناء الجالية المصرية بالخرطوم وتعود تفاصيل الحادث الى انا خلاف وقع بين عامل مصرى واخر سودانى فى عمارة فى مدينة الرياض وقام السودانى بالاساءة الى المصرى بالالفاظ غير مقبولة وقام متوجها الى اقرب نقطة تمركز للشرطة واتت الشرطة وقامت بضرب العمال المصريين ضرب وحشى مستخدمة العصى وفوهات البنادق وركل بالاحذية وتم استكمال حفلة التعذيب بقسم الشرطة وكما قامت الشرطة بسب حسني مبارك رد بعدها العمال المصريين بالتحرك فورا الى مبنى الخارجية السودانية وقدموا مذكرة ثم توجهو الى مفوضية حقوق الانسان اى مكتب الامم المتحدة ثم توجهو الى القنصلية المصرية بشارع الجمهورية حيث هم الان متجمهرين هنالك

يا ميت ندامة ..كمال عباس قطع تذاكر علي عبد الرحمن خير..

الخبر والصور والتعليقات وصلتني ضمن مجموعة بريدية

كنت قريت الخبر ف الجرايد لكن مصدقتش وقلت لالالالا مش ممكن

عم عبد الرحمن خير يضرب كرسي في الكلوب

علشان يشطب الفرح قصدي المؤتمر الصحفي لدار الخدمات النقابية والعمالية

بنقابة الصحفيين، قلت اكيد حركة قرعة من الجرنال اياه اللي

طلعنا في مظاهرة عيد الشوربة بنهتف للريس حنتيرة

لكن مخبيش عليكوا الموقف فكرني بتأييد عم عبد الرحمن خير

للحكومة في شطبها للاخوان في الانتخابات النقابية للعمال

من تلات شهور،ساعتها الفار لعب ف دماغي

صحيح عم عبد الرحمن خير له تاريخه الحافل اللي مش محتاج

تأكيد عليه من واحدة زيي لكن هل دخول عبد الرحمن خير تحت خيمة

مجلس الشوري و رئاسته لنقابة العاملين بالانتاج الحربي

معناه دخوله تحت خيمة النظام؟ مجرد سؤال مش اتهام

من ناحية تانية، ليه الموقف دا من كمال عباس؟

ودار الخدمات النقابية والعمالية؟

هل فعلا كمال عباس قطع تذاكر علي

عبد الرحمن خير؟ (حفاظا علي حقوق الملكية الفكرية

التعبير من الصديق احمد خير)

المتتبع لكمال عباس ودار الخدمات

رغم اتهامات عبد الرحمن خير لهم بالعمالة-

وقبول التمويل من الخارج-

في الاضرابات الاخيرة للعمال عباس والدار

انحازوا أولا وأخيرا لمطالب العمال

لم تحاول الدار جر العمال إلى مستنقع التعبير عن سياسات بعينها.

وهو ما كان واضحا في الهتافات المطلبية الصرفة
رحمة رفعت المدير التنفيذي للدار معروف عنها أنها قامت فى بداية الثمانينات

بالنزول إلى منطقة حلوان العمالية من اجل العمل مع العمال
و شكلت هى و كمال عباس ثنائى نضالى من الطراز الأول، كليهما ينتمى إلى جيل

السبعينات و تشهد مواقفهم على أنهما كانا نموذجين للعمل و الإخلاص من أجل الدفاع عن حقوق العمال.

كمال عباس ورحمة رفعت ليسا في حاجة للدفاع عنهم

لان مواقفهم وتاريخهم معروفين خصوصا لمحيطهم العمالي

لكن السؤال ماذا قدم حزب التجمع للعمال في الاضرابات؟

لصالح مين عم عبد الرحمن خير ضرب كرسي في الكلوب؟

هل اتحاد عمال مصر و رؤساء نقاباته استشعروا

خطر افتقادهم للثقة من جانب العمال، وان كمال عباس

والدار سحب البساط من تحت اقدامهم؟

فأصدر الاتحاد لعبد الرحمن خير الاوامر

بلم الموضوع وضرب كرسي في الكلوب؟

هل كرسيعبد الرحمن في الكلوب جزء من حملة تشويه دار الخدمات

التي يقودها كل من حسين مجاور

رئيس اتحاد نقابات عمال مصر، ووزيرة القوي العاملة

عائشة عبد الهادي،اللي اكدت في اخر اجتماعاتها

"أن الريس استحالة ينام وفي عامل زعلان"

أخر الاخبار في الحملة ضد دار الخدمات

كانت يوم الخميس الموافق 8 فبراير الجارى حضرت لمقر الدار لجنة من وزارة الضمان الاجتماعى برئاسة وكيلة وزارة من مكتب الوزير وفاء محمد،ابلغ أعضاء اللجنة الدار أن هناك تعليمات عليا تتعدى وزير الضمان الاجتماعى بضرورة متابعة والتفتيش وراء نشاط الدار فى إطار التضييق على عمل الدار !!

بالتأكيدأن الخاسر الوحيد من الليلة عم عبد الرحمن خير اللي لبس عمة (عمامة)الاتحاد

العام لنقابات عمال مصروخسر كتير من رصيده عند الناس

عبد الرحمن خير رئيس النقابة العامة للعاملين بالإنتاج الحربى وعضو
الأمانة العامة لحزب التجمع يقود البلطجية لاقتحام نقابة الصحفيين للاعتداء
على دار الخدمات النقابية والعمالية

عبد الرحمن خير وبلطجية اتحاد العمال يحاولون كسر باب نقابة الصحفيين

وصلة ردح من عبد الرحمن خير للأستاذ/ حافظ أبو سعدة الأمين العام
للمنظمة المصرية لحقوق الإنسان


عبد الرحمن خير وبلطجية اتحاد العمال يحاولون الاعتداء على
الأستاذ/ محمد منير الصحفى الذى كان يدافع عن مقر النقابة


عبد الرحمن خير فى مواجهة يحيى قلاش سكرتير عام نقابة الصحفيين
يتهم النقابة بالكذب ويعلن أن الاتحاد سيساند أى حركة انشقاق داخل نقابة الصحفيين


والسؤال: مِن مَن يتلقى عبد الرحمن خير الأوامر؟؟؟

بعد الصور معنديش غير تحيا رحمة رفعت

وكمال عباس ودار الخدمات النقابية والعمالية

الدور الاولاني اول شقة يمين

علي غير العادة صحيت بدري النهاردة، ومن غير صربعة نزلت ، الشمس كانت حلوةحسيتها بتلسع خدي، ولاول مرة من فترة طويلة كان في احساس بالدفا الصبح، وحفاظا علي حالة الهدوء والسكون النفسي (الذي دائما ما يسبق عاصفة اكتئباوية)و التأمل الفليسوفي والفرجة علي الناس في الشارع، وبما ان لسه في باقي بعد معرض الكتاب قررت اركب تاكسي ،متهورة بقي وعلي ناصية الشارع شاورت للتاكسي، وقف لي و لسه باتحرك افتح الباب لقيته علي بعد خطوتين، كان بيشاور للتاكسي نفسه، هي هي الابتسامة اللي مهما كان مودك لا تملك الا انك ترد عليها بابتسامة عريضة مزقتطة، وقالي :انتي رايحة فين؟ الشغل؟كنت متنحة (ودا مبيحصلش مع كل الناس، في الغالب بحاول ابقي مستأسدة) وهزيت راسي، قالي: انت رايحة رمسيس عشان المترو للمعادي صح؟ هزيت راسي تاني، (مكنتش اعرف انه متتبع اخباري) ففتح لي الباب وقالي: اتجاهنا واحد، انا رايح مصر الجديدة(مفهمتش اتجاهنا واحد ازاي؟)من غير تفكير ركبت بعد الاسئلة اللي بدل علي ان الكلام خلص (اخبارك ايه؟ اخبار شغلك؟)، قلت تمام، شغال، بس بعدها صمت لمدة خمس دقايق طوييييلة، وبيني وبين نفسي بردد اغنية "حبيبي انت يا فيلسوف"من فيلم المتوحشة، كنت بغنيها له كل ما نتقابل، ملقتش حاجة اعملها غير اني البس نضارة الشمس العريضة، تفاديا لاي نظرات، بعدها رزعت السؤال، انت عامل ايه؟ وابنك كويس؟، قرب يروح المدرسة ولا لسه؟ ضحك وقالي : يوسف (دا اسم كنا مختارينه سوا)اه كويس بس انا قررت يروح الجامعة مباشرة، بما انها احلي سنين ، وسألني انتي هتسافري تاني؟ انا عارف انك رجعت عشان خاطر ماما (هو كان بيناديها كدة) ، و كمل شكرا علي الكتاب، اللي بعتيه مع احمد(اخويا)، من تحت النظارة وصوت ضايع(عندي برد ومشاكل تدخيناوية)قلت العفو، بس شوية ووصلنا رمسيس ، نزلت وضربت لخمة ومعرفتش اسلم عليه.يمكن لاحساسي بالذنب، اللي مش عاوز ينتهي تجاه. لاني بكل ندالة نهيت العلاقة (دا احساسي تجاه نفسي)لاسباب ممكن تكون مش مهمة، وف توقيت حرج. لكنه القلب اللي في الاصل هو قلاب.

دا كان ابن الجيران الحب الاول (هو كدة لو في القاهرة بن الجيران لو الصعيد ابن العم)حب التلامذة من ثانوية لحد الكلية، وما بعدها،كنا فاكرين ان محدش يعرف لكن بعد ما وصلنا الجامعة اكتشفنا اننا منعرفش ان الناس كلها عارفة هههههههههه، رغم اننا كنا عاملين زي المخبرين، نتقابل في الجامعة، وايام الثانوية بنذاكر سوا في بيتهم او بيتنا، طبعا في وجود محرم (في الغالب كان اخويااللي

كان يطنش يذاكرمعانا )هو يذاكر لي فلسفة وعلم نفس، وفرنساوي (اللي متعلمتش منه الا جملتين جوما بل راندا/ جو تام)وانا اذاكر له انجليزي لانه كان بيسبقني بسنتين، وكانت اعلي درجات جبتها ف ثانوية عمية كانت المواد دي. كان كل مقابلة خصوصا الصبح يجيب لي وردة(طول 8 سنين)، خصوصا البنفسج، كتب شيرك وكمان درة مشوي علي النيل لما نكون مفلسين

كان صديق لمامتي، اللي كانت مكبرة دماغها وعاملة مش فاهمة حاجة، لانه هو ومامتي كانوا اصحاب علي الاقل لحد سنة فاتت.شخص مختلفش عليه اتنين، حتي بن خالتي اللي كان غيران منه عليا كان صديقه اللدود، والانتيم ، اللي كان لمجرد يلمحنا بنكلم سوا، يقلبها مراجيح، لكن اول ما يتكلموا سوا تلاقي براكين ضحك اتفجرت، بسبب خفة دمه (انا دايما بتكعبل في اللي دمهم خفيف بس)هو في شكل وملامح وحجم الممثلين احمد رزق ويحيي الفخراني (عشان كدة تلاقيني بموت في يحيي الفخراني) نوع من البني ادمين استحالة تلاقي زيه دلوقتي، بالظبط زي الفرسان اللي في الروايات بتاعة الكسندر دوماس، اتبرع لي بدمه قبل كدة وكأني مكتوب عليا اكفر عن ذنبه،لحد النهاردة مش قادرة انسي امي لما اتصلت بيا مرة علي غير المعتاد مكالمة دولية عشان تقوللي جملتين : اخبارك ايه؟ انا لسه كنت في فرح فلان، انا رغم ان كنت مرتبطة بشخص تاني، الا ان مش فاكرة اذا كنت رديت من اصله، وبعدها قررت اني مش هنزل الاجازة.

انا مش ندمانة علي قراري، ولو الزمن رجع اكيد هختاره، لان كل حاجة في الكون بتبدأ صغيرة وتكبر، الا الحب يبدأ كبييير ويبدأ يصغر،وتبقي الذكري الحلوة، والناس الحلوة اللى مش ممكن تقابل زيهم، مش ممكن تنساهم، مش ممكن تصادقهم بعد علاقة حب، لان مش من المفروض انهم يبقوا اصدقاء، ومش من المفروض ميبقوش اصدقاء، كفاية قوي يتقابلوا صدفة

كان نفسي احط اغنية حبيبي انت يا فيلسوف مع البوست.

تأجيل المحاكمة لاتنين من امناء الشرطة متهمين بضرب محامي بالشارع

قرر قاضى محكمه جنح العجوزة بجلسه الامس تأجيل المحاكمه التى يمثل فيها ثلاثه من أمناء الشرطه كمتهمين فى واقعه ضرب وأعتداء على الأستاذ / أحمد سمير الملاح إلى جلسه الثلاثاء الموافق 20/2/2007 لإستكمال أجراءات دعوى التعويض المدنيه التى أقامها المجنى عليه مع إستمرار حبس أمين الشرطه (كمتهم أول) سيد عمرو محمود .

وتعود وقائع القضيه إلى صباح الخميس 25/1/2007 عندما فوجئ المجنى عليه أثناء قيادته لسيارته قاصداً الوصول إلى المحكمه الكائنه خلف وزاره الثقافه بميدان الكيت كات بغلق الطريق فقام بالترجل لمعرفه السبب للحاق بأعماله داخل المحكمه فتكشف له وجود سيارة تابعه لوزارة الداخلية ( سيارة الترحيلات) وحاول الشرح لأمناء الشرطة المرافقين للسيارة بضرورة فتح الطريق ليتمكن هو وسائر المواطنين من أستكمال سيرهم كل إلي مقصده, ودون أي مقدمات فوجئ المحامي المجني عليه بسيل من الشتائم والإعتداء بالضرب وتمزيق ملابسه وهو الأمر الذي تخلفت عنه العديد من الأصابات الحيوية بجسد المجني عليه وأعقب ذلك الأعتداء الهمجي أن إقتادوا المجني عليه بعدما خارت قواه وأهدرت كرامته الي غرفة الحجز داخل مبني المحكمة وكانت النيابة العامة قد وجهت إلي عدد ثلاثة من أمناء الشرطة الإتهام بأساءة إستعمال السلطة وإستعمال القسوة مع المجني عليه وحددت جلسة عاجلة لمحاكمتهم أمام محكمة جنح العجوزة التي حضر أمامها عشرات المحامين المتضامنين مع المجني عليه وأصدرتالمحكمة قرارها بتأجيل القضية الي جلسة 20/2/2007.

نقلا عن الشبكة العربية لمعلومات حقوق الانسان

تاج من ذو النون اللي مش عاوز يقول اسمه

بما اني كسرت بخاطر عزيزي ذو النون مرة

و مجاوبتش علي التاج عن خمس اسرار في حياتي،

قررت اني اخوض مغامرة التاج، اللي

بالنسبة لي زي اللغة الهيروغليفية لما حفصة مررت لي تاج

بما اني محدثة نعمة بالتدوين مفهمتش يعني ايه؟

وف اخر قاعدة مع الشلة افتكرت ان تاج دا اسم مضاد حيوي

او دوا كحة من اللى بتعاطاه المدونين يي قصدي

المدمنين بما اني قاعدة وسط اتنين دكاترة

ولما قريت ردود حفصة برده وداني طولت اه شفتها كدة

وافتكرت انه احد بوستات حفصة المرووشة

لكن لما روحت عند ستشي وتاج راسي شهروزة هانم

فهمت واكتشفت اد ايه في شبه بنا

ولما قريت البوست الاخير لذو النون هلكت من الضحك

كمان شفت اد ايه احنا متشابهين، وبما انه متشحتف

ان مين هيرد عليه؟ قررت ارد ع التاج دا

لان الاولاني بصراحة مقدرش ارد عليه لاني عندي

فضايح وبلاوي اكتر من خمسة غير معروفة

اوك؟ يلا بينا نبتدي

ماذا سيحدث لايميلك بعد موتك؟

رغم اعتقادي اني هموت قبل سن 36، هتنازل عنه لبنك الاميلات معرفش هو ايه؟ لكن اكيد حاجة زي بنك التبرع بالاعضاء ، واحمد زكي يبقي القيم عليه بما انه مليان بلاوي، لكن لسه مش عارفة اصحابي اللي مبيعرفوش عنجليزي دول احمد ممكن يرد عليهم ازاي؟، لكن انا عندي فكرة اني اعمل علي طريقة المساجين اكتب كذا ايميل واحفظهم درافت لاحمد، والصياغة تقريبا واحدة، ازيكم عاملين ايه؟ وهكذا، واخر درافت اقول لهم بقي وامري الي الله روحوا اتعلموا عربي او انجليزي لان دا اخر درافت موجود عند احمد ههههههه

هل اعطيت كلمة المرور او كلمة السر لاحد من قبل؟

لا مش اديتها، لكن ااخدتها لان احمد هو اللى عمل لي الاميل، بس انا متأكدة انه نسي الباس وورد، لكن مرة كنت هديها لاحد وهو رفض، لاني رفض اخد الباسوورد بتاعته، لاني مش معني ان في علاقة عاتفية بنا اني احاصره واخد الباسوورد، خصوصا ان الجيرل فريندالسابقة بتاعته كانت مطلعة عين اهله بتراقب الاميل والبريد العادي الخاص به، لكن انا كنت مدياها الطرشة، وانا سيد مين يطنش . لكن اكتفيت اني اخد الرقم السري لحسابه البنكي اللى مغيرهوش لحد دلوقتي.

كانت الاجابه نعم ،فما كات طبيعة علاقتك به ؟

احمد صديكي الانتيم ، لكن الاستاذ التاني ختيبي السابق

اسمك؟

راندا بنت صباح، بلاش اسم عيلتي لانه الصيت ولا الغني داخل فيه دهب وفضة وحاجات ملعبكة، هتسألوني عن معني اسمي؟ طبعا اعرف في تلات معاني اهمهم طبعا الجاكاراندا ودي شجرة صغيرة تنمو في اثيوبيا فقط وليس اي مكان اخر في الكون، والشجرة معروفة انها بتطرح ازهار لونها اصفر وازرق، اه والله، وفي رواية مشهورة للكاتب بيتس اسمها كدة شجرة الجاكاراندا.دورو عليها لانها قصة حلوة.

اسم الدلع المعروفة به بين اصحابي؟

شوفوا الموضوع اذا نظرت له كويس ممكن نعرف من خلاله معني التطور الطبيعي للحاجة الساقعة، يعني قبل المدرسة، امي كانت مصرة تناديني رامي، معرفش ليه؟ يمكن لاني كنت بلعب بليي او بركب عجل في الحارة و بتعارك مع الاولاد، احتمال؟ لكن والله كنت بنوتة خالص بلبس جيبة قصيرة، وكنت تلاحظ بسهولة اثار الجروح علي ركبي ، كل الحكاية ان مكنتش اسيب حد من الاولاد يغلبني ف لعب الكرة والبلي، او يلعب معايا لعبة الدكتور والمريض.

بعدها امي فهمت اني محبش الاسم دا، قررت تقوللي ريني معرفش برده يعني ايه؟ ولما كانت بتادي عليا مبردش، اولاد خالتي الي كانوا ف سن ولدتي كانوا في اسكندرية وبعيش معاهم فترة الصيف كلها هناك معاهم كانوا بينادوني ريري، بس العيال كانوا يفضلوا يغنوا هتلينا ريري هتلنا ريرى، من الاخر اتعقدت. في المدرسة كان في مدرس عسولة زي ذو النون عسولة كان بيناديني ميرندا طبعا العيال في المدرسة كل يوم انتي مالك مصفرة زيادة النهاردة؟

طبعا كنت بشخرم اللى جابوهم ، لما كبرت ع 18 صديق طلع عليا اسم راندوشكا، ودا نوع مدفع روسي سريع الطلقات، لكن احب اسم دلع كان كلبوظة او كلابيظو مع قرص الخدود.

عمرك و برجك؟

عمري بلا فشخرة 28سنة وامي ذله اهلي، نفسها واحد ان شا الله بتاع فجل، يتكرم يتجوزني عشان يشيل الزبالة من البيت ، قصدها مكتبتي مش انا،أنا برج الدلو وانا فعلا دلو و باخد علي قفايا كمان

شغلي ومجالي؟

كان نفسي اشتغل منقبة اثارلاني كنت مبهورة جدا بالاكتشافات الاثرية بتاعة مقبرة توت عنخ امون، وبتابع دايما اخر الاكتشافات في جرنال القاهرة،انا درست تاريخ، وبعدين دبلومة حقوق انسان من كلية سياسية واقتصاد، بدأت اشتغل من تانية كلية، ودا كان مفيد لان الاستقلال الاقتصادي بداية الاستقلال في الحياة،اشتغلت صحافة من سنة 99،و من سنة 2001، بدات مجتمع مدني ،لكن وما الحب الا للحبيب الاولي،شاركت في كتابة بعض الكتب مع مجموعة اصحاب،وبشارك في ورشة للاعمال الصحفية من اكتر من8سنين،انا اقدم الموجودين واصغرهم سنا،ولي حاجات كتير منشورة ملطوع عليها اسمي، كتبت عن ناس وانكتب عني، دلوقتي بشتغل في احدي مؤسسات حقوق الانسان وبحب شغلي جدا .

نوع شخصيتي؟

ممكن تلاقي فيا تناقضات علي حسب الجروب اللي انا موجودة في وسطيه، يعني مع احمد زكي وعمر قناوي منطلقة

مع ناس تانية تلاقيني خرسة، في الوقت نفسه انا ودن كبيرة، مش لسان حسب تصنيفات توتا، كمان وحيدة ومش وحيدة

بس عندي صبر ايوب من الاخر جمل او جبل، لكن اطقي صبر الحليم اذا طهقته.هطنش اللي خلفوك لو عملت لي اراجوز، ودماغي زي الدزمة ، عنيدة مش ممكن، لكن ممكن اغير رأي اذا كلمتنى بالمنطق، معرفش الباقي، لكن اكتر حاجة مسخرة اتقالت عني ع النت صديق من فنلندا الشقيقة قال ان اهم صفاتي، اني بخلي الرجالة يعانوا، والبنات تغير بسهولة. ههههههههه.

السفر بالنسبة لي؟

اكتر حاجة بحبها في الدنيا، في صديق الشهر اللي فات لاغي رحلة ل لندن عشان مش هينفع اروح معاه،

و بحب اسافر مع جروب، نفسي اروح اسوان

المود بتاعي؟

دلوقتي تقريبا زفت لكن انا اللي بتحكم في مودي .

وقت فراغك وكيف تقضيه؟

للاسف انا حاليا معنديش وقت فراغ، لكن دايما معايا كتاب، وبقرا ف كل حتة خصوصا المترو واحيانا ع القهوة، وطبعا النت وسماع الاغاني، اخر سنتين ضيف عليهم الرسم اتعلمته مع صديق، وكمان اتعلمت حبة جيتار، لكن نفسي دلوقتي اتعلم عود،زمان كنت بحب كرة القدم وكمان لعبتها، كمان اخر سنتين كنت بقضي وقت كبير، بالرسم في الشوارع اللي هو اسمه فن الجرافيتي، زمان كانت هوايتي الرسم ع الخشب وحرقه، والرسم ع الزجاج والسيراميك، لكن الرسومات البسيطة لاني مبعرفش ارسم كويس لكن بلون حلو في اعتقادي، كمان بحب شغل الخرز والاكسسوار وتقريبا عاملة معظم الحاجات اللي بلبسها، وبحب اعادة انتاج الاشياء. لكن حاليا كل الحاجات دي مفيش وقت امارسها.

الاكلة المفضلة؟

زمان كانت المكرونة لكن طفحتها كتير اخر سنتين، دلوقتي بسبوسة من عند العبد، وكبدة من علي العربية اللي جنب كشري علي بابا، مبحبش الكشري.بفضل بومفريت .

الصفات اللي اخدتها من امي وابي؟

من امي خدت اني ابقي جمل صابرة وساكتة، لا اشكوي، ، وشايلة بلاوي لحد ما طلع لي اتب، بس مبتسمة طول الوقت وممكن الناس تتهمنى بالعبط، الحمد لله ما اخدتش حاجة من دادي، لاني اتعرفت عليه اول مرة لما كان عندي 18سنة، هو راجل طيب ممكن تكلفتيه بكلمتين لما تكوني راجعة متأخرة، و ولا مرة عصبي ولا متعكنن ودايما رايق ، لكن انا استحالة تكلفيتيني ولا حتى صنية بسبوسة.

اكتر ست حاجات بحبها؟

اولاد اختي لما بعملوا لي حفلة الاستقبال اول ما ارجع البيت

العب مع العيال عموما وعيال اختي خصوصا

اقرا قصة حلوة

اسمع اغنية بحبها معظمها اغان قديمة

بحب لما حد يجيب لي وردة

بسبوسة وقهوة حمادة واحمد زكي وانجي وعمر قناوي وحفصة وناس تانية

ومصر طبعا،

اكتر 6 حاجات بكرهها؟

صعبة شوية لاني فعلا معنديش مساحة اني اكره لكن مبحبش الغباء

والنفاق الاجتماعي واذدواجية المجتمع والناس، والحزب الوطني

وسمعني تعظيم مقشات يا جرجسسسسسسسسسس

الشغل بالنسبة لي؟

انا بشتغل شغلين واحد بحبه موت والتاني بحبه بس، لاني عمري ما اشتغلت حاجة مبحبهاش

وبالنسبة لي مش فلوس و لكن حياتي ومنفذي خارج الزنزانة.

الكمبيوتر والنت؟

مهمين لكن ممكن اديها صرمة ومعبرش الكمبيوتر، خصوصا لما احس ان الناس قريبة مني والنت بيبعدهم عني.

من سترسل لهم التاج؟

احمد زكي معندوش مدونة

كمان مروة وانجي

النديم؟ اه لكن الزعيم ليس في مستوي هايفتي عشان يرد ع التاج

حفصة وتوتا خلاص وكمان شهروزتي

فارس قديم وريني شطارتك وتنظيراتك حوالين موضة التاجات دي

هحاول اضحك علي ريكا و اوسا

و ابو ريشه

النديم

جرجس هيعمل لي فيها استاذ حمام ومش هيعبر اهلي

لكن هحاول.

تاج عليك يا رب، وتاج قليل يمنع بلاوي كتير.

حفصة بتزن علي اهلي عشان تكلمنى ع الماسنجر كفاية كدة.

اياك تهزر دي فيها نص عمرك

اه لو عرفت اللى اتعمل في "هادي سعيد ال مطيف" المحبوس في سجن نجران

كان عنده 18 سنة عام 1992، واحد من اصدقائه قاله اثناء حديث بينهم صلي ع النبي

مش مهم دلوقتي رد هادي اللي قاله بكل تلقائية مرحلته العمرية

النكتة كانت سخيفة وبايخة لكن كانت نتيجتها ان الصديق نقل كلامه لاولي الامر

فترمي في السجن حتى الان بتهمة "الاساءة للنبي محمد" وفي عام 1999 كان المفترض

تنفيذ حكم الاعدام فيه لولا ان الملك فهد لم يوقع علي تنفيذ الحكم

الان قضي هادي 15سنة هي نصف سنوات عمره تقريبا في سجن نجران
هم زهرة شبابه وتدهورت حالتهالصحية والنفسية
وتمني الموت مرات و مرات وحاول الانتحار اكثر من مرة

ناشدت مجموعة من الناشطين والمدونيين والحقوقيين و المنظمات

الملك عبد الله للافراج عنه والاكتفاء بمدة ال15 سنة

هنا يطرح تساؤل هل يمكن محاسبة شخص علي نكتة ؟ مجرد نكتة

يقضي بسببها سنين طوال من عمره(نصف سنوات عمره) في السجن، دون الحق

في النوم ، التعرض للتعذيب، دون الحق في توكيل محامي للدفاع عنه، او حتي صدور حكم ضده .

نكتة تلقائية ؟ يعني مش كتاب منشور؟ او مقال في صحيفة

وان كان هذا لا يبرر الحبس بسبب النشر، ولكنه السائد

فهل ستجد المناشدة استجابة ؟

الله اعلم

و أنا في قمة الاكتئاب التهييسي:مبارك و المنشطات..الكشري علي محكمة الثورة

بالتأكيد تعرف معني كلمة كتاب، ولكن هل تعرف معني كلمة معرض؟
هههههه تعالي اقولك ولو ان اكيد انت شفته بنفسك
طول سنتين فاتوا كان عندي وهم ان لو موجودة ف القاهرة اثناء انعقاد المعرض
يبقي هتلاقيني مستنية الافتتاح من اول يوم ع الباب (القاهرة الدولي للكتاب،
واخد لي بالك من كلمة دولي دي؟)، يعني المحلةوكفر الشيخ وشبين الكوم
واهو اديني كنت في القاهرة و مروحتش المعرض الا النهارد
تم الاتفاق بيني وبين احمد ومروة اننا نتقابل قدام هارديز
وبما ان احمد اتفق مع جروب تاني يجيي معانا من اماكن متفرقة من
القاهرة الجميع (ما عدا مروة)وصل متأخر حتي محمد اللي ساكن جنب الجامعة الامريكية
وصل متأخر ساعة ..ازاي ؟ معرفش
بعد ما الجروب وصل كله احمد افتكر انه جعان(دي طبيعته اول سؤال كل ما يشوفني انتى مش جعانة؟
تاني حاجة انك تركب مع سواق تاكسي يستهبلك
هبش مننا عشرة جنيه من التحريرالي المعرض، لكن استهبلنا
انه نزلنا عند باب قاعة المؤتمرات، اللي الطوابير قدامه كانت بدايتها من ميدان عبد المنعم رياض
يلا ساعة كمان طوابير (ثقافة القطيع)اليومية واديني وانا في الطابور اتعرفت علي الناس اللي حوالية
وحسيت بالعشرة والعزوة معاهم، طبعا كل واحد ادلي برأيه في مسألة ان واحدة زيي واقف في الطابور..ما علينا
واديني طلعت بكام اعلان من اللي بيتوزعوا عن الموبيليا والاقلام الرصاص وكتاب سلاح التلميذ
وكمان الشورمة والكشري اللي في المعرض، اللي كانت وصفته بجوار المقهي الثقافي
ههههههههههههه
اول ما دخلت كان تقريبا مولد السيدة زينب لسه منصوب
كمية الزبالة والورق ع الارض وبوكسات البوليس والظبابيط
المعرض اكيد هو هو من كام سنة لكن المختلف السنة دى بالنسبة لي ع الاقل ان ناس كتير اعرفها
كبرت دماغها ومرحتش المعرض، وان معظم الناس رايحة تتفسح، يعني كل ست وراجل ساحبين العيال
وهاتك شرا غزل البنات وحلبسة ولعب بلاستيك وارد الصين وبلالين
اول حاجة صدمت عنيا بياع الشربات الرجالي والتلاته بعشرة جنيه
بعدها بياع حرامي الدش اللي كاتب وصف مفصل بيقول يسلك كل القنوات
ويقضي علي التشويش والخيالات القنوات المحلية (زي اعلانات البيروسول )
في منافذ بيع هيئة الكتاب ، كان في مسخرة انك تدفع جنب العمود
اه والله معرفش افتكسوها منين؟ انك تشتري الكتاب وبعدين حد يقولك ادفع جنب العمود
تروح عند العمود طنط اللي قاعدة تقولك لا العمود التاني
وهكذا ..ولما ربنا يكرمك بالعمود الصح، الست الحاجة تقولك معييش فكة
تقولها ما انتى اهو معاكي جنيهات وانا الباقي اتنين جنيه بس
تقولك يا سلام وبحركة من ايدها زي روح ف داهية يعني اديك كل الفكة وانا اقعد كدة؟ ولا اللى هتقعد عريانة يعني
خرجت انا ومروة وقولنا نستنى الجميع قدام صالة اربعة
نلاقي ان المعرض اتحول لمكان لترتيب لقاءات بين عرايس وعرسان المستقبل
ههههههههه (في حد بيتجوز دلوقتى؟)ان في شلة خطيب وخطيبته واخواتها التلاتة
و بما ان طرطقت وداني عرفت ان عريس الغفلة مرتب مع اصحابه يجوا يتفرجوا علي اخوات عروسته
بس اللي قطع حبل وداني اني شفت النديم فقمت اضرب تعظيم سلاح بالعكاز بتاعي
الزعيم مشي، اتفقنا نروح دار نشر عشان احمد بيه زكي عاوز يشوف كتاب هناك
اللي لفت نظري ان سيارات نقل الجمهور اتغيرت بقي في عربيات الجمعيات التعاونية
زي خط امبابة الجيزة، وان معظمها من المحلة و الدقهلية مفيش الاتوبيسات الشيك
بتاعة القوات المشلحة، تخيلت اني واقفة ف موقف عبد المنعم رياض
او تقريبا دا كان تأثير الاية الكريمة المكتوبة علي باب العربية "فأغشيناهم فهم لا يبصرون"طبعا
انا مش فاهمة اشمعنا الاية دى مش ايه "انا فتحنا لك فتحا مبينا" اللي متعودة اشوفها ..الله اعلم؟
كنت مقرر ان مش هشتري حاجة تاني لحد ما اروح سور الازبكية
لكن طبعا اتهطلت اول ما شوفت الرف بتاع كتب ابراهيم اصلان واشتريت له بحيرة المساء
كنت هتخبل واشتري لطارق البشري كتابه عن الحركة الوطنية المصرية
بعدين افتكرت ممكن ابلطج علي عمو عبد القادر واخده منه فردة
فالحمد لله رجعت الكتاب مطرحه والا هشحت باقي الشهر (و لو اني كدة كدة هشحت)بعدها
اخيرا قعدنا علي جنب نشرب شاي، وكانت فرصة اقلبها مراجيح بما اني ممنوعة من التدخين بأمر الدكتور
روحنا السور اخيرا يا رب، سور الازبكية من سنين طويلة كان الحاجة الوحيدة اللى تخليني اروح المعرض
مع ان في الغالب مكنش يبقي معايا فلوس كتير، هم تلاتين اربعين جنيه اروح اتسنكح بيهم
واجيب كتب كمان... يا سلام ع الكتب ام ورق اصفر تجنن و يا سلام بقي لو الغلاف متقطع مش ممكن
اصلي بحب الكتب القديمة و بحب اعمل لها ترميم للغلاف و احيانا الصفحات
و بحب اعداد المجلات القديمة زي المصور واخر ساعة زمان كان استحالة اشتري اعداد منها لان مكنش في فلوس
فالنهاردة انا فخورة جدا ان اشتريت كمية اعداد من اخر ساعة ومهمنيش
طبعا انا كنت عاملة ميزانية للنهاردة لكن طبعا الميزانية خرمت ع الاخر
لكن المهم اني جبت كتب لان الكتاب بالنسبة لي زي متكون في قصة حب مع حد لكن قصة حب
في بدايتها لان قصص الحب في مرحلة ما بعد البداية بيبقي دمها تقيل ومسخة
المهم احمد ومروة كل شوية خلاص دا اخر كتاب هشتريه لكن طبعا انا منفضة
لاني عارفة يموت الزمار وايده بدعبس ع الكتب، بس اتحطينا في موقف انا واحمد
لاختبار قوة صداقتنا اننا مسكنا كتاب سوا في نفس اللحظة قديم ومفيش منه نسخة تانية
سبته له لكن اتفقنا اننا شركاء لكن طبعا انا نيتي اضرب ع الكتاب بعدين
لو كان معايا كاميرا كنت صورت بلاوي اتفرج علي مناظر الناس مشيين بالزمامير والبلالين
ولا ام المسخرة بتاعة بعض دور النشر في كتابة اليفط مصحوبة بأخطاء لغوية معتبرة
باب النجار مكنش مخلع وبس دا كان مدغدغ سبعين حتة
و دايما مكنش فيه فرق بين كتابة الهاء، والتاء المربوطة علي اليفط
قبل ما نخرج قررنا ناكل لان صعب نتوقف في وسط البلد ..بس ناكل ايه؟
مروة اقترحت كشري (ويا ريته باين عليها)لاقينا الحمد لله مطعم بحاله
كشري وشورمة وكل حاجة انا قعدت ع الرصيف مع الكتب وعيني سرحت كدة
لاقيت المقهي الثقافي فاضييييييييي محشور بين مطعم الكشري ومقر توكيل بيع موبيلات
ومعظم الناس محشورة في خيمة بتسمع اغاني ع الدي جي ههههههه
معنديش اعتراض علي سماع الدي جي بس بروح اسمعه ف الديسكو مش معرض الكتاب
كمان صعب عليا حشرة المقهي الثقافي اللي زمان كان فيه الابنودي بيقول شعره
وعواطف عبد الرحمن و امينة النقاش وغيرهن متحدثات في ندواته
لكن دلوقتي الوضع اختلف بالظبط زي لما احمد سند علبة الكشري اللي ف ايده
علي كتاب محكمة الثورة، و مروة راحت راقعة بالصوت
شيل الكشري دا كتاب ، راح احمد اعتذر وشال العلبة
لعل وعسي يوم نشيل المقهي من جنب علب الكشري!!(ابقوا قابلوني)المهم
علي باب المعرض كان خروج الجهامير من الاستاد ومن المعرض في نفس التوقيت
وبما ان الاهلي فاز علي حرس الحدود (سوري يا عمر يا قناوي) خمستاشر صفر
كل الناس بالاعلام من العربيات ، لكن مفهمتش ليه سواق اتوبيس
هيئة النقل العام كان حاطت العلم الاهلوي ع الاتوبيس ومن الشباك
طبعا في التاكسي سمعنا الجزء التاني للمباراة علي موجة اف ام الشباب او اف ام كول
السواق هو اللي قال الاسم ، سيبك من التعليقات الهبلة عن الغاء الهدف
لكن شدني من ودني تعليق المذيع "طبعا حسب توجيهات

الرئيس حسنى مبارك و المنشطات هو اتكلم في الموضوع دا من زمان"مفهمتش
ايه علاقة مبارك بالمباراة أو بالمنشطات؟
غير ان ممكن مبارك يكون مجرد معجب بالمنشطات فاشكر فيها، او ربما اعطي توجيهات وخلاص بخصوصها
التعليق لفت سمع السواق ، فرزع التعليق دا " مبارك محشور ف ام المباراة كمان؟ مش كفاية محتلنا بقي له تلاتين سنة؟" احنا بصراحة يا عمو الظبوط مضحكناش ونزلنا علي طول من التاكسي
وانا قررت ان مركبش معاه لحد امبابة، وكملت الرحلة مع توك توك العاصمة
ههههههه خليني انهي البوست بالغنوة دى للمطربة

فيروز كراوية انا بقصد المعرض
دمك تقيل
وكلامك قليل
و في حبك بخيل
وعلي طول مكشر
انت بجد دمك تقيل

جميلة اسماعيل وامير سالم علي طريقة وزارة المقشات و لا مؤاخذة روزاليوسف

بعد عكشة الافلام التعذيبوية في اقسام المحروسة

وافلام غرق العبارات

واكش تصادم القطارات

وبعد طول انتظار

احدث افلام الموسم وكل موسم

من انتاج وزارة المقشات

تقدم

ترا رارام

خلال خروجهما فجرا.....واخد لى بالك؟

خلال خروجهما من احد الفنادق اخدت بالي معاك؟

علي طريقة كتب المراهقين بتاعة حنا خليل

محاولة لقتل ايمن نور بالبطئ، بما انه مش نافع الانتظار لقضاء ربنا

اتفقت وزارة المقشات الدخلوية في ارض المحروسة ، مع جرنالها الخصوصي
ابو شريطة صفرا "روزاليوسف اليومي"علي تلويث سمعة اسرة ايمن نور

و المستشار القانوني لحزب الغد أمير سالم

الخبر في عدد النهاردة في الصفحة الاولي و بيقول

القصة علي لسان امير سالم اكيد مختلفة ، وهي كالتالي

في فجر يوم الثلثاء اثناء خروجه من الفندق بدون جميلة، يعني لوحده ، وبعد انتهاء زيارة سالم
لرئيس البرلمان الاوروبي، الذي جاء الي القاهرة للتضامن مع ايمن نور
تم توقيف امير سالم بحجة ركن العربية في الممنوع، من ظابط وامين شوربة
ولاحظ سالم اصرار الامين علي تصويره بكاميرا الموبيل
وعندما اعترض سالم وحصلت الخناقة
اتعمل محضر في شرطة قصر النيل
وبس خلصت الحدوتة اللي اكيد ملتوتة

والان في ذات لحظة كتابة البوست
اتجه المحامي امير سالم الي
مكتب النائب العام بهدف الاعتصام
توب علينا يا رب من كاميرات الشوربة
و مقشاتهابعد ما اتغير الشعار
من عيون الامن الي عاملة زي عيون عبد الفتاح القصري
الى كاميراتنا ومقشاتنا رافعا سلاحححححححح