Wednesday, October 22, 2008

جريدة الدستور ..ضد ذوي اﻻحتياجات الخاصة

تحديث

تم ارسال خطاب بالبريد اﻻليكتروني الي

رئيس تحرير جريدة الدستور احتجاجا

علي الرسم الكاريكاتيري

وتفضل مشكورا عبر صديق بالرد و اﻻعتذار

بصفة شخصية ووعد بنشر بيان اعتذار من الجريدة عن

الرسم الكاريكاتيري

يوم اﻻربعاء القادم بالعدد اﻻسبوعي.



حاولت مشكورة جريدة الدستور في عددها اﻻسبوعي اليوم

الموافق 22 اكتوبر 2008

تنويرنا بحال العملية التعليمية خاصة خلال المرحلة اﻻعدادية

وافردت ملف صحفي مكون من تلات صفحات حتة واحدة

أعده الصحفي محمد توفيق

خلال الملف دللت الجريدة علي مدي تخلف وعقم المناهج

ومدي عجز وزارة التربية والتعليم علي وضع مناهج جيدة

وللتدليل أكتر علي مدي تخلف المناهج والوزارة

تم ارفاق صورة كاريكاتيرية بالملف لواضعي المناهج العقيمة بالوزارة

رأي رسام الجريدة العبقري وفلتة زمانه مخلوف

ان خير صورة يمكن ان تعبر عن واضعي المناهج هم ثلاث شخصيات

جميعهم من ذوي اﻻحتياجات الخاضة

اﻻول مبتور اليدين والثاني مقعد والثالث كفيف

تعلو وجوه جميعهم ابتسامة تدل علي العته والبلاهة والغباء

وكأن ذوي اﻻحتياجات الخاصة من فاقدي بعض الحواس أو اﻻعضاء هم

مثال علي التخلف والعجز وغير مؤهلين للابتكار او حتي العمل

بما ان فقد جزء معناه البلادة والغباء

ع العموم غير مستغرب علي ديسك واقع زي ديسك الدستور

33 comments:

Ahmad Hegab said...

الصورة مستفزه جدا و فعلا فيها اهانه كبيرة

شكراعلى المشاركه

Bella said...

اهلا راندا

فينك يابنيتي

جماعة الدستور عايزين تعلموا أداب وأخلاقيات المهنة لانهم محرومين من هكذا نعم

ومحتاجين حملة تتعمل ضدهم صراحة

Anonymous said...

ممكن نعمل تبادل روابط مع مدونتى
steelbeauty.blogspot.com
لو ممكن راسلنى على steel.beauty@yahoo.com

ذو النون المصري said...

زي ما قلتي
الدستور محتاجه فعلا تلعم اخلاقيات المهنه
المفروض انهم بالتاكيد عارفين ان صاحب صيحة التعليم كالماء و الهواء كان اعمي و كان من اهم رجال الادب في تاريخ مصر الحديث
و ايضا كان احد عباقرة اللغه العربيه في عصرها الحديث و ابلغ بلغاؤها وهو مصطفي صادق الرافعي و كان اصم لا يسمع
و غيرهما الكثير
................
انا اتجوزت خلاص و ابقي اقري البوست السابق علي البوست بتاع قبل الجواز
فيه نعي محترم

Empress appy said...

ذوي المش عارفه ليه احنا لسه حاطين فى دماغنا ان ذوي الاحتياجات الخاصه يرمز لهم بحاجه وحشه مش عارفه بجد وبدون تحيز كتير من المصريين كده صح ولا غلط
من تعاملى مع ذوي الاحتياجات الخاصه بلاقى ربنا بيعوضعهم عن الحاجه اللى فقدوها بحاجه وموهبه اقوي
عارفه حتى المعاقين ذهنينا بيفكروا برضه بس بحدود عقلهم وربنا معوضهم حنيه غريبه مش عند حد بجد بيكونوا حنينين اوي
بجد المصريين لسه عاوزين يتعلموا كتير وبنزعل من الحكومه فى اللى بتعملوا فينا متزعليش منى ساعات بحس اننا نستاهل لسه قدمنا كتير علشان الناس تتعلم تحترم عقليه بعض واداميتها
ويكون عندها اخلاق على فكره يا ريت نبعت بباستاذ المحترم نفهمه غلطته انا عن نفسي هتصل بالدستور واخد نمرته وبالذوق يفهم لان النقد كده وهو مش فاهم مش هيفيد حاجه

بنت القمر said...

حاجه مطمئنه علي حال الفن في مصر عموما اللي مفروض يكون معبر عن الالام الناس ومشاعرهم وحاض لهم علي الرحمه والتكافل
مش السخريه والتعالي علي الالام اليشر واوجاعهم

مراقب مصري said...

الصورة مسيئة بشكل مفزع للأشخاص ذوي الإعاقة وتنم عن جهل فظيع لدى الرسام وإدارة تحرير جريدته عن ألف باء حقوق إنسان

يساري مصري said...

ايه القرف و التخلف دا
طبعا الدستور يتحمل مسؤوليه
ولكن المسؤوليه الكبرى على رسام الكاريكاتير اللي بيستسهل و بيستخدم ثقافة مريضه فعلا بجد اتبضنت من مخلوف جدا على الخرا اللي هو عامله دا
اععععع بجد عليه

Bou-ME said...

fe3lan 7aga mostafezza habaaal.....efffffffffff ba2a howa el araf wel 5ara da fe kol 7aga fe 7yatnaaa..mafesh 7aga 3edla fe deen 2oum el balad deeee.... ana keferttttt

Gemyhood said...

مفيش علاقة بين الديسك و الكاريكاتير

:D

karakib said...

منتهي قلة الذوق و عدم الاحساس
يعني هو طه حسين كان ايه فعلا ؟؟ بصي يا راندا سمعت مرة حكمة مهمه اوي
من لا يقدر ذاته من المستحيل ان يحترم الأخرين

Anonymous said...

من فضلكم .. اسمحوا لى بالرد
الغرض من الرسم مش التريقة على ذوى الاحتياجات الخاصة.. ولكن السخرية من نظام التعليم المصرى اللى كلكم عارفين انه فاشل
الناس اللى انا راسمهم دول مش مجرد كفيف وقعيد
دول رمز للعجز عن التطوير
وباعتذر لاى حد تضرر من الرسم

مخلوف
رسام كاريكاتير بجريدة الدستور

مراقب مصري said...

عزيزي مخلوف

بالطبع إحنا فاهمين كويس المعنى بتاع الرسمة يا فندم... الفكرة إن المعنى ده سيادتك بعينه بالفعل مسيء للأشخاص ذوي الإعاقة ومن يعانون من أشكال ما يسمى بـ "العجز" البدني بدرجاته وأشكاله المختلفة

ردك - الذي يظهر قطعا اهتماما حسنا ومحمودا برأي وتعليقات المتابعين لرسوماتك - يظهر تماما ما كنت أقصده بغياب المعرفة الخاصة بحقوق الأشخاص ذوي الإعاقة وهو ليس خطأك قطعا بشكل شخصي أو فردي بقدر ما هو غياب عن الثقافة الحقوقية بوجه عام وشيوع المناخ العام الذي يفرز التمييز و"الوصم" ضد المختلفين على تنوعهم

العجز في الحقيقة كلمة "وصمية" بذيئة عندما يعتاد المجتمع على ترديدها بحق ذوي الإعاقة يا سيد مخلوف... فعندما تقارن مثلا بين الرياضيين الأولمبيين المصريين من غير أصحاب الإعاقات وأمثالهم من ذوي الإعاقة ستعرف حقا من هو "العاجز" والخيبان خيبة تقيلة، ومن هو البطل الحقيقي بالرغم من الإعاقة

الأزمة إذن ليست في سوء فهم معنى الرسمة يا سيدي بل في المعنى ذاته الذي قصدته تحديدا أنت وفهمناه نحن جيدا... الأزمة هي وصم ذوي الإعاقة بالعجز ومن ثم تشبيه اولاد الكلب المسئولين بهؤلاء "العجزة" وهي إساءة بنت وسخة يعني لأنها بتأكد وصم ذوي الإعاقة بأنهم جماعة من "العاجزين" بينما هم يفضحون "عجز" الكثيرين وجهلهم أيضا

تحياتي

^ H@fSS@^ said...

راندا حبيبتي
انتي بتكلمي مين بس
بصي مرة شفت صورة لحمام عمومي في لندن بس مكنش مجهز ان ذوي الاحتياجات الخاصة يستخدموه و كان واقف قدامه راجل قال جملة حلوة اوي
"
thier problem is not that they dont care, ther problem is that they dont think"

this is the problem randoshka, thinking.

zenzana said...

ahmed_h

ما خلاص ذوي اﻻعاقات بقوا الفئة التي يتم ضرب المثل بها ف العجز والتخلف

zenzana said...

bella

اهو في الدنيا بس النفس اللي تكتب

بصراحة الناس اتعودت علي ان
انتهاك الحق بقي الحق نفسه يعني ان دي
صورة ذو الاعاقة تبقي كدا ف الجرايد
يبقي دا الطبيعي وعليه مش الدستور لوحدها

يوجد ملفات كاملة لكبار كتاب اﻻعمدة المشهورين لكن مين يقدر يقولهم تلت التلاتة كام ؟

zenzana said...

ذو النون المصري
مبروك يا زوزو


هو الظاهر ان اﻻستاذ مخلوف ميعرفش الحاجات اللي انت بتتكلم عنها دي بما انه مكنش مولود ايام الدكتور طه حسين
كمان تلاقيه خريج المدارس اﻻنترناشيونال
فا ميعرفش حاجة عن بلغاء اللغة العربية

zenzana said...

~*§¦§ Appy §¦§*~

سيادتك الشعب المصري بعضه كدا بما انه بينضرب علي قفاه خمسميت مرة ف اليوم فا بيدور علي الفئات اللي هو شايفها ضعيفه ويمارس اضطهاده لها دا باختصار بدليل هتلاقي العكس لدي شعوب تانية تتمتع بقدر أعلي من الديمقراطية

zenzana said...

بنت القمر

شكلها كانت اشاعة وبيضحكوا علينا بيها

zenzana said...

مراقب مصري

سيادتك واضح من ثقافة اﻻخ مخلوف
انه فاهم كويس جدا ان ثقافة حقوق اﻻنسان اللي انت بتقول عليها دي زى ثقافة بعض افراد الشعب في استخدام ورق التواليت ف حفلات اعياد الميلاد بس

zenzana said...

يساري مصري

MariaM Bent Omran

ﻻ ما هي الحاجات دي انقرضت او انتحرت

zenzana said...

GEMYHOoOD

يعني انت سبت البوست كله ووقفت عند دي؟

ليه هو الكاريكاتير عندكم ما بيعديش عند ادارة التحرير؟
وﻻ انتم معندكوش ادارة تحرير من اﻻول ؟

zenzana said...

karakib

طه حسين؟
احترام؟
مين دول يا هاني؟

zenzana said...

مخلوف

ذوي اﻻعاقة بقوا رمز للعجز وعدم التطور؟

ردك افزع من رسمك
اختار كلامك قبل ما ترد يا استاذ
لو مش عارف ترد ازاي يا ريت تسكت
ﻻنك عامل زي اللي جه يكحلها عماها خالص

zenzana said...

مينا
كلمه بالعربي لو سمحت احتمال يكون اتعدي من من ذوي اﻻعاقات بعد رسمهم

zenzana said...

^ H@fSS@^ s

thinking is died

في مصر كلها

Ahmad Hegab said...

ى انتظار الاعتذار

zenzana said...

ahmEd_H

ﻻ يا احمد جاري اتخاذ اجراءات التقاضي في المحاكم طالما ان بعض الناس ميعرفش معني اﻻلتزام بكلمته

حاجــ عيال ــات said...

انا بجد مستاءة من الصورة
هو صحيح احوال التعليم ماتسرش حد لكن ماتوصلش للسخرية بالشكل ده

ذو النون المصري said...

متعرفيش مدنة شهروزه قافله ليه؟؟؟؟؟؟
انا بفتحها لقيت انها محذوفه

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

ذو النون المصري said...

;g ski , hkjd 'dfi
gsi ltda hofhv uk aiv,.i
l],kjih , p
كل سنه و انتي طيبه
لسه مفيش اخبار عن شهروزه؟؟؟؟؟
مدونتها و حسابها في الفيس بوك محذوفين خالص!!!!!!

mixi said...
This comment has been removed by a blog administrator.