Monday, April 27, 2009

اهلي ..وزمالك.. وبهائيين ..وعبارة

بما اننا كمصريين بنتولد يا اهلي او زمالك ، مع قلة مندسة تمثل باقي الفرق ، ومع اني ماليش ف

الكورة ، لكن غصب عني، تابعت غصب عني اخبار مباراة الأهلي والزمالك ، من خلال تعليقات

الأصدقاء من مشجعي الفريقين ، استغربت طحن من فرحة الزمالكاوية بالتعادل صفر صفر مع

الاهلي وكان السبب من وجهة نظرهم أن الزمالك لعب مباراة جامدة جدا ، عبرت عن بداية تغيير

حقيقي داخل الفريق اللي اتعود علي الخسارة في السنوات الاخيرة حتي من الفرق غير المعروفة


مثل فريق "كفر عبيد" – مع احترامي للفريق – واصابة مشجعيه بالاحباط ، بعد شوية تفكير

قولت يعني هي جات علي الزمالك والاهلي ؟

القليل كتير بالنسبة لمعظم المصريين ، وهو مبدأ ينطبق علي كثير من الأشياء حتي علي مجرد

الحق في الحياة ، مثلا صدور حكم بحبس ممدوح اسماعيل مالك العبارة السلام سبع سنوات


مقابل تسببه في غرق 1034 انسان بالبحر الأحمر بمعدل يومين وربع حبس عن كل فرد، و

مع ذلك صفق الجميع للحكم ، وانطلقت زغاريد أهالي الضحايا، ورضوا بالقليل الذي لن

يستطيعوا تنفيذه. فبعد مرور حوالي شهرين ، لم نسمع عن القيام باي خطوة لتسليم ممدوح

اسماعيل لتنفيذ الحكم ، خصوصا ان حتي السفير البريطاني صرح ان الحكومة المصرية لم

تتقدم باي طلب لتسلم ممدوح اسماعيل . و ثغرات الحكم نفسه ، اللي هو اصلا حكم غيابي

يسقط بسقوط الدعوي الجنائية بالتقادم ، اذا مرت ثلاث سنوات دون معارضة استئنافية في

الحكم ، دا غير سقوط حق اهالي الضحايا ف التعويض . ملف عن العبارة

اضغط هنا

كل دا وهلل الجميع ومحدش بص لقدام .

المثال الثاني ، مع اني اصلا مش مع خانة الديانة، لكن بما انه قانون علي كل المواطنين ،

يطبق علي الكل ، الحكم لصالح (مع اعتراضي علي كلمة لصالح) البهائيين ان البهائي بقي

من حقه الحصول علي شهادة الميلاد او البطاقة الشخصية زي بقيت خلق الله ، لكن هذا لا

يعني الاعتراف بالبهائيين ، او ان هيتكتب لهم في البطاقة بهائي ، حسب كلام القاضي ، دا

بس صونا لحق المجتمع ، هياخد البطاقة بس هيتعلم عليه بشرطة بالظبط زي الاتوبيسات ،

وممكن تلاقي واحد بهائي ماشي و متعلق علي ضهره ورقة عليها العلامة ، الناس شايفة

انه خطوة مهمة ، وانه مجرد بدايه . ادي البهائيين رضيوا يالحكم لكن يا تري الحكم

رضي هو بيهم ؟ مع ان الحكم نفسه هو تمييز ضد البهائيين المصريين .


والأمثلة كتيرة ، وان كان في بعض الامثلة اللي كانت علي العكس تماما مثل

موظفي الضرائب
العقارية اللي بدأوا باضراب سلمي، ثم نقابة حرة مستقلة ،

مش نقول ياااااه الضرب علي القفا ارحم من الموت .

5 comments:

qwert anime said...

ايوة كده ارجعى اكتبى زى يا زمان

ذو النون المصري said...

و الله كويس انك لسه فاكره انك ليكي مدونه و فيه ناس زملائك منتظرينك عليها باعتبارها المكان الوحيد للتعرف علي اخبارك
.................
عموما مجتمعنا وة لا اعتقد انه هيتغير ابدا في العصر الحديث الا بزلزال ثقافي
لا ادري كيف يمكن ان نحدث هذا الزلزال الثقافي
لكن لا اظن ان هناك حلا اخر

zenzana said...

qwert anime

هو انت ؟

zenzana said...

ذو النون
والله مشاغل

عاش من شافك

ليه بس التفاؤل دا؟

bedo said...

شكراااااااااااااااااااا وأرجو زيارة مدونتي
http://all2earning.blogspot.com