اﻻفراج عن معتز عادل

14:35

تم قبل دقائقاﻻفراج عن معتز عادل

وفي تصريح له أكد علي

انه تم القاء القبض عليه من قبل مباحث أمن الدولة من امام منزله

فجر اليوم
وتم استجوابه بمقر أمن الدولة بالمنصورة

حول عﻻقته بجماعة اﻻخوان المسلمين وأنشطته

وما كتبه علي مدونته حول المحاكمات العسكرية

واصراره علي السفر من المنصورة للقاهرة

لحضور جلسات المحاكمة

القبض علي منفي والجيزاوي

تم صباح اليوم في الساعة الثامنة القبض علي كل من

معتز عادل صاحب مدونة منفي

وأحمد الجيزاوي صاحب مدونة أنا بحبك يا مصر

وهم في طريقهم الي الهايكستب

لحضور جلسة محاكمة قيادات اﻻخوان

المقدمين الي المحاكمة العسكرية

مراجيح

واحد : باين الواد احمد متنشن قوي النهرده شكله مضايق من حاجه ايه رايك ؟
واحد تاني خالص : انا برده شايفه كده ... بقولك متيجي نقلبها مراجيح

وفي احد الندوات الرخمة الكتير الي بنحضرها

واحد غير الاتنين الي فوق : بقولكم ايه انا مش طايق المحاضر ده
واحد تاني : وانا شرحك بقولك متيجي نقلبها مراجيح
ولا تكاد تمر 3 دقائق الا وتري الندوة كلها سابت المحاضر الي عالمنصة ومركزة مع شوية العيال الي قاعدين في اخر صف متعرفش ليه

مراجيح ... انها كلمة السر السحرية ومفتاح عالمنا الخاص والخاص جدا
بمجرد ان تسمعها منا اعلم ان اتون الضحك سيفتح وانك ستنتقل في خلال لحظات الي عالمنا الذي اخترناه لانفسنا لا الي العالم الذي فرض علينا ان نحيا فيه.
بمجرد ان نتفوه بحروفها ننتقل من اي مكان في الارض سواء كان هذا المكان حي الوليدية الشعبي بمدينة اسيوط او شارع البا شيرا بروما او احد ارقي شوارع العاصمة الخرطوم - علي اساس انن فيها شوارع راقية اصلا - او حتي مدينة دسوق بشمال مصر في لحظة واحده الي ذلك المقهي الصغير الواقع بميدان الفلكي بوسط البلد حيث نجد ناصر منتظر بلهفة ليباغتنا باكواب الماء المثلج ليقول لنا هتشربوا ايه النهرده ؟ - ده طبعا بعد ما يقلبنا في كل الرجايد الي معانا -
مراجيح .... هو نداء اللسان الي الروح لكي تنفك عن قيودها التي تغلغلها وتنطلق الي عنان السماء حرة طليقة بعيده عن اجساد انهكتها الحياة في ظل قوانين الجاذبية السخيفة وعيون اصبحت تري القبح كمنظر مكمل للمنظر العام في حياتنا اليومية ان لم يكن هو الاصل في هذا المنظر ، واذن اعتادت ان تسمع ضوضاء علي اساس انها موسيقاها التي تتغني بها ، وقلب حيا طوال عمره لا يفكر الا في لحظة واحده يحياها حرا في بلد حر ووسط شعب من الاحرار - ابقي قابلني -


مراجيح ... قد يكون اسم لعالم لا نحيا به سوي لحظات ، حيث هذه اللحظات في حقيقة الامر هي كل اعمارنا التي عشناها حقيقة حيث لا تمثيبل فيها ولا خداع بل هي حياة مجرده من كل ما هو قبيح .

بقولكم ايه من الاخر
مراجيح ده اسم المدونة الجديدة الي قررنا نكتب فيها عن نفسنا وعن احلامنا وعن حياتنا بعيد عن السياسة وومبارك وابنه وحتي امه .
ونتمني تشاركونا معانا المراجيح ولو لدور واحد وجرب مش هتندم .


*الصور نقلا عن مواقع مش فاكرها

حملة المنظمات غير الحكومية "دفاعا عن حرية التنظيم"

يعقد بمقر نقابة المحامين ( شارع رمسيس بجوار دار القضاء العالي ) يوم

للتضامن مع المنظمات غير الحكومية و ذلك يوم الاربعاء الموافق 11/7/2007

في تمام الرابعة والنصف عصرا وسوف يتضمن البرنامج:

عرض لأنشطة المنظمات غير الحكومية ولقاء مع ممثليها،عرض فيلم تسجيلي عن

أنشطة المنظمات غير الحكومية تحت عنوان " كن معهم " ثم يعقبها ندوة بعنوان
" نحو حوار مجتمعي دفاعا عن حرية التنظيم "

يتحدث في الندوة ممثل عن المجلس القومي لحقوق الانسان و عدد من ممثلي

الاحزاب و باحثين في مجال حقوق الانسان

تتناول الندوة المحاور التالية:
دور المجلس القومي لحقوق الإنسان في التصدي للتدخلات الإدارية و الأمنية

التي تتعرض لها المنظمات غير الحكومية .

دور الأحزاب في دعم و مساندة المنظمات غير الحكومية.

إمكانية خلق تحالف واسع من القوى الديمقراطية لإيجاد مساحة أوسع للعمل الاهلى.

كما سوف تتوجه المنظمات برسالة الى وزارة التضامن بشأن التصريحات الصحفية التي وردت على لسان د.على

مصلحي بشأن التعديلات المزمع اجرائها على قانون الجميعات الاهلية رقم 84 لسنة 2002

ياتى هذا اليوم ضمن فاعليات الحملة التي تشارك فيها 39منظمة غير حكومية من اجل الدفاع عن حرية التنظيم.

أخيراااا خالد عبد الحميد بقي مدون

أخيرا وبعد طول مناهدة ونقار مع العبدة لله

وتليفونات كل يوم و أسئلة منه من عينة :

هو المدونة الفوﻻنية بتاعة مين؟

أو انتي تعرفي مدونة مش عارفة ايه؟

يا بني طالما انت مهتم خلصنا بقي واعمل مدونة

يقولك :ﻻ انا مش هبقي ....اليكتروني ابدااااااااااا

يا خالد دا لغة العصر

ﻻ مش ممكن انا عندي ايميل للشغل بالعافية.

المهم انا رميت طوبته من هنا وكبرت دماغي

وفضلت كل يوم أرد علي اسئلته وخﻻص

انا مالي : ﻻيغير الله بقوم حتي يغيروا ما بأنفسهم

لحد ايه؟ يوم لعلعت فيه الشمس ﻻقيته بيضحك ويقولي

وهو بيتمطع كدة : انا عملت مدونة

لولوللييييييييي يا الف نهار ابيض

والمدونة كدة حاجة علي ما اوسم

طيب يا جماعة خالد بما انه مش "كلب اليكتروني"زي ما بيردد دايما

هيرد أحيانا علي التعليقات

لما يكون فاكر اليوزرنيم والباسوورد للمدونة

متقلقوش ادينا بنحفظهم له

المدونة اسمها

كادرات النَوَري

تاني تاني تاني ... مدبحة المهندسين تاني

بعد نجاح مذبحة المهندسين الاولي يوم 30/12/2005 نجاح ساحق في تجميل وجه مصر امام

العالم الخارجي لدرجة ان مصر حصلت علي كرسي - منجد وغالبا هيدروليك كمان - في

مجلس حموم الانسان الدولي ارادت الداخلية المصرية ان تستعيد امجادها مرة اخري وتصنع

جزءا اخر لمجزرتها للتاكيد علي مدي استحقاق مصر للكرسي .
الموضوع باختصار يا جدعان ذي ما ورد هنا وهنا ان الشرطة المصرية اطلقت النار علي اكثر

من 29 سواداني علي الحدود المصرية الصهيونية وكانت النتيجة وفاة احد اللاجئين وجرح

اثنين ونجاح 26 في دخول اسرائيل واكيد ترقية للضابط الهمام الي امر بهذا الامر وطبعا جزاء لكل

العساكر الي ممتوش حد من السودانين الكخة وترقية لرتبة جنرال للعسكري الشجيع الي قتل السوداني .
والله عفارم علي عساكير وضبابيط مصر الاشاوس ... والله بيتعبوا... يعني الواحد منهم يعمل ايه ولا ايه
يقرف الناس في الشارع
ولا يلفقوا قواضي
ولا ياخدوا العربيات من المواقف عشان توصلهم مشاويرهم
ولا يصطاد حمام قصدي سودانين
ولا يحمي حدود الدولة الانتيم بتاعتنا اسرائيل

لا بيتعبواطحن
اما بقه العالم بتوع الدول الافريقية اياها - باعتبار ان سيناء تبع اسيا - فدول عالم حقيرة يستحقون

كل رصاص الداخلية مش كام رصاصة عالسريع كده
بقه يعني عشان الواحد منهم طالع 33333333 عين اهله ومش لاقي الميه مش هنقول العيش

الحاف وابنه عنده ملاريا وهو عنده ايدز ومراته عندها السل وعشان كل الدول قفلت الطريق

قدامه وعشان هو حس ولو للحظة انه ممكن يعيش بني ادم في الدولة الصديقة الانتيم لنا

يقوم تسول له نفسه انه يتسلل لاسرائيل
هبل دول ولا ايه
اذاي الحشرات ده تدخل اسرائيل
امال احنا هنشتم ونقتل مين ؟؟؟
ومين هيشتغل عثمان طيب ؟؟؟
ومين هنطلع 6666666 عين اهله هنا
طب نسيبنا من كل ده ونيجي للي مش اهم- باعتبار مفيش اهم من حياة بني ادم -
حدودنا
قصدي حدود الي خلفوهم
الي ملاحظ هيلاقيني بقول الشرطة عملت والشرطة ضربت مع ان ده حدود
الله ؟
امال فين حرس الحدود بتوع الشورتات والجمال وفيلم عبود عالحدود ؟
والرد طبعا جاهز
يا جاهل قبل ما تسال سوال ذي ده راجع كامب ديفيد
مش كامب ديفيد عزبة ريئس امريكا ولا البلد ولا المحطة
كامب ديفيد الاتفاقية
والي بتقول انه مفيش جيش في سينا
وبتقول
سينا رجعت تاني لينا مصر اليوم في عيد
والاتفاقية بتقول برده
ان من يحرس حدود مصر هم الشرطة
ياحلو حلو يالولو
وايه النتيجة
النتيجة معروفه
مصر اصبحت وبجدارة من اهم الدول في الاتجار بالبشر
ومعبر رئيسي للعاملات بالدعارة وتجارة الجسد المهربات لصاحبتنا الانتيم اسرائيل
والجديد بقه
انها بقت معبر لهجرة غير مشروعة من افريقيا الي اسرائيل
والدليل انه قبل المذبحة الي حكيت عنها بيوم عبر الحدود بالفعل بين مصر

واسرائيل 20 سودانيا من دارفور بينهم سبعة اطفال تتراوح أعمارهم بين شهرين

و7 سنوات حاولوا التسلل بالطريقة نفسها. كما اعترضت قوات الأمن المصرية 6 سودانيين

وصوماليا وأريتريا في وسط سيناء يوم الخميس الماضي حسب ما موقع العربية .
مبروك علي مصر كام لقب في خبطة واحده
لقب الجزار مع مرتبة الشرف
لقب القامع مع سرير الشرف
لقب التاجر بالبشر والاعراض مع كنبة الشرف
لقب الاهبل واللطخ الي سايب حدوده لعساكير الامن المركزي يحرسوها مع خددية الشرف
لقب الدولة الندلة التي تقتل جيرانها مع كرسي الشرف
وطبعا لقب عضو المجلس الدولي لحقوق الانسان مع مرتبة وسرير وكنبة

وخددية وكرسي الشرف الي فاتوا علي بعض
وصدقني احلي من الشرف مفيش

من محاكمة اسلام نبيه المتهم بتعذيب عماد الكبير

وسط حراسة مشددة من الشرطة تم نظر قضية محاكمة الضابط

اسلام نبيه وامين الشرطة رضا فتحي المتهمين بانتهاك عرض

المواطن المصري عماد الكبير سواق الميكروباص في موقف شارع ناهيا ببولاق الدكرور

تم تأجيل القضية الي جلسة 2 سبتمبر القادم أى ان "المتهمين سيقضيان فترة حبس احتياطي

ربما أطول من العقوبة"، حسب حديث أحد أعضاء فريق دفاع المتهم الاول

ربما لثقة المحامي في ان عقوبة المتهمين لن تزيد عن الستة أشهر

ومن أهم أحداث محاكمة اليوم ترافع ستة محامين عن المتهمين أحدهم يدعي عادل عبد الحي

جاء للدفاع والتضامن مع اسلام نبيه ورضا فتحي من اللجنة الافروأسيوية (اول مرة اسم الاسم)وركز

دفاعه علي استناد عماد الكبير لدعم منظمات المجتمع المدني وحقوق الانسان

التي تتلقي تمويل من الخارج ، كما استشهد بصفحة من مدونة الوعي المصري طالبت

بلجنة تحقيق دولية، بذريعة ان المدونيين يستعينون بالخارج للتدخل في الشؤون الداخلية

فيما ترافع محامي المتهم الثاني رضا فتحي مرافعة فلسفية عقيمة

أثارت اشمئزاز الحضور وهيئة المحكمة

تغطية كاملة للمحاكمة خلال ساعات علي مدونة يا لالالي ومراقب مصري

من داخل جلسة دار الخدمات النقابية والعمالية

تحديث
تم تأجيل نظر قضية دار الخدمات النقابية والعمالية

الي جلسة يوم 27سبتمبر القادم وسط مشاعر بالصدمة والاحباط

من مسؤولي الدار وناشطي المجتمع المدني نظرا لطول فترة التأجيل

كما تم تأجيل قضية التأمين الصحي الي جلسة يوم 9أكتوبر القادم

أما قضية أيمن نور فقد تم تأجيلها لاخر الجلسة

في حين لم تبدأ جلسة محاكمة القرأنيين

سيتم لاحقا في نهاية اليوم نشر تغطية مفصلة وبالصور

عن الاربع قضايا من داخل قاعة المحكمة

علي مدونة يا لالالي

*******************************

في بداية الجلسة رفضت المحكمة دخول الصحفيين والاعلامييين لقاعة المحكمة

ثم تم السماح للجميع بدخول القاعة قبل دقائق من بداية الجلسة

حيث يتم نظر اربعة من اهم قضايا الراي العام أمام دائرة واحدة

وهي قضايا: ايمن نور، والقرانيين، والتأمين الصحي

والدعوي المقامة من دار الخدمات النقابية والعمالية احتجاجا علي القرارين رقم

173،و174

الصادرين عن محافظ القاهرة ورئيس حي حلوان

وفي جلسة اليوم تم الاستماع للدفاع ومن دقائق حجزت المحكمة القضية للأطلاع علي

القرارين رقمي 173و 174، حتي يتثني لها الحكم في اخر الجلسة

وفي حالة عدم تقديم وزارة التضامن الاجتماعي لنص القرارين سيكون الحكم

لصالح الدار الخدمات النقابية والعمالية

سنوافيكم بالحكم خلال ساعتين

كلام الحكومة مدهون زبدة .. وبكرة جلسة دار الخدمات

تنظر محكمة القضاء الإدارى بمجلس الدولة ، في التاسعة من

صباح غدا الثلاثاء الموافق 3/7/2007 الدعوى 25593 لسنة 61 المقامة من

دار الخدمات النقابية والعمالية ضد كل من محافظ القاهرة، ورئيس حى حلوان

طعناً على القرارين رقم 173، 174 الصادرين عن رئيس الحى بإغلاق

مكتبى الدار بحلوان..طالبة وقف تنفيذ القرارين المذكورين بصفة مستعجلة ، والحكم بإلغائهما.

مع بدايات شهر يوليو ،تجددت الإضرابات والاعتصامات والاحتجاجات العمالية

للمطالبة بالارباح والحوافز، ومن أهمها وقفة احتجاجية نظمها نحو 27 ألف عامل

في غزل المحلة، بسبب عدم تنفيذ وعود وزيري الاستثمار والقوي العاملة، بزيادة

الحوافز ورفع الأجور، التي سبق و وعدا بهما
وفي الترسانة البحرية بالإسكندرية اعتصم 3600 من عمال المعاش المبكر ، لعدم

صرف مستحقاتهم المالية، رغم حصولهم علي حكم قضائي بذلك، كما شهدت أسيوط

بوادر أزمة إثر اعتصام نحو 200 موظف من العاملين في الوحدات الصحية بعقود

مؤقتة، احتجاجاً علي عدم تجديد عقود 400 موظف.
وفي الغربية، انتقد عمال غزل المحلة عدم تحسين الخدمة الطبية داخل مستشفي

الشركة،كما وزعت لجنة "الوعي العمالي" منشورات داخل الشركة، لحث العمال

علي تنظيم وقفة احتجاجية لمدة نصف ساعة الأحد، بهدف الضغط علي الإدارة

والمسؤولين، حتي يتم الاستجابة لمطالبهم.
ورفض العمال الزيادات، التي تضمنها منشور صادر عن الشركة القابضة للغزل

والنسيج، مؤكدين أن هذه الزيادات لا تعادل 25% من مطالبهم، وتمسكوا بزيادة

الحوافز 100%، وتسعيرة الإنتاج 50%، وهدد العمال بتنظيم إضراب مفتوح

عن العمل، حتي تتم الاستجابة لمطالبهم.
قايمة الاضرابات النهاردة كانت طويلة جدا ممكن تتابعوها من خلال اللنكات دي:

هتلاقوا تغطية بالتفاصيل من قلب اضراب عمال اسمنت حلوان ومساومة الادارة لهم عند احمد عبد الفتاح

، وقفة عمال غزل المحلة

هنا كمان هتلاقوا تغطيةلا عتصام 47 عامل احتجاجا علي المعاش المبكرالخبر من نهضة مصر

اقولكم انا أريح نفسي واريحكم واخدوا لنك أخبار كل الاضرابات في كل الجرايد من موقع الدفترخانة .

klephty كابتشينو

يا تري بكرا الصبح هبدأ اليوم ازاي؟

هفتح الكمبيوتر قبل ما اغسل وشي

ولا طناش؟

صحيح اليوم مش هيقف ولا هيتلخبط

وهيمشي زي ما انا مخططة

لكن كل الحكاية اني هشرب فنجان الكابوتشينو اللي بحبه

من غير شوية الكاكاو بالتوت اللي علي وش الفنجان

هفضل معظم اليوم اخرج من مكتب لمكتب

من غير ما اتربص بكمبيوتر فاضي عشان انقض عليه

بالعكس هستني وقت البريك واعمل جولتي العادية

مش هحاول اكمل من دماغي باقي بوست كتبه

هو في مدونته او ابحلق في الصور القديمة

خصوصا صور التروماي أو فاشون الستات زمان

مش بقصد صديق من المدونيين

دا بكل بساطة عن محمد خان لانه قرر يبطل تدوين
بسبب هيافة مفتكسين

فكرني بحاجة كتبتها امبارح عن يوم جميل

او عن اي حاجة حلوة بشوفها من امبارح للنهاردة

حاجة ممكن تكون تهييسة او هبلة مش مهم

حاجة وخلاص المهم انها عجبتني

يعني ميهمنيش راي اصحاب الافتكاسات
ولا الحنجوري

نسمة حرية
تلاقيها في دردشة وتمشية ولا ابتسامة رايقة
مع شخللة تلج ف كوبايات
او رشة كاكاو توت علي رغاوي ودواير بن
ولا يمكن مع دغدغة ولاعة
و تنهيدة مدارية ورا نضارة سودا

وبزيد عليها

نسمة حرية

ممكن تلاقيها عند كلفتي

ملحوظة: مش قصدي اطالب أستاذ خان بالعدول عن قراره النهائي انا بس بوصف

حالي من غير كليفتي لاني بحترم قرار استاذ خان