اللقاء الثاني

مارست هوايتها المفضلة ، الفرجة علي خلق الله، بطول وعرض الميدان، جذبها من ذراعها فجأة ، تسمرت في مكانها لثواني، ثم احتضن كل منهما الاخر، مع انطلاق ضحكاتهما بشكل لافت لكل رواد الميدان، لم يعرف كلا منهما كم من الوقت قد مر، كعهده دائما لامع العينين، مرح، وائق من نفسه لاقصي درجة، كل ما يقوله يجب ان يكون الصواب، مصر دائما علي استفزازها و "جر شكلها"، يستمتع بتسلط لسانها عليه، وندية علاقتهما ، كثيرا ما سألها عن رأيها في كل ما يراه مهما ، وحين يختلفا، لا يعترف انها علي حق، ولا يأخذ بنصيحتها الا بشكل مستتر، يتلذذ بدور الضحية، واشعارها بالذنب تجاهه.

ثلاثة لا يفترقوا أبدا، علي مدي سنوات، هي وهو، وصديق عربي، متفرغ للماجستير، ينهي كلا منهم اعماله ويتقابلوا في نهاية اليوم، معهد البحوث العربية، مكتبة المجلس الاعلي للصحافة ، دار الاوبرا، عرض كسارة البندق، جروبي، أبو طارق، فلوكة في النيل، المطعم تحت كوبري قصر النيل، حلواني العبد، محل أديداس في شارع طلعت حرب، حلمية الزيتون ، والمترو، لعب الكرة أمام مجمع التحرير قبل هدم حديقته المستديرة ، يبدأ في اللعب هي والصديق العربي، وهو يتهمهما بالجنون، وقلة العقل، بل يسبهما ، يضحكون، وفجأة يخلع "جاكت البدلة" و"الكرافت"، وينضم اليهما، ولا يلتفت الي رجائهما له بالتوقف بعض الوقت للراحة، متهما اياهم بالضعف، يغار حين يتقابلون دونه، أو أن يصمتا حين يأتي لمقابلتهما، مؤكدا انه يوما ما سيكون منبع أسرارها .

يغادر الصديق العربي البلاد، بعد حصوله علي الماجستير، ينشغل كلاهما بعمله، يرتبك تواصلهما، مع الحرص علي عدم تخلفهما عن اللقاء الاسبوعي لشلة ضخمة من الاصدقاء، يتفقاعلي اللقاء كما كانا سابقا، رحبا بتغير مجري العلاقة، ولما لا؟

متذمرا، مستهجنا طوال الوقت ما اسماه ب"الانفتاح الاجتماعي" لها ، مع دوران الكثيرات في فلكه، و تذبذب علاقاته ، والتساؤل معظم الوقت أصدقاء؟ أم أحباء؟ يتفقا علي الاكتفاء بالصداقة، أدعيا أنها الابقي، مع علمهما أنها تأكلت.

يظل ثمة شد وجذب، وأحيانا توتر، حتي ارتبط كلا منهما بأخرين، وكالعادة سأل عن رأيها فيها؟ ، وأصر علي الصراحة، بالتأكيد لم يعجبه رأيها ، فرد لها الصاع صاعين، معتبرا أن اختيارها شخصا اخر مفسدة، بما انه مختلف في الثقافة والجنسية ،وهي أمعانا في اغاظته أخبرته بأنها سترحل بعد أيام قليلة ، وسيكون لديها كثيرا ممن هم مختلفون عنها في الثقافة والجنسية، وليمت هو كمدا، يستهجن الفكرة، يغلق الهاتف في وجهها بعنف ، ترحل دون وداعه.

وللحديث بقية

اه يا ليل يا زمن

أكثر من عشرين عاما، لم أكن هنا، فلفحتني الذكريات وانا أصعد الدرج، مازال كما هو دون درابزين، صار أكثر ضيقا، أو ربما أنا صرت أكبر حجما، صوتها مازال يدعوني لالعب مع قطها الشيرازي سمسم، كسول، ضخم، بني وابيض، الواني المفضلة ، نلعب ، نجري علي السلم، أضايقه بخطف الاكل من أمامه، لا أهتم بتوعدات أمي لانهاء واجبات الحضانة، متخذة من "طنط زينب" وقطها حصنا

أقف أمام باب شقة الدور الاول، وقبل أن تمتد يدي للجرس، أتذكر أن "طنط زينب" انتقلت للدور الثالث ، حين حاولت عبور ذلك اللوح الخشبي بين بلكونة شقتنا، وبلكونتها المقابلة ، أثناء بناء شقة الدور الثالث، أنتابني الخوف فتراجعت ، حتي عبرته ذات يوم، فصرخت "طنط زينب" عندما رأتني فجأة خلفها في المطبخ، وباب الشقة مغلق، حرمتني يومين من اللعب مع قطها، في مقابل الا تخبر أمي بفعلتي الحمقاء.

كل ما أتذكره تجاعيد وجهها، علامة خضراء "دقة" علي ذقنها، وعلي نهايات كف يدها الأيمن، شعرها القصير الابيض، كثيرا ما تغطيه بالحناء، ملابسها السوداء المخصصة لواجب العزاء، شالها القطيفة، وصيتها لي أن أعتني بقطها، حين عدت في اول يوم دراسي في الصف الاول الابتدائي، لاجدها في السيارة مع زوجها، ملفوفة ببطانية، وارتفاع حرارتها بصورة مفاجأة، وجدتي معها في المقعد الخلفي تبكيها، فقد كانا صديقتان لا تفترقان، أمسك بيدها وأسألها الي أين؟ ترد ان لديها موعدا مهما، لا تستطيع التاخر عنه، ارجوها ان تعود سريعا لنلعب مع القط ، تحاول الابتسام، أقبل يدها، وتعدل من ياقة زي المدرسي .

أصعد للدور الثالث ببطء، مازلت أسمع بكاء أبلة عائشة، وصمت أبلة سيدة في البلكونة. تفتح لي أبلة سيدة الباب، تحتضني بشدة، يتشمم كل منا رائحة زمن مضي......

أبلة سيدة، في العشرينات، سمراء، ذات شعر ليلي قاتم طويل، ملفوفة القوام، رشيقة، تترصدها العيون حين تخطو، محظوظ من تنعم عليه بابتسامة، استحقت غيرة وحقد الاخريات بلا منازع، طلب يدها الكثيرون، مصيرهم كان الرفض ، حددت هدفها، لا زواج دون حب أولا، عكس عائشة التي قبلت بأول عريس، تقدم لها، وافقت علي كل شروطه، لا عمل، لا خروج دون حجاب، تطورت الي لا زيارة للأهل، مرة واحدة في العام تكفي ، حتي تلاشت زياراتها.

أدخل الي صالة الشقة، أختفي الكرسي الفوتيه القديم، ذو اللون البني، بجوار راديو خشبي ضخم، و "طنط زينب" تحمل سمسم تداعبه، وتغني مع اسمهان "يا اللي هواك شاغل بالي"، ..حل محله صالون، لا أتذكر ملامحه الان، لم أعطي نفسي فرصة للتجوال داخل الشقة أكتفيت بالشرح لابلة سيدة، عن سبب زيارتي، التقاط صورة لبلكونة شقتنا من زواية بلكونتها، اندهشت، لم أرد الاستفاضة، فكل دقيقة تمر في رأسي جبال من الذكريات.

أدخل البلكونة، حاملة الكاميرا ، أتذكر ، لم تعد "طنط زينب" من المستشفي في ذلك اليوم، بكيتها، رغم أني ابدا لا أبكي الاموات ،تزوج رفيقها بعد ذكري الاربعين، لم أرحب قط بعروسه، التي قاربتها في السن، لم اهتم بمحاولاتها التحدث عبر البلكونة، صرعت في وجهها الباب ذات مرة، عاتبني زوجها صرعته ثانية في وجهه.

أندهشت ذات صباح، حين وجدت البلكونة المقابلة لنا مفتوحة، فهي مغلقة منذ سنوات، فقد توفي الاب، وتزوجت البنات ، هاجر محمد الابن الاصغر الي دول النفط، وتوفي بها ، دون أن يري طفله الاخير.

الاحظ الهم والحزن علي وجه أبلة سيدة، أسألها بخجل ماذا بها؟ تزوجت أبلة سيدة بمن أحبت، أتذكر سنيما دوللي، التمشية علي الكورنيش، والذرة المشوي، شارع شريف والمحلات، فقد كنت معها .

طلقها الان ، من أجل من هي أصغرو أجمل، فقد تخطت الاربعين، واربعة أبناء، أصغرهم توأم ، تعذر دخولهم المدرسة هذا العام، ولولا شقة العائلة لما وجدت مكان يأويهم جميعا. قصت لي عن شهامة مالك المنزل وعرفانا منه للعشرة ترك لها الشقة دون مقابل شهري، وتصدي لارملة أخيها،التي حاولت الاستيلاء علي الشقة رغم عدم احتياجها لها ، و مازالت أبلة سيدة تبحث عن عمل.

يشدني من يدي أحد التوأم، محاولا أن يريني ما خطه في كراس، متسألا ممكن تصوريني؟
:(

فوضي زمن الحواتم

" ليس هناك أخطر من النص "الانطباعي" لوصف فيلم يراه كاتب النص في ذهنه. كثيرا ما يكون هذا النص مغلقا وجاهزا" ، انعدمت فرصة شخصياته في التطور، وهو ما انطبق الي حد ما في نص فيلم "هي فوضي"، فجاء الفيلم كثوب جميل ملئ بالثقوب.

من الجائز أن تصنع فيلما من خبر بسيط في صحيفة، حادث تصادم، أو انتحار سجين داخل زنزانته . لماذا؟ هنا تكون الاجابة في صورة حركة مدهشة، تفاعل، فيلم...فالحدث ضمن الخبر، وعلي المخرج اكتشاف معني الخبر، ومنه يبني موضوع فيلمه، نجح المخرج في اكتشاف معني لاخبار التعذيب والاعتقال، واستبداد السلطة، التي تمارسها الشرطة ضد المواطن، لكنه لم ينجح في بناء موضوع قوي قادر علي مناقشة اشكاليات العلاقة، فاكتفي في بداية الفيلم بصراعين متوازيين، أحدهما غير منطقي، تمثل في علاقة وكيل النيابة الشاب "شريف" بأبنة أحد رجال الاعمال "سلفيا"، وعدم ترحيب أم الشاب "هالة صدقي / وداد" بتلك العلاقة، يوازيه صراع اخر بين "حاتم" أمين الشرطة و "نور" جارته التي ترفض محاولاته للتقرب اليها، يستمر هذا الوضع قائم بلا تطور حتي منتصف الفترة الزمنية للفيلم، مسهبا في عرض مشاهد تحرش وتلصص "حاتم" علي جارته، واظهار استبداده وطمعه، و فساده وانحرافه، داخل وخارج القسم، وكذلك التمادي في اظهار انحراف "سلفيا" مع تنميط تقليدي لطبقة اجتماعية معينة، وينتهي هذا الصراع بانتهاء العلاقة ، وتبدأ مرحلة تانية من فيلم كان يمكن قطع مشاهد مرحلته الاولي كلها ف المونتاج والاكتفاء بالمرحلة التانية، التي ابتعدت عن المط والتطويل، والاسهاب، وكان كاتب السيناريو قرر العودة فجأة لمبادئ كتابة السيناريو، وسأل نفسه عند كتابة كل شوت أو مشهد، مجموعة من الاسئلة من عينة، ماذا يفيد؟ أو هل غياب هذا المشهد سيؤثر في الفيلم؟

- لفت نظري من بداية الفيلم اضاءة مشاهد "حاتم" خالد صالح الداخلية ، فقد اتسمت بالظلامية والغموض أحيانا، نظرا لبناء الشخصية القائم علي الاحساس بالضعف ، والوحدة، والعنف، وقهر الاخرين، علي العكس منها المشاهد الخارجية التي كان معظمها في الشارع، وسط الناس، وهو ما يعطيه احساس بالقوة ، والسيادة.

- اتسمت معظم شخصيات الفيلم بالثبات، وعدم التطور، ف "نور" من بداية الفيلم و حتي نهايته تقاوم وتحارب شخصية "حاتم"، ولم تتطور اشكال مقاومتها، وكذلك شخصية وكيل النيابة فمن بداية الفيلم وهو يعمل علي تنفيذ القانون، وعدم الخضوع لنفوذ السلطة التنفيذية "الشرطة"، وهو ما لم يتغير حتي النهاية، و كذلك أمه "وداد"، علي العكس تطورت شخصية "أم نور" بشكل خاطف لم يستغله السيناريو، فقد حاولت تطوير مقاومتها ل "حاتم" فاتجهت الي أحد المرشحين لانتخابات البرلمان، ثم حاولت ضربه بعد اغتصابه لابنتها، يليها تطور جماهير الشارع الذي يأتي في مشهد النهاية.

-نجح احمد فؤاد سليم في تمثيل شخصية المأمور "الطرطور" الذي لا يعرف ما يدور حوله ، و يهفو الي الترقية، مصغيا لكل ما يلقي به "حاتم" من نصائح واخبار، علي العكس منه، فلتت خيوط شخصية ضابط الشرطة "عمرو عبد الجليل" فقد اتسمت شخصيته بالضعف حتي عند محاولته تمثيل دور المستبد، حتي أصابني الذهول، من خوفه وأصابته بالذعر، من سماع طلقات رصاص وكيل النيابة، ضابط شرطة يخشي طلقات الرصاص !! في مشهد تفتيشه عن الزنزانة السرية، وظهوره في دور الخاضع لنفوذ السلطة القضائية، ممثلة في وكيل النيابة، وهو ما أدي الي طرح احد المتفرجين في المقعد الخلفي سؤاله العبقري "هو مين اللي أعلي من مين؟". دليل علي انعدام التكامل بين السلطتين.

- كان من مفاجاءات الفيلم دور "ماهر عصام" رغم مساحته القصيرة، فقد حاول بشكل خاطف الخروج من تيمة شخصية المدمن أو "الصايع" ، الذي سبق ان وضع في قالبها بأعمال سابقة ، الي شخصية "اللص المثقف" ، التي ظهرت في مشهد سرقة اللوحة الفنية من قسم الشرطة.

ظهر الجهد المبذول في شخصية "وكيل النيابة" رغم شهرة الممثل يوسف الشريف، ببرود الاعصاب، والهدؤ القاتل.

- ربما من ثقوب السيناريو بعض الحبكات غير المتقنة بدرجة عالية، مثل حبكة اختطاف "حاتم" "نور" ثم اغتصابها لاحقا، الزمان في المشهد ، نهارا، يوم شم النسيم، وعلي النيل، بل تطوع السيناريو لتعرية الحبكة أكثر وأكثر، في وجود كثير من المشاهدين لمشهد الاختطاف بوضع منديل به مادة مخدرة علي انف الضحية ، وحوار المختطف مع احدي الشخصيات "كومبارس متكلم" و تأكيد "حاتم" علي انها زوجته.

- خضع كاتب السيناريو لقاعدة "تعاطف الجمهور وابتزاز عواطفه، لصالح البطل"، فكان تبريره لتجبر واستبداد "حاتم" بأنه تربي يتيما وتلطم في بيوت الاقارب، وغيره ، وكأن كل أمين شرطة أو ضابط مستبد هو في الاصل مريض نفسي، عاش طفوله معذبة، (كان فاضل بس يتقال انه كان بيحب يخنق القطط)ومر بالحرمان!!

- اتسم بناء بعض الشخصيات بالنقص أو التنميط من عينة حوار هالة فاخر"أم نور" مع "نور" عندما تسألها هل تحب ؟ وعند الاجابة بنعم، تفرح الام بشدة، ثم تحتضنها، وهو ما يتناقض في الغالب مع بناء الخلفية الاجتماعية لشخصيتين من الفئات الوسطي ."casting "

يظهر الخطأ نفسه بشكل فادح، في اختيار وكيل النيابة لفتاة أحلامه "سلفيا" في بداية الفيلم ، فتاة ، ثرية، ابنة لرجل اعمال موضع شك، بشكل نمطي جدا، بداية من مشهد تقديمها في الفيلم، نزولها من السيارة ، وتركيز الكاميرا علي سيقانها، والميني جيب، وطريقة سيرها من الخلف، وغيره، تلاه بنفس المنطق في كل مشاهدها بلا استثناء، تنميط لشخصية فتيات طبقة اجتماعية معينة ووصمها بالانحلال، وهو ما ينطبق ايضا علي والدها، كل هذا مجتمعا يتناقض مع شخصية وكيل النيابة الذي ينتمي الي الطبقة المتوسطة، التي تعتبر أكثر محافظة من طبقة اجتماعية أعلي ، ربما وجد السيناريو ضرورة التعويض عن ذلك في شخصية رفض "وداد" للعلاقة كلها، متذرعة بأن الفتاة مدمنة سابقة، وهو ما يتناقض أيضا مع الشخصية المنفتحة التي تم تقديم الام بها في بداية الفيلم!!

- الحوار في أي فيلم شر لابد منه، يمكن الاستغناء عنه بالتعبير من خلال الصورة، الا انه في "هي فوضي" كان شرا مقصودا، فقد أغفل أن الافعال تفصح عن حقيقتها أكثر من الكلمات، واسهب في كثير من الجمل الاسمية التي كان من السهل تجنبها والاكتفاء بالصورة، من اسخف جمل الحوار في الفيلم، في مشهد النهاية، عندما يسقط "حاتم " منتحرا، يسأله المأمور بكل سذاجه " أنت بتعيط ليه دلوقتي؟ مش أنت اللي عملت كدا في نفسك؟ " ....(رحمتك يا رب )

- تركت بعض المشاهد علامات استفهام دون اجابة، منها امتلاك "حاتم" لما يشبه ورشة صغيرة لصناعة المفاتيح داخل شقته، وكأن بيت أمين الشرطة سوبر ماركت يشتمل علي كل شئ من الابرة للصاروخ . مشهد اخر يبدأ بدخول "حاتم" الي أحد الاسطح، فيجد شابا يقوم بمعاكسة جارته، نفهم بعد ذلك أنه العسكري الذي تحت قيادته، نفس السطح في المشهدين التاليين، نجد عائلة العسكري "بشندي" أمه وجدته يسكنون بنفس السطح، في نهاية الفيلم وأثناء مطاردة العساكر لحاتم" للقبض عليه، نكتشف أن السطح نفسه هو سطح قسم شرطة "شبرا" !!!!!!

- من المشاهد الاخري، هذا الكم من الاجساد الضخمة والعارية، الراقصة والسعيدة طوال الوقت، لمجموعة كبيرة من السيدات داخل غرفة حجز، لا تدل علي انها غرفة حجز نهائيا، اللهم خلوها من الاثاث، ووجودها داخل بدروم قسم الشرطة!!

- اما النهاية ، ربما كان ختامها مسك، ممثلا في ثورة الجماهير علي الظلم والاستبداد، ومهاجمتهم للقسم، أو وصول "نور" لاحد شهود واقعة اغتصابها، الا ان تخلص السيناريست من بطله الاوحد في الفيلم "حاتم" من خلال انتحاره افسد النهاية، مثل بعض الافلام الاخري التي تجد دائما الحل السحري لفخ النهاية في الموت ، مثل موت شخصية كل من "الارهابي"، و "المثلي جنسيا" في عمارة يعقوبيان ، وكأنه استكثر علي مشاهديه أن يخضع "حاتم" للمحاكمة عما اقترفه، فيهبط بسقف التعاطف معه في بداية الفيلم .


اخيرا، لعب خالد صالح دور عمره، بصوته، افيهاته، تعبيرات وجهه، ومشاهده من البداية حتي النهاية اتسمت بالقوة والتماسك والسلاسة، كالسهل الممتنع ،ومن اهم مشاهده، مشهد سرقة ملابس "نور" وشمها بحثا عن رائحتها، أما اعظم مشاهده، مشهد ذهابه الي كنيسة سانتا تريز، لعمل حجاب محبة، وحين يخبره القس بأنه لا يمكنه تنفيذ رغبته، يرد "حاتم" بكل ثقة وعنجهية، أنه لن يكون هناك احتفالات بالكنيسة هذا العام، مؤكدا طوال الفيلم علي أن "اللي مالهوش خير في حاتم مالهوش خير في مصر".

ملحوظة:
دا اللي فاكراه من مشاهدة الفيلم،كان في حاجات تانية بس فعلا مش فاكرة،

وكمان في نقاط كتيرة من النقط اللي فاتت هي نتاج مناقشة بعد الفيلم مع مخرج سنيمائي صديق.

فنجان قهوة

أتذكر وجهه كل مرة، انظر فيها في قلب فنجان قهوة، وأعود الي الوراء مع فنجان القهوة صباحا وقراءة الجرائد تقريبا يوميا في الفراندا معه ،علي مدار سنوات، لا اهتمام بالمسافة او التوقيت، اقطع المسافة صباحا، أمر علي بائع الجرائد، وأحيانا المكتبة المجاورة للمنزل لاخذ كمية لا يستهان بها من الكتب ، وعندما كنت بعيدة، كنت استبدل كل هذا بفنجان قهوة صباحا، والهاتف أسأله عن اخر الاخبار؟ ونظل لساعات وساعات، رغم عدم عشقي للهاتف ، فلا استطيع التحدث مع من لا أراه، الا ان معه الامر مختلف، كنت اجد كثير من الكلمات والموضوعات للحوار والنقاش، وصولا الي اخر نكتة سمعها، والتي أحيانا كانت مكررة الا اني دائما كنت ومازلت علي الاستعداد للضحك بقوة كأنها المرة الاولي التي اسمعها، فهو من اكثر الاشخاص الذين يمتلكون موهبة القاء النكتة.

أبدا لم أتذكر في اى طابق من البناية يسكن، لكن حين ابدأ في الصعود لا أخطيء بابه، وأبدأ في الضغط علي جرس الباب، سرعان ما اسمع خطواته، فيقفز قلبي بين ضلوعي في انتظار ابتسامته العريضة، وقبلته اليتيمة علي خدي ، أو حضنا عميقا، اذا لم تكن يداي مشغولتان ، كأننا لم نر بعضنا البعض منذ سنوات، ثم يبدأ في السؤال عن كل جريدة وكتاب، حاسدة ذاكرته القوية، ثم نتجه نحو الفراندا، اجد فنجان القهوة ساخن مع مناقيش الزعتر، وحين أذكره اني لا احب الزعتر، يبدأ في استعراض فوائده الصحية، محذرا اياي من عادة عدم تناول افطار، وحين أشاكسه انه بدأ يمارس من هم أكبر سنا، الذين ابدا لن استمع اليهم، يغضب كطفل صغير، ويسألني ساخرا كبار سن؟ هل انا عجوز لهذه الدرجة؟
أباغته بتغيير الموضوع تحب تسمع ايه؟

كنا نقضي وقتا طويلا في مراجعة مقال او فصل من كتاب، متذمرة من كل خط أحمر حول كلماتي،أو وضع الكثير من الفصلات بينها، حتي أدمنتها مثله، ثم نكمل اليوم بمتابعة الجزيرة، او أن أقرأ له كتاب ما بصوت عالي، متذرعا بضرورة أن تكون لغتي العربية قوية، وهذا لن يحدث الا حين اسمع الكلمات عاليا ، أو بمقابلة صديق، أو نخرج لمجرد التمشية، وحين اعلن العصيان يبدأ في لعن جيلي الكسول الذي وجد كل شئ جاهزا دون عناء، ازداد اصرارا علي مناطحته، متهمة اياه بالغيرة منا في عقله الباطن، وبعد أن نتبادل الاتهامات، يحذرني بضرورة ان الوقت تأخر ويجب ان اعود للبيت ، ضرورة أن أتي اليه ف الغد ولكن ابكر من اليوم، متهما اياي بحب النوم والكسل، أذكره انه بالنسبة لي لا يوجد ابكر من التاسعة، فأنا لست بائعة لبن مثله لاستيقظ في السادسة. ينهي الحوار بقبلة علي خدي الاخر غير مكترث بنظرات المارة الينا .

منذ فترة لم نلتقي فقد انشغلت ببعض الامور عنه، فلم يعاتبني، فنحن متشابهان في عدم العتاب، أو خلق الاعذار للاخرين أو لانفسنا، وكالمعتاد نظرت في فنجان قهوتي ، فأتذكرته بقوة، أغادر الكورس من منتصفه، اتصل به، أين أنت؟ يرد بسخرية محاولا أخفاء وهن صوته :في البيت أليس هذا تليفوني الارضي؟ أحسم الموقف :أنتظرني فأنا في الطريق اليك.

أتخذت نفس المسافة، قافزة نفس درجات السلم، مؤكدة لنفسي اني سأحاول هذه المرة تذكر في اي طابق يسكن، وحين أطل من خلف الباب المصنوع من السلك، ومن ورائه مكتبته المتخمة، أجده مشرقا نشيطا محاولا أن أكذب ما لدي من هواجس تجاه صحته.
وحين سألته عن الصحة، راوغني وحاول أن يغريني بأن لديه مناقيش زعتر او بسبوسة، اختصارا وافقت علي اكل الاتنين، صمم ان نخرج الي الفراندا فقد مضي وقت طويل لم نكن هناك، اتذرع ببرودة الجو، سرعان ما تناسينا السابق، وبدأنا كما كنا في الماضي، أقرأ وهو يسمع، يناقشني واناطحه، يحتد علي ثم أحاول استرضائه، أسأله عن اخر نكتة، ويحكي لي اخر نكته سمعتها منه، يذكرني بتأخر الوقت، أرد بأني لا اهتم ، أطلب فنجان قهوة، فهو الوحيد القادر علي أن يأسرني بقهوته، فمن يده الطعم مختلف، ومعه الزمن مختلف.

حان موعد الانصراف، لم يستطع ان يملي علي نصائح الامس، فقد سبقته بضرورة أن يحترس من البرد، واضعة الكوفيه حول رقبته، وطبعت قبلة علي خده مؤكدة أني اخشي علي البرد منه وليس العكس، يضحك ويتهمني بالنفاق، ويسألني مثل أيام عهدنا القديم لماذا لم أولد مبكرا بحوالي ثلاثين عاما؟! أكرر اجابتي التي حفظها، أن الحب لا يعترف بالسن!!

اعترافات ف عز الضهر

علي نسق اعترافات شهروزة حبيبتشي، حاولت اعترف بحبة حركات ومقالب وبلاوي ارتكبتها فافتكرت جزء، هقول منه حاجات، وهحتفظ بحاجات مش هقولها ، ولاقيت كمان ان بعض بلاويا اختفي تماما بالظبط زي المكسرات لما تغوص في الشيكولاتة ومتبانش!!

أنا اللي دبرت مقلب الازازة اللي ريحتها وحشة ف شنطة يد أبلة سلوي، لانها حلفت تسقطني في امتحان الشهر،في تانية ابتدائي، لاني فضحت بنت اختها اللي كانت عاوزة تغش مني ف الامتحان، ولزق المقلب في الواد الجتة "عماد"، فتوة الفصل ، انا حطيت الازازة ف شنطتها وفي الفسحة روحت ل "عماد" وقلت له ان ابلة سلوي اديتني شيكولاتة من شنطتها، زي العبيط راح عند شنطة الابلة، وفتحها ، لاقي الازازة فتحها، وانا زقيت دراعه وخلعت، كانت الازازة وقعت جوا الشنطة وعملت الريحة المقرفة دي، وخد حتة دين علقة، يستاهل ما هو كمان قبلها بيومين وقعني في الفسحة علي الارض، وركبي الاتنين اتعوروا، قال ايه مش عاوز بنات تلعب معاهم كرة.

أنا اللي ضحكت علي المسكين اخويا عشان يكسر الاطباق الازاز ، أمي كانت بتحبهم جدا لانهم كانوا هدية من ابويا لما كان مسافر ليبيا، انا شوفت امي بتحطهم علي النار ومش بيحصل لهم حاجة، قلت طالما النار مش عملت حاجة يبقي رزعهم ع الارض مش هيأثر، وتفاديا للضرب لو اتكسروا قلت استخدم المسكين اللي ما صدق ما لقي حاجة يلعب بيها، وكل ما يكسر طبق، اقنعه انه يمكن الباقيين ميتكسروش، وهاتك يا دشدشة.

أنا اللي حرضت المسكين الغلبان برده أخويا انه يحط الميه ف قلب التليفزيون، كنت عاوزة اعرف ايه اللي هيحصل لما احط الميه، كنت فاكرة ان الناس اللي جواه هيطلعوا برا، طبعا انفجر، واخويا اتكهرب وكمان أخد العلقة .

أنا اللي قصيت فستان فرح مامتي حبيبتي، كنت عاوزة اشوف عندي مواهب ف الخياطة زي تيتا ولا لاء؟ وكمان كنت عاوزة اقصره عشان يبقي علي أدي، لبست العملة ف بنت خالتي، اللي هي في نفس سن امي، ساعات كانت بتيجي لتيتا ،وتقيس فساتين أمي من وراها، وعليه اخترت يوم تكون هي جاية، وكشفت انا العملة ،خصوصا انها كانت معجبة بالفستان، ونفسها تاخدوا، طبعا امي كانت بتقول بعين اللي خلفوها . دا اول اعتراف بالعملة من عشرين سنة .

- أنا اللي كنت بقلد مسرحية "ريا وسكينة" و بحط كل مرة الملح علي السكر، في فنجان القهوة، بتاع ابن خالة امي ،أونكل عبد الراضي ،و بعدها معدته تقلب ، ويفضل رايح جاي من والي التواليت، كل مرة يجي فيها م الصعيد، لانه دايما كان يدي اخويا عيدية اكتر مني قال ايه عشان هو الولد، وكمان بيحرض امي ان بقيت طولها، وميصحش العب ف الشارع، مع ان كان عندي سبع سنين، وكل مرة بعد ما يمشي اتحبس واخد علقة لو حبيت العب ف الشارع.

- أنا اللي بعت هدية لاستاذ الفيزياء ف أولي ثانوي، عبارة عن ببرونة أطفال، وجواها ورقة بتقول "علي أد سنك"، طبعا الورقة مكنتش بخطي انا، كانت بخط اغلس بنت ف الفصل، وكانت حدفتني بالورقة ف الحصة، كنت مزقططة جدا وغلست عليها ، لما جه الاستاذ تاني يوم وهزئها قدام الفصل كله علي عملتها الهباب.

أنا اللي كنت السبب في حرق شعر بنت خالتي في فرح أختي، من تسع سنين، كنت انا وعبير صحبة اختي ماسكين الشمع، اتكعبلت مش عارفة ف ايه؟ (وش بيغمز) ، شمعتي جات علي ايد عبير اللي شمعتها مالت علي راس بنت خالتي ، فاتحرق شعرها، بعدها الاتنين اتخانقوا وقاطعوا بعض، بصراحة بنت خالتي تستاهل، كانت بتتنك وبتتمنظر بدون داعي.

- أنا اللي ناديت علي أبلة وفاء مدرسة التاريخ في تالتة ثانوي، عشان تشوف سمية صحبتي ورا باب الفصل كانت بتعمل حواجب بنت صحبتها بالخيط، اتحولوا لمكتب الست الناظرة، اللهم ما احفظنا،

تستاهلي يا سمية ، حاولت كتير اقولها بلاش ف الفصل ممكن التواليت.

أنا اللي دمرت عشرين شريط كاسيت بصوت أم كلثوم ، لبابا أول ما رجع م السفر، لان وقتها مكنتش بحبها خالص، وهو واجع دماغي باغانيها الطويلة علي مدار 24 ساعة، فسجلت عليهم حلقات مسلسل " الشهد والدموع " و "ماكجيفر" ، وجزء منهم كنت بقلب البكرتين عكس بعض، وأول ما هو يحط الشريط في الكاسيت يتشد ويتقطع ، لزقت في أختي لانها الوحيدة اللي عبرت له عن عدم حبها للست ام كلثوم، وأمنيتها انه يرحمها م الشرايط دي.

اعترف اني انا اللي فيرست اللاب توب بتاعه مش صديقته الانتيخ ، كل مرة كنت اروح أسافر أقضي اجازة هناك، كانت بتحب تيجي البيت من باب الغلاسة، وف المرة دي اتصلت عاوزة تيجي عشان تستعمل الانترنت، وكمان كانت عاوزة تستعمل اللاب توب بتاعه، مش الكمبيوتر العادي لانه بطيء، أنا كمان اتصلت بصديقي الانتيخ، انه يبعت لي لنك لاي فيروس، وفعلا اول ما هي جات تستعمل الجهاز كان الفيروس انتشر، وشل الجهاز ، ودي كانت أخر مرة أشوف خلقتها ف البيت، خصوصا ان الجهاز خد كام يوم لحد ما اتصلح، تستاهل لانها عارفة أني مش كنت بحب استعمل اللاب توب احتراما لخصوصية حاجاته كمان كنا رايحين السنيما .

اعترف كمان أني أنا اللي دبرت وخططت لكسر سي دي بتاع لعبة "الحضارة"، مش بحب الجيمز، وكنت بتغاظ لما كان قاعد قدامي بيكلمني وماسك اللاب توب وهاتك يا لعب، وفشلت محاولات اقناعي باني اتعلم اللعبة، ونلعبها سوا، ولاني درست خطواته كويس في البيت، حطيت السي دي جنب رجل ترابيزة المطبخ، وهو زي كل مرة، جه حرك الترابيزة جامد، ورفعها، وحط اللاب توب عشان يلعب ، وهوب السي دي لوحده كان تحت رجل الترابيزة، وديشششششش، لزقتها فيه هو لانه دايما كان سايب حاجاته مبعترة ف الشقة من غير نظام..

أخر حاجة لسه طازة امبارح بس، حطيت رجلي قدامه وهو بيعدي، وقع اتكوم وهو نازل من عربية المترو، غلس عليا، وغتت، وكمان البادي سبراي بتاعه كان يقرف، كبرت دماغي اني ازعق له، قلت الطيب أحسن، اللهم لا شماته.

البحر اسكندراني ..وليل حب ونسايم

بسمعها دلوقتي وكمان ليا كام اسبوع مش بسمع غير غنوة واحدة، أخدتها من صديق، البحر اسكندراني لمحمد حمام، تقريبا شهر، بسمعها الصبح والعصر والمغرب واول ما اصحي وبعد ما انام كمان ، بالظبط زي حواديت أبلة فضيلة وكنت مصرة أروح اسكندرية قريب، فشلت اقنع اصحاب تانيين انهم يجوا معايا ، بس ولا همني هم الخسرانين ...

أحلي الرحلات اللي عملتها كانت بتتنفذ وقت اقتراح الفسحة، او بعدها بكام ساعة، يعني مرة ف صحبة تلات صديقات قررنا ناخد اجازة ونسافر علي روما، وفي ثواني، تليفون للشغل، ومحطة القطر ،وخلال كام ساعة بدأنا الرحلة، والمرة التانية، كان عندي اجازة اسبوعين، تليفون وحوار مع صديق وبعدها بكام ساعة رحلة بالعربية عبر تلات دول، ومرة أخدت شنطة صغيرة جدا كنت رايحة مدينة علي بعد ساعتين بس بالقطر، لاقيت نفسي ف المطار وكمان علي طيارة لبرلين ،اصل بحب الحاجات اللي من غير ترتيب، أحيانا ، ولا وجع القلب مع اصحاب استحالة يصدقوا ف حاجة اتفقوا عليها معاك، ولا هيروحوا رحلة خططوا لها، وغنوا عليك بها كتتتيييرررر :(

خلال سنة ونص معرفتش اخرج برا القاهرة الا مرتين الاولي ترحيب لعودتي لارض الوطن، دعوة من صديق للعين السخنة لمدة اسبوع،والمرة التانية للسويس عشان أعزي صديقة، وكل مرة نبدأ نخطط كمجموعة ويتحدد معاد ينضرب المعاد ليه؟ معرفش كل واحد يسأل نفسه :(
أخيرا خرجت النهاردة الي الاسكندرية، يا حلاوووة، تبدأ الحكاية والعهدة علي الراوية، اللي هو انا، اني كنت (ومازلت بس شغال) حاسة بالخنقة من مواقف سخيقة علي مدار الاسبوع خصوصا امبارح ، ف البيت والشغل، والكورس، والمترو، وحاجات كتيررررروانا بفتح باب بيتنا، قررت أسافر مع نفسي لاي حتة، ولو اني دايما بحب الصحبة، بس خلاص بما اني يئست قررت أسافر "وحدي..وحدي لكن ونسان وماشي كدا"، واول ما أشغل الماسنجر الاقي صديقي الانتيخ، واحنا الاتنين ف نفس واحد، أزيك؟ نرد ف نفس واحد: زفت، وخنقة، علي طول تيجي نسافر؟ أه بس أمتي؟ يقولي الجمعة؟ وانا لا بكرة طب الخميس؟ وبدأنا التفاوض لحد وقت متأخر، أفرض انا بديكتاتورية بكرة يا بلاش هروح لوحدي، يوافق، نبص ف الساعة، نلاقيها بقت تلاتة، ماشي نتقابل كمان تلات ساعات في رمسيس، ماشي، وهكذا بدأ اليوم...
ملحقتش انام بس مش مهم، علي خمسة بدأت أتسحب من بيتنا مش ناوية اصدمهم اني مزوغة من فرح ف العيلة، زي كل مرة ، حرام، وأدور علي مفتاح باب البيت اللي تحت خالص مش لاقياه روبع ساعة ، اخدته من سلسلة مفاتيح أبا الحاج، وانزل الاقي الباب مفتوح أصلا، مفيش حد ماشي ف الشارع، بس ولا يهمني ما عفريت الا شبح .
لما بكون مسافرة مبحبش أشيل حاجة، هو شنطة صغيرة جدااا، عشان منظري العام، ولتر بيبسي للتسالي ،النهاردة بس زودت جاكت عشان الجو مكانش مضمون، وكاب كان علي وشك يقع ف الميه ، بس، اتقابلنا في رمسيس فطرنا سوا بلاش اقول فطرنا ايه؟ ، ركبنا، وخلال ساعتين كنا هناك، وكمان عشر دقايق بقينا قدام البحر خبط لزق، زمان لما كنت بروح اسكندرية كام شهر ف الصيف، وساعات الاقامة تمتد كمان خلال الشتا، كان عندي احساس ان الاسكندرانية ناس فاضية وعواطلية، وطول النهار قاعدين يحبوا ع الكورنيش، بس طبعا دا اتغير، النهاردة كان احساسي انهم بيحبوا وبس، اتنين اتنين ماليين الكورنيش، واغلبهم مزوغ م المدرسة، اللهم لا حسد، حقد بس، هههه انا وصديقي الانتيخ كان شكلنا غريب حبتين، وكنا فرجة، بما اننا مش باين اننا حبيبا ولا حاجة، كان باين بس اننا واحدة وابنها، ابن اختها، جوز أخت بنت خالة عمتها اي حاجة ، هو مشغول باللاب توب والواي فاي اللي طول الكورنيش، وانه يغيظ باقي الناس اننا ف اسكندرية، وانا بلعب علي مصدات الامواج، كتل اسمنت قدام الشواطئ، لحمايتها م التأكل، كنت فكراهم من زمان اويي انهم حاجة م الاتنين قطع (أوشاط) للعب الطاولة وكان عندي ثقة ان الحجم دا يناسب الرومان وانهم كانوا بيلعبوا طاولة هنا ع الشط بالكتل دي، الاعتقاد التاني تماشيا مع التطور الطبيعي للحداثة والحبشتكنات كلها، كنت فكراها كتل لبناء كباري جديدة بما أننا بلد افتتاح كباري ف كل مناسبة.
وعلي حين غرة يرن الموبيل، من "زميل عمل " انتي فين؟ انا ع الكورنيش (بقصد كورنيش الشاطبي، هو فاكر النيل)،انتي متأخرة كدا ليه؟ وهوب يقطع الخط، وانا اتنح ، نعم؟ فين؟ انا قلت لمديري أني أجازة، يتصل تاني، افهمه، وكمان رنة من السيد الباشا الامور المدير اللي مش صديق ولا حاجة، طيب هاتي لنا معاكي "هريسة" حاضر من عونيا ….
تفرغ صديقي الانتيخ لاعطائي دروس فيزياء المكان، زي ليه الناس مش بتنشر غسيلها علي منشر ف مواجهة البحر؟، انا اتفذلكت وقلت البلكونات شكلها هيعر الكورنيش، فا مفيش غسيل من قدام الكورنيش زي اوروبا والدول المتكدمة، هو اعطي فتوي متعلقة بفيزياء المكان بتقول ان وجود البحر مش هيخلي الغسيل ينشف بسرعة، عشان البخار ف حالة معرفش ايه ما عالينا، انا كبرت ومدققتش، مش بحب الارقام ولا المعادلات، نكمل بقي فضلنا نمشي ونرغي ونمشي، ونتكلم سياسة أدب، تاريخ، حواديت، في سيرة كل اللي نعرفهم، نريح شوية ع المصدات، يعني مددنا ع الصخور، عند بير مسعود كدا، أو علي المصدات نفسها، والميه هوب علينا ، أو علي الشاطئ نفسه، ونمشي حبة.
محستش بالوقت ولا اي تعب، انا كدة لما أسافر، بسيب كل كسل القاهرة واستسهال ركوب التاكسي عن المشي، وانطلاق، مشينا من الشاطبي، لحد ستانلي، وبعدين لخالد ابن الوليد، و صديقي مستمر ف دروس الفيزياء، وانا مستمرة في قمعه، وممارسة ديكتاتوريتي، لان لما بسافر بحب امسك انا الخريطة، وبالتالي منعته من فكرة انه يهوب جنب كوستا، أو بينوس وغيرها من الاماكن دي، اللي اتخنقت منها ف كايرو ،دا غير ان بحب طالما هسافر يبقي فسحة جامدة طحن علي حق مش طق حنك ، يعني ولا ماكدونالد، ولا كوستا، ولا كل دا، طالما انت في روما، يبقي عيش وأتسنحك علي طريقة " أهل قاع روما، وليس قمتها" كمان، علي رأي صديق روماني (نسبة الي روما وليس رومانيا) المهم أصريت علي قهوة أبو الحسن في خالد ابن الوليد مع شاي بالنعناع، وقهوة بنها مضروب، وكمان فيلم "جعلتني مجرما" كنت اول مرة اشوفه بما اني مش متابعة السوق، وصديقي ما صدق طلعت ف دماغه انه يستستهل وكسل يقوم نتمشي عشان نتغدي سمك ، وقال قرر ناكل فول من علي عربية "فول باب الشعرية" اللي بتغطيها شمسية عليها اعلان "اتصالات" قدام القهوة ، وأتلكك اني عندي التهاب رئوي ومينفعش أكل سمك، سمعت الكلام وقلت له وفرت (كان علي أنا عزومة السمك) ، بعدها قررنا نستكمل الجولة، عاوز يتفرج و يعمل شوبنج وبنطلونات و حركات، وانا أصريت ان ممنوع شوبنج، أنا بكره الشوبنج جدااااا مع فيتو اني عاوزة اشتري توك كلبسات لشعري، احسن الكيرلي كله هيطير مع الكاب وتبقي فضيحة، وزعل لما وقفت خمس عشر دقايق اتفرج ع الاكسسوار (الحاجة الوحية اللي ممكن اتفرج علي الفتارين عشانها )، ولما بدأت أختار هدية لحد مهم جدا، اعلن العصيان المدني، بس برده اشتريتها.

طول الوقت كنت بزن اني عاوزة أكل هريسة من عند أحمد حسنين، مع اني مش بحب الحلو قوي بس بحب اكله بكميات صغيرة وعلي مراحل، وزمان لما كنت ف اسكندرية لشهور عند بنت خالتي، كل يوم الصبح لي حتة كبيرةةةةةةة جدا هريسة ف الغالب كنت باكلها ع البحر، ومش بدي حد حتة. وأخر مرة كنت فيها ف اسكندرية من تلات سنين كنت ماشية وانا معايا خمسة كيلو هريسة، مش ليا والله للحبايب بس.

قعدنا وكلنا الهريسة، وفضل صديقي يتابع الواي فاي وهو مبسوط كأنه جاب الديب من ديله، وكمان معاه اتنين موبيل ..صدااااااع ... وكمان أدلي بأحاديث صحفية وجرنالجية، وغيره وكمان مكتب الامم المتحدة بيدعيه لمؤتمر؟ أجري ياض العب بعيد ، انا بقي فضلت قاعدة مأنتخة أقرا حبة ، وأتكلم حبة (مع نفسي بس مبسوطة جدا)، وكتيررر جدا كنت بغني بصوت عالي "البحر اسكندراني والريح اللي معانداني ترالالالام "، مقدرتش اطلب فريسكا لان كانت خلاص كدة رضا.

وفضلنا نتمشي بعدها، وبما اننا مخنوقين، ومكتئبين فضلنا نفضفض ونتكلم كلا من منا بصراحة عن اللي مضايقنا، وكمان أخدنا قرارات حاسمة، وهي العمل علي الا نكتئب مهما كانت الظروف، لان هي كدة "فيها ابتسامة وفيها أه، وفيها أسوة وحنية" ترررلالالام ، وكمان التنفيض للاشخاص مصدر وجع القلب والراس، "وابقي قابلني" J

علي هامش الرحلة كان اكتر يوم ف حياتي استقبلت فيه مكالمات تليفونية، بقالي فترة محدش بيعبرني، واللي بيعبرني بنفض له، ليه؟ الله أعلم ، ناس جاية القاهرة ومتلاقينيش، وناس ماشية ما تلحقش تسلم، لان الجميع معتمد اني مبتحركش منها، حتي الاصدقاء علي الجانب الاخر من البحر المتوسط، أندهشوا، وحقدوا، زي بعضه عديتها..
بدأنا نتحرك عشان نرجع كان الجو بدأ يبرد، وشتا فعلا، لبسنا الجاكت الخفيف، والكاب، والايس كاب كمان، وفضل موال الواي فاي شاغل صديقي، أنا متنحة لمنظر الغروب علي كوبري استانلي وهو بيجرب مدي قوة الواي فاي وطلع منها بنتائج مهمة جدا ، وهي علي أول كوبري استانلي هتلاقي كونكشن من كوستا وبينوس، ف نص الكوبري هتلاقيه من ماكدونالد، كنت علي وشك احدفه هو واللاب توب وماكدونالد نفسه من ع الكوبري وأقول ضاع ف الاتوبيس. قولنا نشتري هريسة للجهامير اللي مستنيانا، وناخد أول مرسيدس للعودة، لسه بنستكشف الجو، وفجأة لقيته ماسك شنطتي وبيشد، يا عم سيب وهو لا هتيجوا معايا تركبوا العربية التانية، يا سيدي مش بندور علي عربية، هو كان منادي العربيات قصير جدا، (مش قصدي التريقة) افتكرته طلع حد من الاقزام المشهورين اللي كانوا بيمثلوا ساعات ف الافلام، واحاول اقنعه مش عاوزة اتنرفز ان احنا رايحين نجيب هريسة مش عاوزين عربية، خلاص تعالوا انا هجيب معاكم الهريسة، صديقي انتخ م الضحك، وسابني كدة الراجل ماسك شنطتي، ولاقيناه طلعنا قدام العربية، وبما انه مش مبطل ضحك، زعقت فيه هو سي الانتيخ ان يلا مفيش هريسة وهنروح خلاص.

أكبر مأسأة أصرار الجمهور قصدي الركاب والسواق انهم يشغلوا فيلم طول الطريق رايح ، جاي ل سي سعد الصغير، انكتب لي اشوف ابشع افلام الارض، "عليا الطرب بالتلاتة" و "الحي الشعبي" والاتنين من بطولة سيادته والمزتين نيكول سابا ودينا، وشلة غجر تانيين، فشلت انام ف الفيلم الاول ، لكن حلفت لانام ف التاني وفعلا بعد ما طنشت ارد ع الموبيل.
دخلنا القاهرة وبدأت الغلاسة، الطريق الدائري قال ايه مفحوت، ومحفور وكل الافتكاسات، ماسكين جتته وهاتك يا تقطيع، من عند كارفور البوابات لحد معرفش فين، وعلي كوبري 15مايو مدخل الزمالك، وقفنا عسكري مرور قال ايه الباشا الظابط عاوز الرخص، يوووو عاوزين نلحق الجهامير اللي مستنيانا، ثواني خلعنا م العربية واول تاكسي، البيه الظابط شافنا، قال هاتوا الاتنين دول، بس علي مين مع نفسه هو بقي.
وخلاص خلصت الحدوتة ... عارفة انها ملتوتة
بس كان نفسي أركب الترام الاصفر:(

اسمعوها بس:

البحر اسكند....ف عيونه البحر غايم
وليل حب ونسايم
دا انا بقول يا هادي....
وانا لسه...ع البر عايم

:)

بيتنا النهاردة الصبح

علي الجانب الاخر من البحر

رغم أني كنت علي الجانب الاخر من البحر، فقد حالفني الحظ كثيرا، ولم تقع عيني علي جثث لفظها البحر، بعد أن لفظها أهلها ، الا وهي مدعية الحياة، هاربة من تابوت الفقر في الاغلب، أو احتلال حكومة حزب وطني فاسدة.
اختلفت الطرق، وتشابهت القصص، وتوحد الهدف لدي كل عابر، وكان علي الاستماع، ولكم أصابني الهلع، والترقب، اوحتي الدهشة، أثناء متابعتي أحداث كل قصة، رغم تأكدي من النهاية، وانتصار البطل المزعوم الجالس امامي، بملابسه الرثة، ومتعلقاته البسيطة، وأحيانا بدونها، ذلك البطل الذي سرعان ما تحول الي مجرد رقم علي استمارة بدرج المكتب، أو ملف علي الديسك توب .

دائما كان خيط البداية واحد، تليفون من قسم الشرطة بوصول وافد جديد "متسلل عبر الحدود"، والسؤال عن امكانية استضافته بالمركز "مركز طوارئ لاستقبال لاجئين" مؤقتا، ثم تبدأ مرحلة توفيق أوضاع الوافد قانونيا، عبر محطات عدة، تستمر ربما لسنوات، رغم التصاق صفة "مؤقت" بأوراقه، وان كان مازال قاصرا فسرعان ما ستتبناه الدولة.
لم تختلف معظم القصص في نهاياتها، ربما في نقطة البداية، وتفاصيل التفاصيل، فلم تختلف قصة "سامان" النحات والرسام الايراني، عن مواطنه "مصطفي" بطل ايران في المصارعة الحرة، علي مدي سنوات، أو "أورهان" وابن عمه "احمد" من أكراد ديار بكر، عن "ستيف" الهارب من الفتنة الطائفية بأثيوبيا، عن "ماريا" عن "فريدة" ،عن "زينات"، "علي"، "سارة" واسماء كثيرة .

ربما "حسن" كان من اكثر الشخصيات التي لم تسقط من ذاكرتي قط، عدت يوما من احدي الاجازات ، وسألت زميلي عن "الوارد والصادر"، التعبيرين المستخدمين عما اذا كان هناك نزلاء جدد بالمركز، أو مغادرة احدهم، وهو امر نادر الحدوث، فأشار الي لطفل هزيل، يقف وسط ملعب الكرة ، وتحت زخات مطر، شهر فبراير، خارج نافذة المكتب المطلة علي الفناء الخارجي، يبدو في العاشرة، نحيف، بروز لعظام وجه،يرتدي ملابس اكبر من المفترض، غير متناسقة، اندهشت كيف لطفل في العاشرة وصل الي هنا، فا الاوراق امامي تصر انه بمفرده، بدون عائلة، قبض عليه أثناء محاولة للتسلل الي احد القطارات التي تمر عبر الحدود الايطالية- النمساوية، فقد كان يرغب في الذهاب الي المانيا، (معظم المتسللين يتطلعون لذلك املا في حياة افضل).
استقر حسن في المركز، وتوطدت علاقتي به، حين أخبرني بعد أيام انه لا يعرف كيف يمكنه الاتصال بعائلته، ليعرف والده انه كان جادا في قراره، ودس في يدي ورقة مهلهلة، تحمل أرقاما كثيرة ، وحين طلبت واعطيته الهاتف، اختفي هدوئه المعتاد، وظهر شقاوة طفل، يمرح ويمازح الاخوة والام والاب، بلغة غريبة عني، تخللتها كلمات عربية "الحمد لله- نعم- الله " ، بعدها استجاب لمحاولات سابقة في ضرورة أن يبدأ تعلم اللغة ليتواصل مع محيطه ،وقدمته ل ريناتا المدرسة ليتعلم اللغة، التي اندهشت لسرعة تعلمه، والتحق باحدي المدارس الليلية، وخلال اليوم لم يكن يخجل ان يسأل عن معاني كلمات عجز عن فهمها، وبمضي الوقت، والاحساس بالامان بدأ "حسن" يسرد أجزاء من حياته قبل ينجح في عبور البحر، "حسن" أفغاني، ولا يتحدث العربية، الاوردية، و بعض الانجليزية، وفوجئت ان سنه اربعة عشر عاما، وليس عشرة اعوام كما ظننت، حكي أنه ودع عائلته في افغانستان، المكونة من أب وأم وتسعة أبناء أخرين، ترتيبه الخامس بينهم، وعندما سأله أبوه الي اين؟ رد بكل ثقة الي المدرسة ولكن في بلد أخر، والده لم يعترض، فهو لديه الكثير من الابناء، بدأ رحلته سيرا علي الاقدام، الي باكستان، ثم ايران، ومن هناك تم اجباره علي العودة، وتم ترحيله، الا انه بمجرد العودة، عاود الكرة، وبدأ رحلته من جديد مصرا علي النجاح هذه المرة، سلك طريق الجبل، وصادق قطاع الطرق، باكستان، ثم ايران، ثم تركيا، ومن هناك استطاع التسلل لاحدي سيارات التهريب، التي عبرت به البحر علي ظهر سفينة، ووصل الي ايطاليا، واتخذ طريقه في اتجاه الشمال، حيث المانيا، الا ان ملامحه الشرقية ، وهزاله الواضح، ووجوده وحده داخل القطار، ادي للقبض عليه.
كان هدف حسن ان يلتحق بالمدرسة يوما، وحلمه ان تتاح لاخواته الاصغر الفرصة نفسها، في اول فصل دراسي جديد، التحق "حسن" بالمدرسة، وسرعان ما انتقل الي مكان أخر مخصص للقاصرين، وان رأيته بعدها كثيرا، فالمدينة صغيرة، وتجمعنا مدرسة واحدة، فحين بدأت كورسات لغة المانية رأيت اسمه في القائمة الطلاب، واعترض علي عندما سألته ان يركز اولا في اللغة الايطالية، وحين اخبرته اني رايته في الجريدة ،في ريبورتاج عن اللاجئين، أخبره ان كاتب التحقيق بعدها قابله بأحد منتجي الافلام ليصنع من قصة "حسن" فيلما سنيمائيا، الا ان "حسن" رفض مصرا علي أن قصته بدأت توا ولم تنتهي بعد، مشيرا بيده نحو الشمال!!

وقائع القصة فبراير 2006
"Ex-Gorio"
emergency center for refugee

أصحاب وﻻ ؟

لي أصدقاء كثيرون، لكن معارفي أكثر، وان شعر الجميع انهم سواسية في علاقتي بهم، محاولة قدر اﻻمكان الي الاصغاء لهم، في الشكوي والفرح، فقد تدربت بمرور الزمن علي الاصغاء، ربما لحبي المستتر للحكي، ربما هي احدي محاولاتي أن أبدو مثالية، متشبثة بقيم قد عفي عليها الزمن. ربما هو عجز مني، ولا يوجد لدي ما يمكن أن اقدمه للصديق، وأن حيرني دائما الوقوع بين شقي رحي ما تفرضه الصداقة من مشاركة واهتمام متبادل، وبين ضرورة احترام حدود الحياة الخاصة للصديق، وعدم ترحيبي باقتحام خصوصيته، فلا أخذ منه أكثر مما يعطيني من اهتمام، ولا أصغي الا لما يقوله بارادته، دون تقليل من اهتمامي به، فلا أميل الي الالحاح عليه، أو استنطاقه، وهو ما اعتبره من أشكال الابتزاز، و عدم الامانة... أريدها صداقة حرة دون قيود، فان أراد الحديث عن همه سيجدني..وان ارادة مشاركتي فرحه سيجدني..وان عصفت به الحياة سيجدني دون أن يبحث عني.. فأنا أبنة أصدقائي (المقربين) حسب تعبير أمي، عندما اشتكتني لصديق من قلة اتصالاتي أثناء اقامتي بالخارج، فكان الصديق كثيرا ما يطمئنها عن أخباري، فقد كنت اتصل به اسبوعيا.

لا أمتلك أجنحة فأحيانا أغضب من صديق لتصرف ما، خاصة مواعيد اللقاء، التي في الغالب لا يلتزم بها الصديق، فأنا أكره الانتظار، ومع هذا كثيرا ما اتناسي غضبي فور لقائي بالصديق، وكأنه لم يكن، وأكره أن يبادر الصديق بخلق الاعذار، فلا أشجع علي المجاملات بين الاصدقاء، أريد الصديق كما هو علي طبيعته، دون جراحات تجميل، فلي صديق سألني يوما علي اصراري في الاحتفاظ بصداقة صديق ثاني رغم اختلافنا في الشخصية والطباع ، فكان ردي غير انه صديق العمر الذي لا يمكنني التفريط فيه ،انه صديق بلا قناع، وانا قبلته كصديق بمميزاته او عيوبه، لان الصديق لا يمكن تفصيله، بأخذ جزء منه وترك جزء اخر .

لا ادعي اني ايضا لا التزم بالقواعد التي وضعتها لعلاقتي بأصدقائي، فأنا أحبهم جميعا ولكني لا أميل الي ترديد ذلك علي مسامعهم، كما اني كثيرا ما اكون بطيئة في تواصلي معهم، طالما هم بخير حال، وأحيانا ما يؤنبني صديق علي انقطاعي في الاتصال به، وتكاسلي عن لقائه.

أخيرا أصدقائي وعملي هم علاقتي بالحياة، فقد اثبتت تجربتي الشخصية أنه اذا توافر لدي اصدقاء مثل اصدقائي، وعمل احبه يمكنني فعل الكثير في الحياة، متخطية بهم كثيرا من الصعاب. فأنا من اختار الاصدقاء، واحيانا العمل، وبالتالي هم قدري الذي اخترته بنفسي، وليس ما فرض علي، وكثيرا ما يكون اصدقائي وعملي هم سبب سعادتي أو تعاستي. لكل اصدقائي اعتز بكم لدرجة تخجلني عن ترديد ذلك لكم في كلمات عل أفعالي تستطيع.

:)

كرباج سعادة وتعالي

هل شعرت يوما بالتعالي علي البشر من فرط احساسك بالسعادة؟
سؤال كررته علي نفسي وعلي صديقين حميمين مرارا، غير مقتنعة بأن الاحساس بالسعادة يمكن أن يتولد عنه شعور بالتعالي علي غيري، الا أنه قد كان، يوما أقنعت نفسي بالبقاء في الصومعة أو غرفتي كما يحلو للأخرين أن يطلقوا عليها، لكن تحت وطأة الضغط من صديق ،كان علي سفر وأراد لقائي قبل الرحيل، رضخت وخرجت للقائه، مع اصرار داخلي علي كئابة هذا اللقاء، فقد كنا علي اتفاق مسبق طوال الاسبوع الفائت بالاكتئاب معا، وبالفعل حين تقابلنا، وبعد التحيات المعتادة جلسنا صامتين، كلا منا ينظر الي فنجانه في صمت قاتل، ربما طوي أحدنا جريدة، والاخر يتطلع الي كتاب في يده، و مر بعض الوقت سدي، ثم هم أحدنا بالحديث وسأل عن صديق ثالث من منطلق الاعتياد ليس أكثر، تري أين هو الان؟ فكان طوق نجاة لنا حين حادثناه تليفونيا، فقرر المجئ، انتعشنا بمزاحه، ونكاته عن اي شئ، وكل شئ، فهو ساخر علي الدوام، وحين لايجد من يسخر منه، يسخر من نفسه، وكثيرا ما تلحظ في سخريته شئ من الفلسفة، ذلك النوع الساخر الذي يجعلك تتطلع بكل سرور الي أتون الجحيم!!
حان وقت فراق ثلاثتنا، واتجهنا كل في طريق، بعد شحنة من الضحك، الضحك بجلبة، لافتت أنظار المحيطين في المقهي، من باب الحقد علينا لقدرتنا علي الضحك بكل اخلاص، في زمن اعتبرت فيه الضحكة، مثل العنقاء والخل الوفي، ما جعلني الحظ لاول مرة منذ بداية جلستنا، تلك الوجوه التي تتقاسم التجهم، وتتحالف علي الا تبتسم، ولو علي سبيل التغيير، فزاد اصراري علي ملاحظة باقي الوجوه -بشكل لا ارادي- هل الجميع ينكر الاحساس بالسعادة؟
مع احساسي المفاجئ بالسعادة، علت دندناتي الموسيقية، مع كل أغنية اسمعها، فأنا هكذا دائما، لا اكتفي بسماع أغنية ما، الا ويحلو لي مشاركة المطرب- حتي وأن كنت بين الناس- الغناء، وهو مايثير ضحك الاصدقاء.
بعد أن اكتفيت بملاحظة الوجوه الاسمنتية خلال طريقي المعتاد الي منزلي، لفت انتباهي ازدياد احساسي بالسعادة، ثم استمر احساسي هذا في الصعود، لدرجة الشعور بالذعر، فقد مضي وقت طويل منذ احسست بالسعادة، تدرجت مشاعري، وزاد اصراري علي احتقار الوجوه الصدأة المتجهمة، فبدأت بالتعالي علي الجميع، بل السخرية، أيضا، بداية من موظف شباك التذاكر بمحطة المترو، مرورا بالركاب، انتهائا بجاري الذي دائما ما اعتبرني مهذبة، خجول، فقد تعثرت خطواتي أثناء عبوري من الة تذاكر محطة الوصول، فرأيته ضخم الجثة، يحاول العبور خلفي، دون تذكرة، فلم أعبأ بزيه العسكري، وذكرته أنه يجب الاستئذان أولا، وحين رد بأنه يعمل علي استتباب الامن بالمحطة، كان ردي العبور، دون اعطائه الفرصة نفسها، ساخرة في تلقائية "ابقي خلي طنط محطة تدفع لك تمن التذكرة"، ما جعلني اضحك عليي، فشعرت بالانتصار مخلوطا بالتعالي، أما جاري فقد صدم من سرعة وقوة قبضات يدي علي الجزء الخلفي من سيارته، حين اراد الرجوع للخلف، وكان علي وشك الاصطدام بي، وتلجم لسانه عن الرد عندما اشرت بأصبعبن من يدي الي عيني، في اشارة اليه انه ربما اصابه العمي، وحين علا صوتي منبهه الي وظيفة المرايا ، توقف موتور سيارته تماما!!

costa, today at 12,ooAm

with Gruop rewsh ta7n

:)

شحاتة دار اﻻورمان

اﻻعلان دا كان منشور يوم 5 سبتمبر اللي فات ف اﻻهرام
علي روبع صفحة باﻻلوان كدا محترمة

واتكرر نشرها يوم 9/9وأكيد هتتنشر تاني خصوصا أننا رمضان

كل سنة وانتوا طيبين
صورة ﻻ تمتلك اﻻ ان تتعاطف معاها ومع الدار
لكن اول فعلا ما شفت جملة
انه يتيم ومعوق ومحدش عاوزه
تنحت شوية يعني ايه محدش عاوزه ؟
عشان معوق؟
شكل من اشكال استدرار العطف ؟

وﻻ الهدف ترسيخ صورة معينة ف ذهن أفراد المجتمع تخص المعاق؟
انه شخص منبوذ و المجتمع مش بيقبله؟
انا عن نفسي شايفة انه شكل من أرخص أشكال
الشحاتة والتسول
وممكن كمان اتهم الدار باﻻستغلال
استغلال الطفل المعاق واستغلال المجتمع نفسه
بالظبط زي الحاوي اللي في الموالد زمان
وقالك ايه قالك اه
حط ايدك علي صدرها تنور
حط ايدك علي كتفها تكهرب
وحط ايدك يا مؤمن علي قلبك
وانزل خطوة علي جيبك الشمال
وطلع اللي فيه القسمة
كل رمضان وانتوا طيبين

تأجيل النطق بالحكم في قضية اسﻻك نبيه

تم تأجيل قضية الضابط اسﻻم نبيه المتهم بهتك عرض

عماد الكبير الي جلسة 5نوفمبر القادم للنطق بالحكم

وختمت المرافعات بمرافعة محامي المتهم سعيد جميل

الذي غاب عن الجلسة الماضية

ﻻنشغاله بالدفاع عن ممدوح اسماعيل مالك عبارة السﻻم
98
وكرر سعيد جميل في مرافعته بالتشكيك

في مرافعة النيابة وشهادة خبير اﻻصوات

المنتدب من هيئة اﻻذاعة والتليفزيون

علي هامش التحقيق مع ابراهيم عيسي

يتم التحقيق مع ابراهيم عيسي اﻻن امام نيابة أمن الدولة بالتجمع الخامس

وحضر معه ممثﻻ عن نقابة الصحفيين

رئيس لجنة الحريات بالنقابة محمد عبد القدوس

وتم منع الصحفيين من التغطية اﻻعﻻمية للحدث

وتعرض صحفيي ومصوري جريدة الدستور

للضرب من قبل قوات الشرطة

وتم منع المصورين من تصوير حادثة الضرب

كما رد الصحفيين بالاشتباك

مع الشرطة

كما حضر امام النيابة بعض من

مؤيدي المعتقل السياسي ايمن نور

حاملين ﻻفتات التأييد ﻻبراهيم عيسي

وجريدة الدستور بناء علي

رغبة ايمن نور نفسه الذي كان من المقرر

عرضه امام المحكمة في قضية السب والقذف

ضد ياسر بركات اﻻ انه تم منع حضور ايمن نور

بعد دار الخدمات النقابية الدور علي جمعية المساعدة القانونية

قريت الخبر ع الصبح خبط لزق عند نوارة

وعند يا لالالي وكنت شفت الخبر امبارح ف المصري اليوم

ان سيادة محافظ القاهرة الهمام وزير عبعظيم

قرر غلق الجمعية نظرا لتجاوزات مالية منها ان الجمعية حصلت علي تمويل

دون أذن من وزارة التضامن الاجتماعي

يعني هي الحكومة اخدت اذن مين لما بتاخد المعونة؟

ولا المجالس القومية البطيخية لما بتاخد تمويل بتستأذن مين؟

في الوقت نفسه افتكرت مجموعة الاخبار اللي كنت قريتها

عن انشطة الجمعية وكله م الجرايد يعني مفيش حاجة في السر

انا هفتكر بس الاخبار اللي كنت قريتها خلال الاسبوع اللي فات بس

يعني يوم 21أغسطس اللي فات الجمعية تقدمت ببلاغ للنائب العام

مطالبة بتحقيق في مقتل أحد المواطنين داخل حجز قسم عين شمس

افعص هنا تفاصيل الخبر منشورة ف الدستور

وكان قبلها في يوم 17اغسطس طالبت الجمعية مع مؤسسات حقوقية

اخري بالتحقيق في واقعة مقتل طفل 12سنة بديوان مركز المنصورة

بعد اتهامه بسرقة باكو شاي وتم احتجازه مع البالغين ف الحجز

وتعذيبه بل دفنه سرا وتهديد اسرته

وفي 18اغسطس اعلنت الجمعية انها ستتقدم ببلاغ

للنائب العام لرفع الحصانة عن وزير الداخلية بسبب عدم

تنفيذ الحكم الصادر بالافراج الصحي عن أحد السجناء

افعص هنا وهتلاقي خبر عن التقرير اللي أصدرته الجمعية عن

التعذيب ف اقسام الشرطة خلال النصف الاول من اغسطس

وفي البديل هتلاقي خبر عن اتهام الجمعية للنيابة بحماية الضباط

الذين قاموا بتعذيب مواطنين وثبات التهم عليهم

ويوم 24 اغسطس اللي فات برده الجمعية قدمت بلاغ للنائب العام للتحقيق

في واقعة تعذيب سيدة عجوز وابنتيها في حجزقسم شرطة النصر

بالدقهلية

وفي 25أغسطس شاركت الجمعية في الدعوة لتشكيل لجنة

قومية من منظمات المجتمع المدني والنشطاء

من أجل مناهضة التعذيب

ولسه لما يتناقش قانون الجمعيات الاهلية الجديد

في الدورة البرطمانية القادمة بعد ما الحكومة والوزرا

ما يرجعوا من مارينا _اللهم حسد_هي مش هتوقف

عند دار الخدمات النقابية والعمالية

اللنكات من الدفترخانة

تهييسة: لا انا مارد ولا عصفور

عندما خطوت الي خارج السيارة، كان قراري اللامبالاة، فلم اهتم بتأكيدها علي الاتصال غدا لترتيب رحلة السبت، ولا بكلمات وداع صديقتنا الاخري، ولا بتتبع خطوات صديقي الثالث، وهرولته لشراء جريدته، أو بغضبه المختلط بالحزن لعدم اهتمام رئيس تحريره بوضع اسم صديقي علي أحد الاخبار الكروية بالصفحة الاولي، وان كنت استرجعت ما اسهبه بالمقهي عن مدي أهمية الخبر واعتزازه به، فقد كان خبره الاول في الرياضة، ربما لملله من لعبة السياسة. أكتفيت بالقبض علي أحد الكتب لدي بائع الجرائد، تركته بعد أن هززت رأسي كعلامة علي رضاي بموعد لقائنا غدا.
انحدرت مع سلالم محطة المترو، وتأكدت من وضع سماعات "الام بي ثري"-رفيقي الآوحد الآن_ في أذني، هربا من ثرثرة العالم، ورفعت من مستوي الصوت، بل من صوت دندناتي الداخلية، رغم عدم فهمي لمعظم كلمات الاغنية السودانية.
لم أنتبه لكلمات الجالس خلف شباك التذاكر، والحاحه علي بالسؤال لماذا أنا عابسة الوجه؟، لم أبدي دهشتي، حتي حين احتجز باقي نقودي في محاولة يائسة لسماع اجابة، أكتفيت بالصمت فحسب.
لم اهتم بسباق اللحاق بالقطار، وانسابت خطواتي مع درجات السلم الكهربائي، وحين جلست بالقطار افرجت عن كتابي سجين الحقيبة، متجاهلة لكل محاولات اقتحام عنوان كتابي، أو ترديد الواقف أمامي لاسم "لوركا"، حاولت تناسي محطتي وفشلت، وظللت محملقة في درجات السلم أثناء الصعود، ولم أكترث لجري البعض وهرولة البعض الاخر، فقد خلا العالم ...ليس هناك أحد سواي ورفيقي ...ربما خيم السكون والوجوم !!
لم أخف الممر الضيق المظلم الفاصل بين موقفي الميكروباص، لم أحاول تذكر هواجسي السابقة عند كل مرة أعبره فيها، بأن هناك من يتربص بي في الظلام، ولم أتخذ احتياطاتي السائدة بالنظر بعين نحوالأمام والاخري للخلف، والتنصت لكل دبة قدم صادرة عن متتبعي الوهمي.
تلكأت ورجعت للخلف بضع خطوات حتي يكتمل عدد ركاب الميكروباص علي أمل أن اتخذ من مقعدي في الكابينة الامامية بالميكروباص التالي حصنا منيعا لي وحدي، وقد كان، وتخليت عن قراري السابق باللامبالاة، أمام الحاح كل من أراد الجلوس بالمقعد المجاور لي، غير مرحبة بكل من أراد أقتحام وحدتي، سيدة، رجل، ثم فتاة لم تستطع النطق مقابل حسمي للسؤال بكلمة واحدة "لا".
سرعان ما اختلطت بضع خصلاتي بالعرق الجاري علي جبهتي وعنقي، واصطدما بتكاسلي في تجفيفه، رغم كرهي، علي أمل هبوب نسمات باردة، متطلعة لاضواء القوارب السابحة علي سطح النهر، سرعان ما تنبهت لاخر كلمات احدي أغنياتي "الدنيا برد"، الله.. أين هو؟ ومتي يأتي؟ أين هو ديسمبر ولفحاته؟!
اعترضت بعصبية علي اصرار السائق الغناء مع الراديو، فرفعت من مستوي صوت الام بي ثري مرة أخري، مستسلمة لكلمات غنوة أخري " بتبعديني عن حياتك "، مطلقة لخياشيمي العنان مع الصعود علي الكوبري.. محملقة في مفترشي الرصيف، ولبائعي الحمص...منجذبة كالفراش لاضواء السفن الزرقاء، سارحة في لا شئ سوي كلمات أغنيتي.....
"بتبعديني عن حياتك بالملل"
وخليتيني اقول خلاص مفيش أمل "
.......
أخذنتي بالونات الصغار علي رصيف الكوبري....تمنيت غزل البنات المتطاير من الايادي الصغيرة.....اه لو أقلامي الرصاص معي ؟!
لم أهتم باعتراض الدراجة البخارية لعناد لامبالاتي، استمرت تاركة جرحا طوليا علي أعلي ذراعي، ذو الوان حمراء وزرقاء. .....تلاشت الكلمات الساخرة من نهايات أطراف سروالي المطوية، ومن فتحة قميصي القصير، فهكذا دائما،الارواح المتراشقة في زوايا الشارع....

أغريتني بسريري والواني واقلامي الرصاص، فأسرعت خطواتي للعودة، اكتفيت بكلمة واحدة لتحية المستقبلين، والقيت بنفسي المنهكة علي سريري ، مع ادارة المروحة بضغطة سريعة، صرعت ما بقي في الحجرة من هواء الصباح، نازعة قطعة وراء قطعة من ملابسي، وحذائي الشتوي، الملتصق بعناد بقدمي الوحيدة، متحالفا مع كسلي في استبداله،منذ انتهاء الشتاء!!..استغرقت في لامبالاتي بصدمات الهواء البارد لحبيبات العرق علي سطح جسدي، فقد تعايشت مع برد الصيف ..أذن فأنا كائن متعايش مع العالم، ما عدا لامبالاتي،التي نفضتها سريعا حين خذلتني اوراقي واقلامي الرصاص، أردت خط سماء خاوية ، وبحر هادر، فولدت سماء زرقاء تحضنها نوارس، وشمس غافية، وقوارب شراعية !!

واستسلمت أذناي لرفيقي :

شيكا بيكا وبولوتيكا ومقالب انتيكا

ولا تزعل ولا تحزن اضحك برده يا ويكا

هاهاها ع الشيكا بيكا
......انا بضحك من قلبي يا جماعة

مع اني راح مني ولاعة

وبطاقتي في جاكتة سرقوها

وغلاسة كمان لهفو الشماعة.......

.....هاهاها ع الشيكا بيك

اانا راح مني كمان حاجة كبيرة

اكبر من اني اجيب لها سيرة

...........

عشان يمسح منه التكشيرة

ادعوا له ينساها بقي ويضحك

يا حبيبى...يا روحي...يا بيبي

يا شعبي حبيبي يا روحي يا بيبي

يا حاطك في جيبي يا بن الحلال

يا شعبي يا شاطر يا جابر خواطر

يا ساكن مقابر وصابر وعال

يا واكل سمومك يا بايع هدومك

يا حامل همومك وشايل جبال

يا شعبي اللي نايم وسارح وهايم

وفي الفقر عايم وحاله ده حال

احبك محشش مفرفش مطنش

ودايخ مدروخ وآخر انسطال

احبك مكبر دماغك مخدر

ممشي امورك كده باتكال

واحب اللي ينصب واحب اللي يكدب

واحب اللي ينهب ويسرق تلال

واحب اللي شايف وعارف وخايف

وبالع لسانه وكاتم ماقال

واحب اللي قافل عيونه المغفل

واحب البهايم واحب البغال
واحب اللي راضي واحب اللي فاضي

واحب اللي عايز يربي العيال

واحب اللي يائس واحب اللي بائس

واحب اللي محبط وشايف محال

واحبك تسافر وتبعد تهاجر

وتبعت فلوسك دولار أو ريال

واحبك تطبل تهلل تهبل

عشان ماتش كوره وفيلم ومقال

واحبك تأيد تعضض تمجد

توافق تنافق وتلحس نعال

تحضر نشادر تجمع كوادر

تلمع تقمع تظبط مجال

لكن لو تفكر تخطط تقرر

تشغلي مخك وتفتح جدال

وتبدأ تشاكل وتعمل مشاكل

وتنكش مسائل وتسأل سؤال

وعايز تنور وعايز تطور

وتعمللي روحك مفرد رجال

ساعتها حجيبك لايمكن أسيبك

وراح تبقى عبره وتصبح مثال

حبهدل جنابك واذل اللي جابك

وحيكون عذابك ده فوق الاحتمال

وامرمط سعادتك واهزأ سيادتك

واخلي كرامتك في حالة هزال

وتلبس قضيه وتصبح رزيه

وباقي حياتك تعيش في انعزال

حتقبل ححبك حترفض حلبك

حتطلع حتنزل حجيبلك جمااااال

======================

ملحـــــــــوظة

قلنا نعيش مع الكلام مجهول الصاحب زى ما قالت شـــهـــروزة

واتنشر عند

Rivendell

وشـــهــــروزة أخدت تصريح من اللى نشرته

وحبينا نعيـــّش الشعب فيه

وخللى الشعب يعيش

يا فقرك يا مصر : بعد أكفل يتيما أكفل أسرة بحالها

الكلام مش جايباه من عندي دا اعلان منشور علي جنب كدة ف الاهرام

في عدد امبارح 19/أغسطس

صحيح انا تنحت لما شفت الاعلان بس بعدين قلت هو انا مستغربة ليه ؟

دا احنا في ازهي عصور المهلبتية من المهلبية مش من التهليب احسن تفهموا غلط

وبالتالي مفيش داعي للدهشة فعلا، فقلت لما اشوف حالة فقرنا مثلا ف الجرايد

هحاول اختصر واحط لنكات بس واخد الجرايد من أول الشهر دا بس اغسطس يعني

يلا هي طالبة نكد اسمحوا لي انكد عليكم

دا تقرير دولي لمركز معلومات البنوك وبيتكلم عن حالات الاقتراض

بين الحكومات العربية وان مصر بتاخد من البنك روبع القروض المخصصة للمنطقة العربية كلها

ونصف القروض المخصصة لشمال افريقيا وكمان مصر بلا فخر

اكبر مقترض من البنك عموما وان الفقر طال 40%من المصريين عام 2005

يعني حوالي 28 مليون ومنهم اكتر من 13 مليون تحت خط الفقر

مع ان الاستثمار الاجنبي زاد من 500مليون دولار الي 1و6مليار دولار

اللهم حسد

بيع المصريين لعيالهم وتصديرهم كمان

دي بقي لا مؤاخذة خطة الحكومة لحصار اللي اسمه ايه دا سي فقر

دراسة بتقول أن بيتم قتل 41 سيدة شهريا وان 80%من ضحايا السيدات

ضحايا العنف فقيرات

مش حقدا ع الاغنيا ولا حاجة بس فعلا الارقام خضتني

دا غير ان كل الناس اللي اعرفهم وقابلتهم مش من ضمن الرقمين الاول والتاني

وجود 100 ألف مليونير و91 ملياردير في مصر وان 50%من الشعب الحمد لله تحت خط الفقر

التحقيق بعنوان ناس هايصة وناس لايصة افعص هنا

دي طفلة شبر واقطع مصرة انها بياعة مش شحاتة يا تري كان حلمها تبقي ايه؟

دا بقي تحقيق البديل عن حوجة المصريين وبيعهم لاولادهم

باقي التحقيق هنا

دا خبر عن خريطة الفقر في مصر

دي عيلة عائلها مرفود من شغله ومريض

وكل حلمه فرصة عمل

دا بقي معرفش يتجوز فانتحر يلا كدا كدا منتحر

من أسباب ارتفاع معدلات الفقر في سوهاج مثلا

هنا عن فقرا منشية ناصر الحكومة رفضت تسلمهم المساكن البديلة

رغم انها تبرع من الشيخ زايد يعني الحكومة مش هي اللي خصصتها

لهم م الاساس هي بس حبت تلهفها

بصراحة انا تعبت من كتر اللنكات انا هريح نفسي والطع هنا لنك ملف الفقر من كل الجرايد المصرية

لاطشاه من موقع الدفتر خانة اللي اخدت منه كل اللنكات اللي فاتت

افعصوا هنا اللنك وعيشوا

الباب المغلق

باب شقة صغيرة في الطابق الاول بحي الظاهر يسكنها الاستاذ موريس، محاسب في أحد البنوك وزوجته مدام جانيت التي تعمل في مدرسة لغات، الاثنان تجاوزا سن الانجاب دون أن يكون لهما ولد، في العمارة بواب من أسوان يسكن أسفل السلالم، توفيت زوجته وتركت له أبنة وحيدة صغيرة هي هدي، التي كانت تشتري للسكان وخاصة للأستاذ موريس حاجاته من المحلات القريبة.

موريس وجانيت أحسا بعطف علي هدي التي لا تطلب شيئا وتبتسم منبهرة من اي شيئ تتلقاه. هدي كانت تجلس في ساعات العصر في صالة الاستاذ موريس علي حافة فوتيه تتفرج علي التليفزيون، وتأكل من الموجود، وأحيانا تبيت علي أرض الصالة اذا عرض فيلم عربي طويل أو مسرحية، ولم ير أبوها في ذلك مشكلة، فالشقة في الطابق الاول بجوار السلالم، و الاستاذ موريس رجل طيب وكبير في السن، والبنت طفلة صغيرة في السابعة.

وذات يوم، يموت أبو هدي وينتبه سكان العمارة فجأة الي أنهم لا يعرفون للرجل بلدة ولا أقارب ولا عناوين، بل لا يعرفون حتي أسمه بالكامل! ويتولي "ولاد الحلال" دفنه، وتبقي هدي في صالة الشقة تبكي بعين وتتابع لقطات الافلام بعين، ويطيب الاستاذ موريس ومدام جانيت خاطرها بالكلمات وقطع الحلوي. يوما بعد يوم، أصبحت اقامة هدي عند الاستاذ موريس أمرا مسلما به تقريبا. وشيئا فشيئا ينتقل الكلام في الشارع من محل المكوجي، الي محل البقالة الي دكان العصير، ثم الي المقهي، والي البيوت وسكانها: الاستاذ موريس واخد البنت الصغيرة وح يخليها نصرانية! ح يعلمها علي طريقتهم! وينصحه زميل له بأن يطرد البنت لكي لا يصبح بقاؤها عنده مثار مشكلة.

الاستاذ موريس ضميره يعذبه، كيف يطرد طفلة الي الشارع وهي بلا أهل ولا سند ولا أقارب، لكن النظرات التي تلاحقه علي امتداد الشارع تجبره علي اتخاذ قراره، رغم دموع زوجته، لكن ماذا يقول للبنت؟ يناديها ويشرح لها أنها لا تستطيع المعيشة عنده أكثر من ذلك وأن عليها أن تغادر الشقة، البنت تبكي ولاتفهم، مرة، وأخري ثم يجذبها من ذراعها بالقوة ويضعها خارج باب الشقة، البنت ملتصقة بالباب المغلق تخمشه كالقطة تبكي: أنا زعلتك في حاجة يا عم موريس؟ والنبي دخلني. وتفر دموع عم موريس وراء الباب المغلق يقول: ما أقدرش يا بنتي ...والعدرا ما اقدر. والنبي..والباب مغلق وخلف كل ناحية شخص وحيد.

دا كوبي من مقال الباب المغلق لكاتبها محمد منير مجاهد، والقصة اللي فيه حقيقية وصلت للكاتب بالبريد، ومنشورة في جريدة البديل بتاريخ 8 أغسطس اللي فات، انا قريت المقال بالصدفة، بس وقفت عنده كتير، يمكن طول التلات أيام اللي فاتوا فضلت افكر فيه من غير ما أحدد انا عاوزة اقول ايه عنه؟ فكرت اكتب عن المقال من بعيد لبعيد، او اني اكتب عن ولاد الشوارع، او اي حاجة من هذا القبيل واربطها بموضوع المقال، لكن فضلت ان احطه زي ما هو كدا ع الزنزانة

.

عاااجل محاولة اختراق موقع أبناء مصر

تعرض اليوم موقع ابناء مصر ل16 محاولة

اختراق خﻻل أقل من ساعة ، في محاولة

من أمن الدولة ﻻغﻻق الموقع

نظرا لتغطيته المتميزة لجلسة اليوم من

المحاكمة العسكرية ل 40 من كواد الاخوان المسلمين

هذا ويناشد القائمون علي موقع أبناء مصر

المدونيين سرعة نقل اﻻخبار والصور والملفات الصوتية الخاصة بالتغطية

من علي الموقع ونشرها

الخبر من عند ياﻻﻻلي

احتجاز مواطن وتعذيبه في قسم شرطة الهرم

تحديث

تم الافراج عن محمود لطفي

في السادسة ونصف مساءا من مقر نيابة

السادس من أكتوبر

** * *** ** *
أثناء تجوال حملة من ضباط قسم الهرم علي المقاهي بمنطقة فيصل

في السادسة ونصف من صباح اليوم

تم أقتياد كﻻ من باسم مغربي(18سنة)و محمود لطفي حسن محمد

(26سنة)وحاصل علي ليسانس حقوق

الي قسم شرطة الهرم بعد أن طلب احد ضباط القسم تحقيق الشخصية من الاول

ثم صفعه وركله، فتدخل الثاني الذي اعترض علي ضرب صديقه

وأن الضرب ضد القانون ، فتم أقتياد اﻻثنين معا الي قسم الشرطة

وبعد ساعات تم اﻻفراج عن المواطن اﻻول باسم مغربي

فيما أنكر ضباط القسم وجود المواطن الثاني محمود لطفي

بعد أن سبق و أكدوا وجوده وانه لن يخرج اﻻن ﻻنه "قل أدبه علي الباشوات"وفقا

لشهادة زميله أكد أن أخر مشاهدة له ل محمود كان مهشم الوجه والدماء تغطيه

ما يعني أنه ربما تعرض للضرب والتعذيب علي أيدي قوات الشرطة


وﻻزال قسم شرطة الهرم ينكر وجود المحتجز بذريعة أنه تم ترحيله

الي نيابة أكتوبر التي لم يستدل علي وجود المحتجز بها

هذا وقد طالب بعد أفراد عائلة المواطن المحتجز بدعم

منظمات المجتمع المدني وحقوق اﻻنسان لسرعة

للأستدﻻل علي ابنه م خوفا من

خروجه جثة هامدة من قسم الشرطة

نظرا لما يحظي به قسم شرطةالهرم من
كثرة قضايا التعذيب به

حاكم

بما أني مش من دواير مجتمع اليسار ولا حاجة، ولا حتي من دواير الكتاب والباحثين الاجتماعيين المشهورين،و

مش زي ناس كتير يعرفوه من سنين، يعني ولا هقدر احكي عنه لما كان في بلده دمياط، ولا لما جه جامعة

القاهرة ، ودور علي بقايا الثوريين فيها، ولا عندي ذكريات احكيها عنه لما طلع وهتف ضد الظلم ، في 1984، في

مظاهرات الجامعة، انا بس عرفته اخر كام شهر فاتوااا، اول مرة قابلته ف اول ديسمبر اللي فات، كان انترفيو

شغل، قابلني وانا بدخل من باب المكان وهو خارج وضربت لخمة لاني كنت هخبط فيه ، شكله اواخر تلاتينات

قميص لبني ،وله شعر ابيض، لكن وسيم جداااا ودا اكتر حاجة لفتت نظري، جاكت علي ايده اليمين، وشنطة أوراق

سودا ف ايده الشمال، وبعد شوية سمعت صوته، قلت الله هو لسه في رجالة بالرقة دي؟ ودار بنا الحوار دا؟

انا: لا مؤاخذة يا فندم
هو: ولايهمك، انتي جاية عشان الانترفيو؟
انا: أه
هو تراجع خطوات لورا عشان ادخل م الباب، وكمان رجع ف كلامه ومخرجش وقف يكلمني خمس دقايق.

هو: انتي تعرفيني؟
انا: (مندهشة من السؤال) للأسف لا

هو: بس انا متأكد أني شفتك قبل كدا، أحنا اتقابلنا بس انا مش فاكر فين؟

كان بيتكلم بصدق شديد جدااااااا

أنا (قلت دا بيشتغلني؟ ولا بيظبط؟) قلت له للأسف انا اول مرة اقابل حضرتك،في زهايمر بس فاضل عندي بواقي.

هو: ضحك جامد جدا، وقال زهايمر انتي عندك كام سنة؟ أمال انا اقول ايه؟

وشفت اسنانه كمان ،( بحب اشوف اسنان الناس لما يضحكوا)مكنش قدامي غير اني ارد الضحكة بضحكة تانية مسخرة.

هو: طب بتقري جرنال الدستور؟

أنا : لا انا مقاطعة جرايد من فترة، بس ساعات تخاطيف

قال : طب ابقي اقري العدد الجاي كويس، عشان همتحنك فيه؟

انا : تنحت بما انى مفهمتش، وهزيت دماغي ب أوك

بعدين سألته اني متشرفتش باسم حضرته ، قدم نفسه ، وانا كمان، وبعدها قال: احنا هنشتغل سوا.

انا: الله اعلم دا لسه انترفيو بس

.
هو : لا هنشتغل.

خرج، ومهتمتش بكلامه، غير اني جبت عدد الدستور، وفليته وقريته، اه العدد كان كويس..بس عادي

فين وفين بعدها لما فهمت انه بيكتب فيه

وبعدها بأسبوع جالي تليفون ان هبدأ اشتغل معاه، مساعد باحث.

كنت بقاوح ساعات معاه وشايفة انه دلوع خالص وسط الناس ، وكنت بتأخر كمان ف تسليم الشغل، كان

بيشجعني ع المقاوحة، ويفضل باصص لي بعنيه ويهز ف دماغه وانا بتكلم وكأنه بيقول اه كملي انتي مكسوفة

ليه؟ لما كنت بتأخر ف تسليم شغل كنت بتجنب اكلمه ع التليفون بما انى عاملة عملة سودا، بس هو كان

بيعرف يجيبني من قفايا، ويقولي ها ايه الاخبار يا هانم؟ امنع نفسي م الضحك بالعافية، واحكي له عن

التفاصيل، يقولي طب ما دا كويس ابعتيه، اقوله لا دا درافت اول ، ولازم اعدله، يقولي لا انا عاوز الخام اللي اول

ما تبدأي تكتبي يطلع ف ايدك، ابص عليه وبعدين نعدل، ارضخ لطلبه، ف الغالب لما كنت بكتب

حاجة، واعمل درافت اول وتانى، وبعدين الشكل النهائي، ارمي الدرافت كله، هو اقنعني بشكل غير مباشر،

اني احتفظ به. ساعات ينكشني انا وعبد الله فيقول مقررة عليكم تقروا مقالي ف الدستور وهناقشكم فيه كمان.

لما كان بيقول تعالي انتي وعبدالله البيت نكمل شغل، كنت اقول لعبدالله ، لا بقي دا بيدلع جامد، انا مش هقدر

اخبط المشوار دا، واعتذر له، عبدالله يروح لوحده ، ويجي بعدها نتقابل ف المكتب، مفيش حد يعمل شاي، اروح

انا اعمله ، جمال يسأله يحب ياكل ايه؟ وكمان لو مش معاه سجاير، ممكن اتصرف انا وعبدالله، اللي يقولي

اهو ما انتى بدلعيه امال ساعات بتتهمينا اننا بندلعه ليه؟ جمال كان بيدخل هو وسالي ويقول انتوا معاكوا

بسكوتة، لازم يدلع طبعا، بما انه من أرق البشر اللي ممكن تتعرفوا بيهم.مرة طلع نسبة خطأ ف جدول الاكسل

للي عملته لرصد نتائج بحث عن حاجة، بعدها فهمت منه انه استخدم طريقة تانية للبحث، واني أنا مش عندي

خطأ استنادا للطريقةاللي استعملتها، وهو كمان صح ف طريقته، بس هو كان نفسه يوصل للكمال، مع

تفادي نسبة اي خطأ، لما قاوحت معاه وقلت أن البحث العلمي أعطي الباحث الحق في نسبة خطأ مشروع واحد ف

المائة، رد عليا بالضربة القاضية، أزاي هو قضي كام شهر زيادة ف رسالة الماجستير بتاعته هي عن الريف والمدينة ف

بدايات القرن التاسع عشر، والمفترض انه كان بيحسب فيها ملكية الفلاحين للأراضي، وكان بيحسب الارض

بالسهم وبعدين يحولها بالافدنة، كان في سهم واحد مدوخه مش عارف السهم دا راح فين؟ وفضل وراه مش عارفة كام شهر

عشان يعرف هو اتلخبط ف الحساب؟ ولا كان في مخطوط مش لاقيه؟ وفعلا قدر يوصل بعدها السهم كان فين؟

لاقاه متقسم علي كدا فدان عند تقسيم حدود الاراضي، بس هو وصل له ورفض فكرة الواحد ف المائة خطأ مشروع.

ف تدريب شارك فيه فريق البحث كله، كنت بستأذنه قبل ما أسأل الضيوف ، كان يقولي اوك بس برقة شوية، وشافني مستلمة

حد م الضيوف وهو واقف مستني الغدا وماسك الطبق ف ايده وانا بتناقش معاه عن سياسة المؤسسة التي ينتمي اليها في

حماية حقوق الملكية الفكرية، حاكم جه، وأستأذني من الراجل، وقالي: فين الرقة؟ انتي مش بتسأليه انتي بتحققي معاه ، فرمتيه

حرااام عليكي ، الرحمة حلوة ...يلا نتغدي، قلت له اوك تاكل أم علي؟

فعلا من أرق البشر .

ملحوظة:
غنوة يا جميل الصورة لداليدا، أهداء ل حاكم .
الصورة من سلمندر وصلتني النهاردة .

الحقيقة أسمها مصطفي : بنتولد فرحانيين ..بنتولد قرفانيين

اول ما شوفت الصورة علي طول أفتكرت اغنية منير

بنتولد طاهرين ..شبعانيين ..بنتولد متلهفين علي صدر أم وكتف أب مرتاحين

واخد لي باللك من مرتاحين دي؟

أنا اضطريت اقول بنتولد مزنوقين علي

المعبر متبهدلين

كملوا الاغنية أحسن من ع البلوج

دي صورة مصطفي أصغر العالقين علي معبر رفح

أتولد في بيت فلسطيني علي الجانب المصري من المدينة

يوم 15يوليو اللي فات

بعد بنتولد جات في دماغي غنوة

بريء يا قلبي برئ

زي الطفل البرئ

برئ كقلب أمي

برئ برئ يا قلبي برئ

زي الحليب والزهور

أعدي نيل ورا نيل يقابلني سور ورا سور

برئ لكن غريب مع أحلامي اللي جاية

برئ برئ

ومين مالوش خطية

برئ برئ

ايوة انا عارف اسمي لكن مين سمانى ؟

مين اللي اختاره امي ولا ابويا وجيراني ؟

انا اسمي الحقيقة

مش فاكرة باقي الغنوة ودورت عليها عندي مش لا قيتها

لكن فاكرة جملة

وازاي هتكره ما دمت شايف بكرة؟

يا تري مصطفي شايف فعلا بكرة؟

و شايفه أزاي؟

الصورة هدية من يالالالي

اضطريت ارفعها وارجعها باللوجو

عشان حركات اللطش واللهف

خصوصا من الصحفي اللي عارف نفسه

واخد لي بالك؟

يا تجاتك يا عربي ..حسبي الله فيك

التاج دا من عربي بن ابا الحاج قمحاوي اه والله وبقالي اسبوع اسمع من البت شهروزة ان في تاج

ليا عنده وكل ما أدخل ع البلؤ ملاقيش غير بوست القرأنيين ، أقراه وأنسي التاج

معلش للسن أحكام ، ولسه حالا برده شهروزة قالت لي ع التاج وفضلت توصف لي

حارة جوا حارة جوا زقاق و ف اخر عاطفة يمين لاقيت نفسي خبط لزق قدام التاج

اللهم لا اعتراض ، اللهم لا راد لقضائك ولكني أسألك اللطف فيه

يلا زي بعضه بما ان عربي وعدني بدستة جاتوووه طبعا هيجيبها من عند العبد

بس خلي بالك مش بحب المايفيه ولا الحبشتكنات دي اللي من غير شيكولاته او كريز

احب شخص لقلبك ف الدنيا ؟

مامتي

انسان مستعد تضحي بحياتك -ركز ف كلمة حياتك - عشانه؟

أي حد يستاهل فعلا

انسان كرهته لدرجه الجنون وتمنيت لو تمسك سكينه وتنقض عليه وتغرزها

ف قلبه تقتله وتقف تبص لجثته وتشفي غليل قلبك؟

محدش وصل للدرجة دي غير واحد

بس اكيد مش انا اللي هنفذ

ما هو اجمل كتاب كراته لبشر ومحتفظ به حتى الان ؟ انت متعلق بيه وبتقراه كل فتره؟

هم مش واحد هم تلاتة

الامير الصغير كان هدية من صديقة و للأسف نسيته ف مكان

توم سوير

والعين التالتة ودا بيتكلم عن كاهن بوذي من التبت

اهم جهاز منزلي انت متعلق بيه او بتستخدمه كتير؟اهم جهاز منزلي انت متعلق بيه او بتستخدمه كتير؟

للاسف معنديش غسالة صحون

مكنة الاكسبرسو والكمبيوتر

شئ تحس بالراحه النفسيه لما تنظر اليه ؟

كرات التلج ف عز ديسمبر

مكان تحس فيه بالحنين الى شئ لا تدري ما هو وذكريات جارفة الى لا شئ؟

وماتشات تنس الطاولة مع صحابيDi Garda غابة

عشان نعوم ونصطاد سمكmonticollo بحيرة

اجمل مدينه زرتها داخل مصر؟

اسكندرية خصوصا الكورنيش عند جليم

اجمل مكان طبيعي رايته داخل مصر؟

ذهب بس اكيد اجمل مكان انا لسه مشوفتوش

زي سانت كاترين نفسي اروح وأطلع الجبل كمان

شخصية كارتونية بتحبها؟

شريك

نوع هاتفك المحمول ؟

نوكيا للأبد بس مش عارفة نوكيا كام

si لان مبفهمش غير ان الموبيل يرن وانا أغلط واقول

سرعة بروسيسور جهازك؟

لا معرفش المهم أنه شغال

حجم ذاكرة هارد جهازك؟

40 ومش هغيره

المساحة التي تشغلها المواد الاسلامية ع جهازك؟

أشمعني؟

نفس المساحة السالف ذكرها ف قلبك-الاجابة لنفسك علشان الرياء يا اخوانا؟

مش مهم، لان العلاقة مع الله علاقة خاصة وممكن اعتبرها سرية كمان

اهم هدف انت حاطه لحياتك دلوقتي؟

أحب أحتفظ به لنفسي

مواصفات فتى احلامك؟

مع كامل الاحترام للأخوة المجاهيل اللي بيظبطوا

هنا وعلي مراجيح

أنسان

وعنيه حلوين (كله يبص ف المراية قبل ما يقابلني)واصحاب العيون الملونة

ميحاولوش التجربة أثبتت فشلها معايا

بس لازم يكون دمه خفيف :) هههههههههه

شعورك لما تسمع كلمة مصر؟

علي حسب لو براها بتكون وحشاني

لو جواها عادي

لما تسمع كلام عن اليهود؟

ولا حاجة

لما تشوف ظابط شرطة ؟

ولا حاجة انسان زيي زيه

طالما مش بيقل أدبه ع الخلق

لون البطانية اللي بتتغطى بيها ف الشتا؟

اللي ع السرير لونها لبني وازرق زي البحر كدة

اما التانية اللي ببقي سحباها قدام التليفزيون برتقالي وبحبها اكتر

لون الجورب او الشراب المفضل لديك؟

هو بصراحة معظمهم بينك وأخر اتنين بحبهم كانوا هدية

من البت ماريا

افكارك تجاه شاب ماشي ف الطريق لابس جلابية بيضاء قصيرة

وعمامة وله لحية وبجيبه سواك وف ايده مصحف؟

ولا حاجة هو حر

احساس يراودك ف اشارة مرور مغلقة بسبب مسئول كبير ؟

بقي عادي كل يوم بتزنق في شارع القصر العيني بسبب اللي رايحين

وجايين ع البرطمان المصري

مين اكتر ست اشخاص بتحبهم؟

لو من خارج القبيلة هم عارفين نفسهم

هل انت سعيد؟

احتمال

لو اجتمعت انت وحسني مبارك ف مكان واحد هتعمل ايه؟

الله أعلم

لو معايا مليون ونص هتعمل ايه؟

أول حاجة هشتري كاميرا أحسن من اللي ضاعت مني

عشان أسلفها للواد تاح لانه مش هيوافق اديها له هدية

تاني حاجة الواد زيكو يتقدم لهند صبري اللي وجع دماغي بيها

بعدين انا تذكرة طيران و بس

بتحب مصر ؟

وليه لا؟

انت مسلم؟

وأنت مالك ؟ دا سؤال عنصري جدا

ليه؟

لاني ضد تصنيف البشر حسب دينهم وكمان قلت قبل كدة العلاقة مع الله خاصة جدا

مين اكتر شخصية متقدرش تستغنى عنها ؟

كل اللي بحبهم ويحبوني ولو أن كتير شخصيات مش بتحبها

ولا تكرها لكن متقدرش تستغني عنها

ايه اكتر موقف محرج؟

مش فاكرة بس في موقف ف عيد ميلادي قبل اللي فات

كان في ناس كتير جدا وكان في مجموعة أسبان

وقالوا ان في تقليد لازم اعمله أني اسلم علي كل الرجالة الموجودين ف الحفلة

بس سلام من العيار التقيل انا كنت ف روبع هدومي

الامنية اللي تتمنى تحققيها؟

هو في كذا حاجة بس واحدة بس ممكن اقولها

ان قبل نهاية السنة دي أروح ازور اصحابي ف مكان بعيد

التاج يتمرر لمين ؟

اللي هيهرب فيهم هوريه

XXE

تاح

شهروزة