بعد الاعتذار لجبهة التهييس الشعبية بما انى لطشت منها
العنوان دا بس انا عارفاها كريمة من يومها
بصراحة ملقتش عنوان تاني ممكن احطه
خلاص اتقبض علي منعم م المطار
اول امبارح كانت التليفونات شغالة طول الليل من بعض
الاصدقاء الاخوانجية من المدونيين
(أحسن حد يفهم غلط اني انضميت للجماعة)
هنعمل ايه عشان التضامن مع منعم
اول كلمة طلعت اعتصام الي ماشاء الله
ونزل الاعلان وقبله كان التفاوض مستمر وبعد الاعلان كمان
تخيلوا ؟ تفاوض ومع مين ؟
مع قيادات لا مؤاخذة الاخوان
اه الاخوان اللي منعم بينتمي لنفس اتجاههم وكمان تنظيمهم
يعني مش كريم اللي بالنسبة لهم عياره فلت وخرج عن الدين
منعم اللي خلا في حاجة اسمها مدونيين اخوان
دا غير عمله الاعلامي اللي وصل به صوت الجماعة لاماكن مكنوش يحلموا بيها
واللي مطاردته تمت واعتقاله بسببه مش لانه مدون
لا ادعي اني روحت الاعتصام
لكن لحقت العرض اللي محصلش من الاخوان في الدور الرابع
العدد محصلش وحشد هائل من البشر
علي راي صديق اخواني اتفشخر وقال احنا ف القاعة
جايبين أسر بحالها
جايبين ؟ يا لهويييي
طب القطيع ...اسفة علي استخدام اللفظ
قصدي الناس دي كلها مكنتش ليه في مظاهرة الكيبوردات؟
-مع احترامي ان نزول الناس الشارع دا اختيار
يحدده قناعات الفرد نفسه-
اللي كانت ف الاول اعتصام الي ماشاء الله
واتسخطت الي مظاهرة
ثم كشت ونزل عليها التخفيض وبقت وقفة رمزية
طالما انتوا قادرين علي حشد الاسر بكاملها ولا القطيع
بلاش نناقش الناس كانت فاهمة جاية ليه؟ ولا فاهمة ايه؟
مكنش ليه في الحشد الهائل دا
تحت علي سلالم النقابة؟
سألت صديق اخواني بلاش اجيب سيرته
لان الكارنية بتاع الجماعة هيتسحب منه قريب
بما انه نزل من غير تكليف كذا مرة للمشاركة ف الاحداث
احداث المظاهرات واعتصام التحرير
سألت الصديق هو الناس دي مكنتش موجودة ليه؟
رد زميل تاني : أصل مكنش في امر تكليف من الجماعة
للاخوة بالنزول !!
انا بس كان نفسي اعمل حركة استحالة كنت اتخيل ف يوم انى اعملها
....اه هي دي
هو خبر مطاردة منعم وتهديده وبعدين اعتقاله
لا تستحق من الاخوان النزول للشارع؟
ولا هو في تربيطات وحسابات تانية للجماعة مع النظام؟
يعني لو في تربيطات وحسابات كانوا اتفضلوا وشرحوها
لمنعم اولا وكانوا اخدوه من ايده وسلموه لامن الدولة
ووفره عليه رعب المطاردة والخوف من انه يتمسك في اي لحظة
ويشرحوها كمان مرة للأخوانجية المتهورين
اللي نزلوا الشارع من غير أمر تكليف
واللي هيتسحب منهم كارنيه الجماعة قريب
وكانوا كمان شرحوا تربيطاتهم لباقي الناس
اللي بدأت تشتغل وتتحرك للتضامن مع منعم
اقروا عند بن عبد العزيزبما انه اخواني سابق
علشان تفهموا اكتر هيفيدكم احسن منى
ولو مش عاوزين تفهموا ممكن تكتفوا و تحسبنوا
مع ميت وهذا أضعف الايمان
مليش نفس احط صورة
كفاية صورة منعم مالية كل المدونات
اقروا بيان الشبكة العربية لمعلومات حقوق الانسان
العنوان دا بس انا عارفاها كريمة من يومها
بصراحة ملقتش عنوان تاني ممكن احطه
خلاص اتقبض علي منعم م المطار
اول امبارح كانت التليفونات شغالة طول الليل من بعض
الاصدقاء الاخوانجية من المدونيين
(أحسن حد يفهم غلط اني انضميت للجماعة)
هنعمل ايه عشان التضامن مع منعم
اول كلمة طلعت اعتصام الي ماشاء الله
ونزل الاعلان وقبله كان التفاوض مستمر وبعد الاعلان كمان
تخيلوا ؟ تفاوض ومع مين ؟
مع قيادات لا مؤاخذة الاخوان
اه الاخوان اللي منعم بينتمي لنفس اتجاههم وكمان تنظيمهم
يعني مش كريم اللي بالنسبة لهم عياره فلت وخرج عن الدين
منعم اللي خلا في حاجة اسمها مدونيين اخوان
دا غير عمله الاعلامي اللي وصل به صوت الجماعة لاماكن مكنوش يحلموا بيها
واللي مطاردته تمت واعتقاله بسببه مش لانه مدون
لا ادعي اني روحت الاعتصام
لكن لحقت العرض اللي محصلش من الاخوان في الدور الرابع
العدد محصلش وحشد هائل من البشر
علي راي صديق اخواني اتفشخر وقال احنا ف القاعة
جايبين أسر بحالها
جايبين ؟ يا لهويييي
طب القطيع ...اسفة علي استخدام اللفظ
قصدي الناس دي كلها مكنتش ليه في مظاهرة الكيبوردات؟
-مع احترامي ان نزول الناس الشارع دا اختيار
يحدده قناعات الفرد نفسه-
اللي كانت ف الاول اعتصام الي ماشاء الله
واتسخطت الي مظاهرة
ثم كشت ونزل عليها التخفيض وبقت وقفة رمزية
طالما انتوا قادرين علي حشد الاسر بكاملها ولا القطيع
بلاش نناقش الناس كانت فاهمة جاية ليه؟ ولا فاهمة ايه؟
مكنش ليه في الحشد الهائل دا
تحت علي سلالم النقابة؟
سألت صديق اخواني بلاش اجيب سيرته
لان الكارنية بتاع الجماعة هيتسحب منه قريب
بما انه نزل من غير تكليف كذا مرة للمشاركة ف الاحداث
احداث المظاهرات واعتصام التحرير
سألت الصديق هو الناس دي مكنتش موجودة ليه؟
رد زميل تاني : أصل مكنش في امر تكليف من الجماعة
للاخوة بالنزول !!
انا بس كان نفسي اعمل حركة استحالة كنت اتخيل ف يوم انى اعملها
....اه هي دي
هو خبر مطاردة منعم وتهديده وبعدين اعتقاله
لا تستحق من الاخوان النزول للشارع؟
ولا هو في تربيطات وحسابات تانية للجماعة مع النظام؟
يعني لو في تربيطات وحسابات كانوا اتفضلوا وشرحوها
لمنعم اولا وكانوا اخدوه من ايده وسلموه لامن الدولة
ووفره عليه رعب المطاردة والخوف من انه يتمسك في اي لحظة
ويشرحوها كمان مرة للأخوانجية المتهورين
اللي نزلوا الشارع من غير أمر تكليف
واللي هيتسحب منهم كارنيه الجماعة قريب
وكانوا كمان شرحوا تربيطاتهم لباقي الناس
اللي بدأت تشتغل وتتحرك للتضامن مع منعم
اقروا عند بن عبد العزيزبما انه اخواني سابق
علشان تفهموا اكتر هيفيدكم احسن منى
ولو مش عاوزين تفهموا ممكن تكتفوا و تحسبنوا
مع ميت وهذا أضعف الايمان
مليش نفس احط صورة
كفاية صورة منعم مالية كل المدونات
اقروا بيان الشبكة العربية لمعلومات حقوق الانسان
6 comments:
بس ده كان متوقع من الإخوان يا رندا.
الإخوان كأفراد فيها ناس هايله، بس كجماعه، زيها زى غيرها، بتاعة مصلحتها يعنى
المشكله إن زى مانت قولتى، إن الولد أعتقل علشان إخوان مش علشان أى حاجه تانيه. نفسى بقى أسمع كلمه فى حقه من أى واحد من القيادات إلا كلهم هس
أولاً أنا حاسس بالأسف أن وصلت حضرتك هذه الصورة
ثانيا : تعليقاً على BeLiEvEr
كان حد قال حاجة على نائب المرشد
الأمر مش كلام :-)
عادي ده طبيعي بس في حاجه يا جماعه يعني دول جمااااعه في مواجهة دوله يعني ازاي حبه علي عصابه العادلي ... عصابه! انا قلت عصابة قصدي مليشيات الداخليه
تحياتي
معشي يارندا ، انا شايف الموضوع من زمان
لكن حقيقي ماكنتش قادر أرد لأني كنت بعيط
المهم
طبعا مافيش كارنيهات ولا حاجه ، ثانيا عدم إشتراك الجماعه في الوقفه ده موضوع كبير جدا
أولها إننا أساسا لم ندعي الجماعه لحضور الوقفه
إذا هنا ليس عليهم حرج ، كل الخطأ فقط إنهم منعوا أشخاصا من الحضور ، بعد أن أعلموهم
فيه حاجه تانيه إن المكلفيين إلي كانوا حضروا الندوه بتاعت عبد القدوس كانت عشان الندوه ثم إننا خلصنا الوقفه بدري جدا وهمه جم بعدها ، إحنا خلصنا حوالي الساعه 6.15 والندوه بدأت حوالي الساعه7
وتقريبا الجموع بدأت تتوافد حوالي الساعه 7.15 أصلا
ولكن فيه نقطه تانيه
فيه ناس غدرت بينا وإحتمال كبير يكونوا أمن
ودول لازم نفضحهم
يا جماعه صحصحوا بقا انتو ده كلو مفهمتوش الاخوان ماششيين ازاي !!
يا جماعه منعم مش اول واحد يعتقل من الاخوان واذا كان الموضوع ليكم جديد فليهم هما مش جديد وفي ناس مترميه ياما هناك !!
تكليف بقا مش تكليف دي حرية فكر كامل بيسير علية جماعه ولما واحد يتكلم وهو مش فاهم الفكر ده (ومش هيفهمه لو عرف شويه منه لازم يعرفه كله ) هيبقى بيطعن عالفاضي
واحنا في وقت مش محتاجين طعن فحد
اقدر الظروف
وشكرا
معلهش يا جماعة الاخوان عمرهم ما واجهوا مواقف فيس تو فيس كلام مجرد كلام وافعال لا ما تتوقعوش منهم اى تصرف ايجابى خصوصا انهم داخلين على انتخابات الشورى اللى نازلين فيها مش عاوزين يقفوا ضد الحكومة حاليا علشان لحتمال يكسبوا كام مقعد فى الشورى ده اقصى امالهم فهمتوا الفولة العملية مصالح وبس لكن الوطنيين والاحرار والبلد كلها دى بعدين نبقى نفكر فيها ويجعله عامر
Post a Comment