يا تري بكرا الصبح هبدأ اليوم ازاي؟
هفتح الكمبيوتر قبل ما اغسل وشي
ولا طناش؟
صحيح اليوم مش هيقف ولا هيتلخبط
وهيمشي زي ما انا مخططة
لكن كل الحكاية اني هشرب فنجان الكابوتشينو اللي بحبه
من غير شوية الكاكاو بالتوت اللي علي وش الفنجان
هفضل معظم اليوم اخرج من مكتب لمكتب
من غير ما اتربص بكمبيوتر فاضي عشان انقض عليه
بالعكس هستني وقت البريك واعمل جولتي العادية
مش هحاول اكمل من دماغي باقي بوست كتبه
هو في مدونته او ابحلق في الصور القديمة
خصوصا صور التروماي أو فاشون الستات زمان
مش بقصد صديق من المدونيين
دا بكل بساطة عن محمد خان لانه قرر يبطل تدوين
بسبب هيافة مفتكسين
بسبب هيافة مفتكسين
فكرني بحاجة كتبتها امبارح عن يوم جميل
او عن اي حاجة حلوة بشوفها من امبارح للنهاردة
حاجة ممكن تكون تهييسة او هبلة مش مهم
حاجة وخلاص المهم انها عجبتني
يعني ميهمنيش راي اصحاب الافتكاساتولا الحنجوري
نسمة حرية
تلاقيها في دردشة وتمشية ولا ابتسامة رايقة
مع شخللة تلج ف كوبايات
او رشة كاكاو توت علي رغاوي ودواير بن
ولا يمكن مع دغدغة ولاعة
و تنهيدة مدارية ورا نضارة سودا
تلاقيها في دردشة وتمشية ولا ابتسامة رايقة
مع شخللة تلج ف كوبايات
او رشة كاكاو توت علي رغاوي ودواير بن
ولا يمكن مع دغدغة ولاعة
و تنهيدة مدارية ورا نضارة سودا
وبزيد عليها
نسمة حرية
ملحوظة: مش قصدي اطالب أستاذ خان بالعدول عن قراره النهائي انا بس بوصف
حالي من غير كليفتي لاني بحترم قرار استاذ خان
19 comments:
طبعا
هذه المرة إن وجدتينى أقول لكِ ( كعادتي ) سأذهب قليلاً ثم سأعود لمناقشة الموضوع
ستذبحيني ثم تسلخيني
:)
أو على الاقل ستفجريني
-----------
صدقيني يا راندا
قد تكون اجمل لحظات الحياة ألا نفكر في غداً وما سوف يحدث فيه
وقد تكون ارق لحظات الحياة ان ننعم بلحظة حالية صادقة مع النفس وعذبة مع الروح
بدون الانخراط في تعقيدات ( صناعة الغد)
بالمناسبة انا حزين جدا لأن الاستاذ محمد خان اصدر مثل هذا القرار
تحياتي اختاة
حبيبة جدو رندا
يمكن مش فاهم البوست قوى ـ لكن عاوز اقولك انا لااحتفل بعيد ميلادى لكن ببقى حريص فى كل عيد ميلاد انى اراجع بسرعة ـ بينى وبين نفسى ـ اية اللى انا عملتة خلال السنة اللى عدت
بعد ما السنين بقت كتير والحمد لله كنت كل عشر سنين ـ بينى وبين نفسى برضة ـ اشوف انا تطورت فى افطارى لغاية فين بمعنى انا بتجمد ولا بكون اكتر اعتدالا
المحطة الكبيرة كانت لما وصلت الخمسين ـ قررت انى مجملش حد على حساب نفسى ـ لسة بعمله لكن من زى ما كنت ـ والحاجة الاكبر انى لما حد يقرفنى فى عشتى اروح احط صباعى على منخيرة واقولة بطل حل عن سمايا
مرت حداشر سنة على هذا القرار دة وكان احسن قرار فى حياتى
انا ملاحظ حاجة كويسة انك بتحطى اغانى شادية ـ لانك بتحبيها ـ عارفة لو العالم كلة طلع وقالك انا مش عجبانى الاغانى دية وانت عجباكى ولا يهمك من اى حد وبكدة راح ترتاحى ـ اهم شئ انك تكونى فى حدود حريتك وتحترمى حريات الاخرين ـ وانا متاكد انك بتعملى كدة ودة اللى بيريح جدا ـ كون ان الناس مبتعملش كدة ومبيحترموش حريتك لابد انك تقولى انت دخلت فى منطقة محرمة ـ وانتى عملتى كدة فى ردك على ـ سردية ـ
احتمال كبير انى اكون بتكلم بعيد عن الى انت عاوزة تقولية لكن فهمى للبوست خلانى اكتب كل الدش ده ـ تحياتى
انا ما كنتش اعرف الصراحه ان الاستاذ محمد خان بيدون لكن مقدره احساسك جدا، و عارفه كمان احساسه دلوقتي ، يمكن بعد ما يهدا يقرر انه يرجع و يمكن برده يلاقي نفسه ارتاح فيثبت اكتر علي قراره، و بعدين ايه حدوتة انك كنت هتبطلي تدوين دي؟ ده يا بنتي في غربتي دي انت من الناس اللي محسساني اني لسه في مصر، اوعي يا راندوش تخلي بيا
تابعت مدونته من غير ما اعلق عنده ولا مرة، لأن ببساطة نوعية مدونته مش محتاج تعليقات
عمرها ماهتضيف حاجة على البوست
أكيد كلنا هنفتقد مدونته المميزة جدا، و اكيد كلنا بنحترم قرار خان
بس ليه منحاولش نغير رأيه؟ و أهو يبقى إسمنا حاولنا و خلاص
و حتى لو مرضيش، على الأقل نكون وصلنا ليه صوتنا، و عرفناه اننا حبينا المدونة بتاعته مش عشان هي مدونة حد مشهور، مالبلوج مليان مدونات مشاهير
مش عارف لسه ازاي، بس على رأي واحد صاحبي متعرفيهوش، هفكر في الموضوع و ارجعلك
هههههههههههه
و على فكرة ماأظنش ان التعليق عنده بإقناعه بالرجوع هو الحل، لازم يكون الصوت أعلى شوية، عشان يوصل ليه، و للي زعلوه
يعني قصدي نخاطب خان المدون الفنان، مش خان المخرج المشهور
يومي كيومك تقريبا ، مع فارق واحد بسيط وهو انني أبدأه بكوب شاي بلين
ولو لم أجده ، يبقى اليوم مش هيعدي على خير
:)
الكاكاو بالتوت ده موجود مصر ؟
والله ياراندة كلنا حنفتقد كتابات الراجل ده
على قد ماكانت بسيطة جدا وشخصية جدا جدا على قد ماكانت بتاثر فيا جدا
يالا بقى منهم لله اللى كانوا السبب ويارب تكون سحابة غيم وتعدى ومايكونش قرار نهائى زى مقال
هو فين الموضوع علشان نعلق عليه؟
هههههههه
بكرة ح يبقى زى أى يوم، ممكن أحسن من النهاردة، ممكن أوحش
ممكن زى أمبارح، و أى يمكن يكون حاجة جديدة.
لكن الأكيد، إن إحنا ح نفضل ماشيين و و نستمتع بيه أو منستمتعش، مش مهم، لأانه غيره جاى أكيد
تحياتى يا دماغ
;)
المدونه تجنن و خصوصا الكابتشينو مع اغنية شادية عملوا احلى مزاج
تحياتى
اول مرور ليا و ليس الاخير
رأفت
انا مش عارفة انت ليه شلت تعليقك؟
صاحب البوابة
ﻻ يا فندم انت تقول هنا اللي يعجبك
احيانا مفيش افضل من بكرة ﻻنه مش دايما
المستخبي سئ
جدو حبيبي
بصرة يا حلو ساعات بتجنن واعمل كدة
وان كنت دايما بعملها باستمرار مش بستني عيد ميﻻدي
ساعات مش بقدر اعمل زيك واشوط في الناس وش
ﻻني وش كسوف وساعة بحس بالغبا والعبط
انت عارف بحب شادية جداا وان كنت بحب سعاد حسني اكتر من اي حد تاني
اتفضل عندكم
انا مش معترضة خالص علي قرار اﻻستاذ خان
انا بس زعلت ان في مدونة حلوة قفلت بس
Xee
انا مقتنعة تماما ان توقف شخص عن الكتابة استحالة اي حد يقدر يغيره
وبتفق معاك ان التعليق وحده مش كفاية لكن اكيد اتمني انه يرجع في قراره
هههههههه طب ماشي اديني مستني يا فندم
alzaher
هههههه مفرقتش كتير
انا بس نسيت اقول مع الكابتشينو
ساعات باخد واحد فطير مشلتت
عاليا حليم
ايوة يا فندم موجود منذ غزو الفرنجة
ومش غالي وفي متناول ابناء الطبقة الكادحة وطافحة الكوتة
بحب السيما اتمني والله
ان ميكونش قرار نهائي
منهم لله البعدة انا مش مغطية شعري ودعيت عليهم
كمان
تحياتي
انت كمان كتاباتك حلوة جداا
amr220
وهو فين الكباب الاول عشان ارد عليك؟
:)
بليفر
انت فين يا فندم؟
بقالك كتير غايب
اكيد بكرا جاي يلا زي امبارح زي بعد بكرا مش فارقة
بس اكيد هنمشيه ونحاول نستمتع به
rania
الف شكر يا فندم تنوري
ان شاء الله مش الاخيرة
في انتظارك
Post a Comment