Saturday, March 24, 2007

تزوير الاستفتاء بدأ في ميت الخولي

تحديث
صورة من الخطاب


تزوير الاستفتاء بدأ يا شعب مصر

الخبر وصلني عبر مدونة دفتر وطن

شوفوا الخبر اللي نقله محمد اسماعيل مراسل الجزيرة توك

نظرا لامكانيات الزنزانة التقنية والفنية المحدودة
في نقل صورة من الخطاب المختوم بختم النسر
و موجه من رئيس قرية ميت الخولي عبد الله بمحافظة دمياط

إلى رئيس الوحدة المحلية بهذه القرية مضمونه ما يلى
/ السيد
بعد التحية يرجى التنبية على العاملين رئاستكم بالتوجه الى مقار لجان الاستفتاء للتصويت

بنعم للتعديلات الدستورية يوم الاثنين 26/3/2007 وعدم التوقيع حضور وانصراف وتسليم دفاتر الحضور للوحدة المحلية صباح يوم الاستفتاء .وذلك في حضور المشاركة والتعاون للوصول لاعلى نسبة تصويت للقرية رئيس القرية

ملحوظة
طبعا للأسف الشديد هناك مشكلات فى نقل الصورة عن طريق سكان لكن المهم إن ختم النسر ظاهر وكمان التاريخ واضح وباين يخرم عين النسر وهو ستة وعشرين مارس 2007

ولا عزاء لشعب مصر

8 comments:

عباس العبد said...

هو حضرتك فوجئت ولا ايه
انا شايف انه عادى
شىء طبيعى
متوقع
و بعدين من جد وجد
و من طلب العلا ... سهر الليالى
و الى يصحى بدرى ,,, يلحق الاول
و الى يحسب الحسابات فى الهنا يبات
و دى ناس منظمة قلبها على الشغل
و بيخلصوه اول باول
ربنا يوفقهم
ما هى بلدهم برضه

ذو النون المصري said...

امر متوقع
لكن مش عارف هل المتوقع من الانسان المصري
هيحصل هو هو زي كل مره؟
يا تري فيه حل عند البعض منا ام لا حل؟
صراحه انا حاسس او واثق ان التعديلات هتحصل هتحصل و اللي بيتعمل كله مجرد اعتراضات في طريق السيل الجارف لن تمنعه
تحياتي

Gid-Do - جدو said...

وحدوووووووووووووووووووا

اه يادايم هو الدايم ولا دايم غير الله

وحدوووووووووووووووووووا

اه يادايم هو الدايم ولا دايم غير الله

للى ما يعرفش ـ هذا ما يقولة المشيعون وهم يحملون خشبة الميت فى القرافة قبل واثناء دفن المرحوم ـ دستورنا ـ ولا عزاء لاحد

Anonymous said...

هم لحقوا مش لسة يوم الإتين
أيا كان نتيجة الإستفتاء معروفة أنا بدأت أفقد الأمل

باين كده مافيش فايدة

أحمد عبد الفتاح said...

العزيزة زنزانه
وفين المفاجاة
طب اقولك
في جامعه حلوان قامت المدينة الجامعية بلم كل البطايق الانتخابية لسكان المدينة ووعدوهم بوجبة ذيادة واعفاء شهر من مصاريف المدينة لما يروحوا يصوتوا
والحال كده في كل الجامعات

ذو النون المصري said...

الجوازه باطله يا زنزانه
فاهمه
الجوازه باطل
الحكم ده المفروض يطلعه الشيوخ علشان الناس تصدقه
لكن للاسف الراجل مرتب كل حاجه
عامل شيوخ علي مقاسه و احزاب علي مقاسه و معارضه علي مقاسه و يمكن اخوان علي مقاسه بيعارضوه سلمي فقط
مش عارف ليه حاسس ان اية
و يمكرون و يمكر الله و الله خير الماكرين
هتشتغل قريب
تحياتي

karakib said...

و نود أن ننوجه بالشكر لكل من قالوا نعم
و نخص بالشكر أما نعيمة لأنها قالت نعمين

قسما سأنتصر said...

امر متوقع طبعا