اﻻعلان دا كان منشور يوم 5 سبتمبر اللي فات ف اﻻهرام
علي روبع صفحة باﻻلوان كدا محترمة
علي روبع صفحة باﻻلوان كدا محترمة
واتكرر نشرها يوم 9/9وأكيد هتتنشر تاني خصوصا أننا رمضان
كل سنة وانتوا طيبين
صورة ﻻ تمتلك اﻻ ان تتعاطف معاها ومع الدار
لكن اول فعلا ما شفت جملة
انه يتيم ومعوق ومحدش عاوزه
تنحت شوية يعني ايه محدش عاوزه ؟
عشان معوق؟
شكل من اشكال استدرار العطف ؟
صورة ﻻ تمتلك اﻻ ان تتعاطف معاها ومع الدار
لكن اول فعلا ما شفت جملة
انه يتيم ومعوق ومحدش عاوزه
تنحت شوية يعني ايه محدش عاوزه ؟
عشان معوق؟
شكل من اشكال استدرار العطف ؟
وﻻ الهدف ترسيخ صورة معينة ف ذهن أفراد المجتمع تخص المعاق؟
انه شخص منبوذ و المجتمع مش بيقبله؟
انا عن نفسي شايفة انه شكل من أرخص أشكال
الشحاتة والتسول
وممكن كمان اتهم الدار باﻻستغلال
استغلال الطفل المعاق واستغلال المجتمع نفسه
بالظبط زي الحاوي اللي في الموالد زمان
وقالك ايه قالك اه
حط ايدك علي صدرها تنور
حط ايدك علي كتفها تكهرب
وحط ايدك يا مؤمن علي قلبك
وانزل خطوة علي جيبك الشمال
وطلع اللي فيه القسمة
كل رمضان وانتوا طيبين
انه شخص منبوذ و المجتمع مش بيقبله؟
انا عن نفسي شايفة انه شكل من أرخص أشكال
الشحاتة والتسول
وممكن كمان اتهم الدار باﻻستغلال
استغلال الطفل المعاق واستغلال المجتمع نفسه
بالظبط زي الحاوي اللي في الموالد زمان
وقالك ايه قالك اه
حط ايدك علي صدرها تنور
حط ايدك علي كتفها تكهرب
وحط ايدك يا مؤمن علي قلبك
وانزل خطوة علي جيبك الشمال
وطلع اللي فيه القسمة
كل رمضان وانتوا طيبين
13 comments:
عندك حق يا زنزانة
ساعات بحس من كتر إعلانات الدور دى و خصوصا فى رمضان إن الموضوع زيادة قوى.
لو تفتكرى من كام سنة، إعلان بتاع الطفل أحمد اللى كان عنده مرض خبيث، بتاع "انا أسمى احمد،حتسعدنى"كان فعلا إعلان صعب قوى
متهيألى إن الموضوع محتاج حد يوصل للمسئولين فى الجمعيات دى، إن الإسلوب ده بقى رخيص جدا، و إذا كان مش يهمهم شخصيا، فيهم الأطفال اللى بتهدر كرامتهم فى الشحاتة بالأسلوب ده، و يهم أى حد بيقدر إنسانية الاطفال دي
العزيزة راندا
حسنة قليلة يا بنتي تمنع بلاوي كتيرة
وهنيا لك يا فاعل الخير
والأجرة والثواب عند الله
إنتي يا بنتي قطاعة ارزاق ليه؟
ناس بتشحت على المعاقين والأشيا هتبقى معدن تطلعي إنتي زي اللقمة في الزور ليه وتطلعي فيهم القطط الفطسا
وتتكلمي عن استغلال وبلاوي زرقا وترسيخ صورة مش عارف إيه في ذهن المجتمع... هو دا مجتمع عنده ذهن أصلا؟؟؟
سيبي النس تاخد ثواب وألف سلامة ليكي يا أختي المؤمنة وكدة يعني
وسمعني السلام الوطني للإخوة المعاقين
ألف سلامة ليكي يا أمي
وأكتر من كدة وربنا بيحوش
زنزانه الغاليه
اولا تحياتي
تانيا كل سنه وانتى بخير
تالتا ممكن تكون الناس دي مزوداها شويه وبتشحت على العيال بس انتى مش شايفه برضه من جهه تانيه ان الناس كمان بقا عندها تبلد شعور وبرود الناس بقت ترمى عيالها في الشارع ازاي ها يحنوا علي اولاد غيرهم
مرة كنت معزومه بره البيت وجه الاعلان بتاع مستشفي السرطان ساعه الاذان او ساعه حط السفرة والاعلان زى ما انتى شايفه بيقطع القلب ساعتها قالت صاحبه البيت اطفوا التلفزين مش عاوزين قرف خلينا نعرف ناكل
شفتي بقا
واخيرا كل سنه وانت بقلب حنون
و الله وساخه بجد
يعني ايه محدش عايزه!!!!!!!!!!!!!؟
انا مش فاهم الناس دي بتفكر ازاي؟
.................
كل سنه و انتي طيبه
وصلنا لرحلة اننا بنشحت علي عيالنا
فكرني لاعلان ده باول امبارح قبل رمضان بساعات كنت في خان الخليلي والمهم لقيت واحده قاعده قدام الحسين وبتنادي علي لد صغير وبتقول له يا ابن ..... روح هاتلي فلوس من الي قاعدين هناك دول وبتشاور علي ناس قاعدين في مطعم
هي ده الامومة والا فلا
امومة الولية بتاعه الحسين
وامومة دار الاورمان
الحقيقة إن الكثير من الجمعيات الخيرية تفوح منها روائح مش ولا بُد، وقد عرفت بعض أسرارها بالمصادفة البحتة من إحدى المعارف
ولكن حتى لو تصورنا أن منها ما بُني بنية طيبة-ممكن جدا- ومن منطلق أن هناك حقوق أساسية للإنسان، مأكل مشربن ملبس، مسكن، أوليس ايضا من حقه أن يحصل على كل ذلك بكرامة.
معلشى يعنى يا زنزانة هى الاعلانات اللى من النوع ده كتير
ده نص عرض الاعلانات عن مستشفى 57357 اللى بحس انه صرح معمارى هايل
ولا الاعلان بتاع محمود ياسين اللى قلبى بتقطع عليه من شدة التأثر اللى فى صوته
بس هى فى جملة مش قادة تدخل دماغى يعنى ايه محدش عايزه
حاجة تانية بتجنني
الاعلان ده وبالشكل ده تمنه ىلاف الجنيهات
مش أولى بيها الأيتام دول؟؟
كل سنه و انتي طيبه
حط ايدك علي صدرها تنور
أيه الكلام ده مش المفروض
حط أيدك على صدرها تصوت وتلم عليك الناس
أنا كمان بشوف أعلانات فى التلفزيون
بالشكل ده أيوه عندنا تلفزيون خمسه بوصه أبيض وأحمر وشاشه فلات مسطحه يعنى
بالموناسبه الساره دى أحنا ممكن نستغل الفكره وتشيلينى على كتفك ونروح على السيده زينب يوم الجمعه بعد الصلاة وسيبى الباقى عليا هديها عياط وربنا يحنـــن علينا ونعملهم
بس تفتكرى التبرعات دى مش بيتسرق نصها
أنا سمعت أن سرقت التبرعات زى سرقت الأعضاء من المهن الشريفه التى كفلها الدستور وصوت الأمه
أنت ساكته ليه
و مينا ذكرى بيعمل أيه فوق مش يمسك كتاب ويذاكر الدراسه بدأت
كل سنة وأنت طيبه يا زنزانه
=========================
بنت القمر
لو سمحتى مين الناس اللى كنتى معزومه عندهم على الأكل
عشان لو عزمونى والله ما أنا رايحالهم
عندك حق
اللى كاتب العنوان ده ماشاء الله عليه غبى اوى
انا اعتقد كره كل المعاقين فى نفسهم وعقدهم نفسيا
وصراحة اعتقد رئيس تحرير الجريدة
بيقف على باب الجامع بعد
صلاة الجمعه
السلام عليكم ادعوك لزيارة مدونتى الجديده و تشوف قصيدة مبارك يا من ذا الذي في مصر الجديده
شكرا
Post a Comment