دا مش كلام عم الراجل بتاع الحاجة الساقعة ع الكورنيش لما متدفعش
تمن القعدة الروشة مع المزة، ولا كلام عمو اللي في السنيما اللي انت
مدتهوش جنيه زيادة عشان يظبطك في مكان في الصف اللي ورا خالص
ولا حتي كلام الكمسري في الاتوبيس لوالدم غلي في عروقه لما عدي كام حركة
تحرش واتغاظ لما لاقاك انت عرفت تبوس وهو لاء ، ولا كلام الموظفة الغلبانة للمدير
اللي نازل تحرش فيها وناوي علي بوسها او فصلها
وغيره وغيره
دا كلام الناس اللي بدأوا تأسيس أول جمعية لحظر القبلات بين المصريين..
قال ايه البوس له مخاطر ومشاكل وبلاوي غير انهم ممكن لو ظبطوك مع المزةاو حتي المودام واتهموك بقضية فعل فاضح وادوك علقة محترمة مأخدهاش
حرامي صرم في جامع وبعدين يحلقوا لك شعرك زيرو
قالك يا سيدي علي طريقة فيلم فول الصين العظيم ان القبلة اللي ترجمتها البوسة
حسب القاموس، لها مخاطر صحية وانها السبب في 15 مرض وان العدوي
بتتنقل من خلال الرزاز واللعاب والاحتكاك الجلدي ومن خلال النفس المباشر
والجمعية فيها رجال دين واعلاميين واجتماعيين وناس كتير عشان يفهموا
الناس فن الاتيكيت عند المصافحة زغرتوا وهنتعلم فن التيكيتاك
سوري الاتيكيت يا سلام بقي لو نطلع علي قلعة الكبش والجمعية تروح هناك تعلمهم
الاوتوكيت ولا ياخدوا الكتالوج بتاع البوسة دا ويطلعوا علي امبابة هتبقي هيصة
واتخيل بقي لما يجوا كدة زي حملات التطعيم بتاعة شلل الاطفال ويقولوا مثلا
واتخيل بقي لما يجوا كدة زي حملات التطعيم بتاعة شلل الاطفال ويقولوا مثلا
لعم حسن الفران اللي انا لسه متخانقة معاه من شوية اسمح لي اعلمك الاتيكيت
ويروحوا مطلعين الكتالوج ، ولا لو في مزة كدة حلوة تقول للواد بريزة الصايع
اللي قاعد علي قهوة عم جمال طول النهار اسمحلي اعلمك الاتيكيت وفن البوس
دا معندوش تفاهم ولا حتي تحرش ..هيقولها زي عادل ادهم كدة
انتى لابسه لموني الليلة دي دا احنا نهارنا لمون يا قطة
الجمعية كمان استندت الي رأي الدين "إن الاسلام بشكل قاطع وحاسم يحرم
القبلة في غير الزوجية أو الأخوة أو البنوة". يعني من الاخر كله
هيبوس كله وملهاش لزوم الفتوي م الاول
قال يعني البوس مقطع بعضه قوي مش عارفين ان المصريين
عندهم فقر بوس ولا ايه؟ مش الاولي بالفلوس دي يعملوا جمعيات تدافع عن
حقوق اللي مش عارفين يبوسوا م الاساس لحد ما بقي عندهم عقد وكلاكيع
وبيقضوها تحرش ،طب ما يعملوا كبسولة منع البوس زي منع الحمل كدة
للوقاية او يعملوا كوندوم للسان واحتمال الست كريمة مختار تطلع ف الاعلانات
وتقول "جوزك اوعي تبوسيه وصاحبك علي ما تعوديه" ويجيب اتنين
كانوا ناويين يبوسوا ورجعوا في كلامهم ويروحوا كحيين في وش بعض
ويطلع شعار الحملة استعمل الكمامة علي بوزك انها اكثر امانا!!نياهااااا
اه الخبر قال ان في انواع كتير للبوسة لكن اشهرهم الفرنش كيس
ودي مهمة جدا لانها هي الأكثر حرقا للسعرات الحرارية فهي تحرق 239 سعرا
حراريا وبالتالي فانها تساعد على خفض الوزن يعني بلاها دايت وخليها
فرنش بوسة اهي ارخص من الجيم والايروبكس ولا مراكز التخسيس
انا ماليش دعوة لوحد من الاخوة اللي بيبوسوا طلع صاحب كرش
دا هم اللي بيقولوا مش انا
47 comments:
دي ناس فاضية
.
.
قال ياعني المصرين
خلاص خلصوا كل مشاكلهم
وشغالين بوس
.
.
عالم تشل
وتجيب مغص
المصيبة يا حبيبتشى ان الكتالوج كمان يبقا تمنه غالى...حيبقا موت وخراب أبقاق
بوس اية يا حسرة
بلاااا نيلة
دة كل النسوان دلوقتى بيشتكوا من حكاية البوس دى
آآآآة والجمعية دى بقا جاتلهم عالطبطاااب
وبركة يا جااامع
يا سنة سودا
على كدة لو اتجوزنا مش حنلحق دفعة خللى السلاح صاحى ولا حنبوس ولا حنتباس
دة أنا يجرالى حاجة والنبى يا أؤختشى
يبقا يادى الشيلة ويادى الحطة صبرنا على جمل ووقعنا على قطة
بالنوسبة للفرينش لامؤاخذة كيس
أنا عاملة دايت واحتمال بعد ما أتجوز أستمر عليه
تنصحيننى بكام ساعة فرينش كيس علشان أحرق سعرات حرارية أكتر؟؟
أصلى بعيد عنك كسلانة ومش من بتوع ثني ومد
نرجو الافادة
قوليلى مقر الهبابة دى فين وأنا أروح أفجرها قبل ما الرجالة تعلن العصيان المدنى على البوس وتبقا
كااااااااااارثة
طب مش تقولي اسم الجمعية وعنوانها أو حتى نمرة تليفونها عشان الشوباب اللي عايزين ينضموا... لأ إخص عليكي يا عدوة الصحة يا مروجة الميكروبات والبكتيريا والفيروسات... طب بالعند فيكوا بقى - يا كل بنات حواء الراغبات في تقبيلهن - أنا هنضم للجمعية وعلى المتضررة أن تخبط شفايفها في الحيط
على فكرة صورة البوست عبقرية واضح إنهم كانوا بيبوسوا وف النص حبوب منع البوس اشتغلت فاتحنطوا في الوضع البوسي ده لحد ما العنكبوت عشش عليهم... هايل... إلا هي كلمة بائس هي اسم الفاعل من الفعل يبوس؟
ههههههههههههههه
يا للبوس والشقاء
خماشر مرض!!!!!!!!!يا فضحتي
طب بالإذن أنا بقى، الحق أروح أحلل
========================
تظني فترة حضانة الأمراض دي قد إيه؟ يعني اللي بقاله 55 يوم أكتر حاجة ممكن يعملها إنه يبوس إيده وش و ضهر عليه خطورة؟؟
و هل بوس الوش زي بوس الضهر؟
أرجو سرعة الإفادة
يا اختشي خلاص خلصنا كل الامراض و الشعب فل الفل مافاضلش غير الامراض اللي بتيجي من البوس.....ده العالم بقت غلابه و مقضينها بوس اصلا يعملوا ايه دلوقتي؟
يا خوفي لا بعد ما يخلصوا موضوع البوس ده يسرحوا علي حاجات تانيه....العواف يا اختشي
رندا
اذا كان هدف الجمعية منع الاحضان والبوس بين الرجالة ـ زى اللى كان بيعملة ياسر عرفات ـ ولم يكن جزء من عادتنا وانتقل الينا بعد ان تقربنا الى الاتحاد السوفيتى ـ وشوفى الافلام المصرية الابيض والاسود مش حتلاقى هذا النوع من البوس موجود بين الرجالة يبقى انا مع هذه الجمعية بشرط انها تبقى للتوعية وعن طريق الاعلام وميكنش لها اى سلطة على الناس
لكن لو ان هذه الجمعية عاوزة تدخل وتتحول الى هيئة الامر بالمعروف السعودية وشوية شوية تبقى جزء من البوليس دة يبقى الجنان بعينة ويبقى مخطط تحويل مصر الى الفكر الوهابى ماشى على قدما وساق
اللى يضحك ان السعوديين ضاقوا بهيئة الامر بالمعروف هذة مما دعا الهيئة الى مراجعة اسلوبها حسب الخبر دة فى الشرق الاوسط
هيئة الأمر بالمعروف السعودية
واحنا عاوزين نتبنى فكر الهيئة السعودية
ياعالم هى مصر ناقصة
شهروزة
انا في 8 شهور خسيت 22 كيلو
هيييييييهااااااا
:D
مجرد إضافة بقيت بحب أقولها على طول لكل أصدقائي اللي عاملين دايت
مش من باب التشجيع، من باب التنطيط
هههههههههههه
خمستاشر مرض ولا حتى ميه
انا حبوس يعنى حبوس وخلاص
دا كلام ازاى مفيش بوس دا دى الجاجة اللى اواحد بعرف يخطفها بسرعة
ممكن الواحد يستعمل مضممه ولا يغسل اسنانه قبل البوس وبعد البوس
بس كام مرة فى اليوم ولا الشهر ولا السنة
ومن غير فضايح
نسيت اقولك
انا مستعدة اختفى من البوس
مش اخس بس
راندا يخرب عقلك
البوست مشكلة
بيعبر عن مدي هيافة شريحة كبيرة في مجتمعنا
والله لو كانت جمعية للرفق بالصراصير كانت افيد
اما بقه من وجهة نظري عن نشأة الجمعية فده غالبا عملها ناس مبيعرفوش اصلا
فهمني طبعا
الحقيقة
ضحكت حتى استلقيت من الضحك
خلاص حلينا كل مشاكلنا
ماعلينا
لو الهدف من اشهار الجمعية توعية المواطنين ببعض السلوكيات الخاطئة صراحة في التعامل بين الناس يبقى حاجة كويسة
يعني مثلا عن نفسي لا اقبل اي طفل في وجهه بتاتا ولكني اقبله على كف يده تعبيرا عن الحب للطفل
ممكن الواحد يعبر عن حبه لاصدقائه ولكن لاداعي ان ينقل لهم الانفلونزا مثلا اذا كان مصابا بها.
ومفروض ينتشر الوعي الصحي بين الناس
لكن حكاية جمعية وتصدر قوانين دي بصراحة تضحك
طيب مايعملوا جمعية لمنع الجوع
والله لو عملوا جمعية لمنع الجوع ح يشتغلوا اكتر
اقرع ونزهي
و الله فعلا الناس دي فاضيه و موراهاش شغلانه مفيده
قال يعني اللي يتجوز بيبقي عارف حاجه اصلا؟؟؟؟؟؟؟؟؟
دول بيسالوا مجربين قبلهم و كذا واحد علشان ليله في الحلال يبقي ايه اللي ممكن يكونوا بيعملوه في غير الحلال
اعتقد ان الموضوع مش مستاهل لان البوس مش منتشر بالطريقه اللي تخليهم يعملوا جمعيه لهذا الغرض
كانت تتعمل للبلهارسيا افضل
ايضا المراحيض معروف عنها انها مصدر لاوبئه ..ليه ميعملوش جمعيه لزيادة المراحيض العامه و نظافتها
و كمان فيه مشكله في المراحيض العامه في القاهره
انا كل ما انزل القاهره الاقي ست مفروشه قدام المرحاض في المظلات و بتاخد ربع جنيه نظير دخول الحمام
ياريت يكون فيه جمعيه لحماية مستعملي المراحيض من امثالها
هههههههههههههه
انا حاولت اكتب قصه لاول مره و كتبتها عن النكسه ياريت تقريها و تقولي رايك فيها
تحياتي
بغض النظر عن الاحتكاك الجلدى و الغير جلدى
و نظرية الفرنش كيس الى ححرق بيها الزيادة فى وزنى
و نظريات العدوى و نقل الامراض و الحاجات دى كلها
فانا شايف
ان فى ناس
بتعانى من تخلف عقلى تقدمى
و ان فى حاجات وصلت لمستوى الحمورية الانسانية
و انا اعتقد ان مستوى الهبل العلمى و الوطنى و الدينى و السياسى
بدءا من اعلام الريادة الى ارضاع الكبير
وصل لمرحلة الانتقال من هبل الى عبط و تخلف
و بعدين فى نقطة
يعنى يمنعوا البوس و يسمحوا بالرضاع
دا ايه البلد الوس....دى
فى حاجات كده تغيظ و تفقع
شوفى
ولا بلاش دى مدونة نظيفة
هههههههه
التعليق الوحيد المفيد هنا
هو لا تعليق
و وراها موسيقى تصويرية للأغنية الخالدة
يبقى إنت اكيد اكيد فى مصر
انا قعدت اضحك بكررو بصوت عالي و الله هم يضحك و هم يبكي اه الفضا و قلت العقول ده خلاص مصر خلص منها المشاكل و مابقش في غير البوس و امراضه حتي الحاجه ام بلاش كده عايزين يتدخلو فيها و مش بس كده و كمان عايزين الدين يقول كلمته بلاش وكسه ياريت الاساتذه الافاضل دول يخطفوا رجليهم لمساكن الايواء و العشوئيات و ولاد الشوارع الاي بقوا اكتر من شوارع مصر و يشفوا احولهم ايه و يساعدهم بدل الكلام الفاضي ده طب دلوقتي لو جوزي قالي هاتي بوسه اقوله لا لا لا عشان الامراض هايتف في وشي و اكيد هايقولي روحي وانت طالق بتلاته نفعوني بقي هما بقي لو حصل كده ياريت قوللي عنوانهم علشان اروح قلوهم بلا وكسه جتكوم الف خيبه
عادي ،كل شخص من حقة يعبر عن رأية بكل حرية ويشرح وجهة نظرة فمفيش مشاكل ان افراد لديهم نفس التوجهات يعملوا جمعية يشرحوا من خلالها وجهات نظرهم ولك انت حرية الاختيار ، فالموضوع لا يحتمل استهزاء
عادي ،كل شخص من حقة يعبر عن رأية بكل حرية ويشرح وجهة نظرة فمفيش مشاكل ان افراد لديهم نفس التوجهات يعملوا جمعية يشرحوا من خلالها وجهات نظرهم ولك انت حرية الاختيار ، فالموضوع لا يحتمل استهزاء
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
وح ياخدوا تمويل من مين؟
من البوسنا طبعا صح؟
ههههههههههههههههههههههههههههههههه
هم أحسن حاجة يعملوا جهاز زي المحمول بيبوس على أساس إنه ممكن يتعقم و بكده نكون ضربنا حجرين بعصفور واحد مالغوش البوس و تخلصوا من آثاره المدمرة
حيث ان الحكاية شكلها مايجيبش غير هزار
فواضح بعد اشهار الجمعية انهم ح يعملوا مؤتمر قومي وتنعقد بعده ندوات لمناقشة توصيات المؤتمر
واهو سياحة المؤتمرات شغالة على ودنه
وتنعقد لجان
وتنبثق عنها لجان تانية
دي العملية ح يبقى فيها شغل كبير قوي
ههههههههههههه
رندا
ادعوك للمشاركة في استطلاع راي
اكثر 10 مدونات تاثيرا في قرائها
و احب ان اخبرك ان مدونتك تم ترشيحها فعلا
اليك الرابط
http://www.6ef.blogspot.com/
ادم باشا
انت مضايق جدا شكلك شغال ومش عاتق
:)
فيه رجاله ما حيسدقوا و يكلبشوا فيها
هو الاكتالوج خيبقى على بطاه التموين؟؟؟
شهروزتي
انا مش بحب النظري ومش مهتمة بالكتالوج افضل العملي
يا بنتي افهمي انتي لسه عندك امل؟ هو في حد بيتجوز دلوقتي؟ دول انقرضوا
بالنوسبة للفرنش بتاعة دي علي حسب وزنك يا بطة لو مصرة شوفي رد زياد عليكي
مراقب
حد قالك اني ممرضة؟
انا مع البوس طالما في قلب ينبض وفشة شغالة ومخ بلوظة ههههههه فاكر التصريح دا؟ كانت ايام
قال يا واد حوش حوش عاوز تفهمنا انهن مقطعين بوس؟ طب بأمارة ايه؟ هع هع هع
لا يا فالح يبوس هي اللي من البؤس والشقاء
طبعا انت هتسترزق من الشغلانة دي بما ان هيبقي فيها لولب لمنع البوس وحبوب من البوس وانت ادري بالباقي
:)
زياد
عاوز تبلغ المدام انك ملعبتش كدة ولا
كدة في الجنوب؟ (وش بيغمز) شوف هم السلف الصالح قال بوس الوش جائز ولو
انه مكروه
اما بوس الضهر فا فيها فتاوي
كتيييييييير بس لسه هتتنشر كمان كام
يوم انتظر الاجتماع القادم للازهر في فتاوى كتير خاصة بعجة بيض
الديناصورات وشوي السحالي
وشورب ...بلاش دي احسن مقرفة
اتفضلي عندنا احنا
لا خلاص الغلابة ولا هيبقي في بوس ولا حتي ضرب ولا شتيمة
شكلهم بعدين بعد كدة هيدورا علي الفسحة بتاعة الحبيبة في ميدان عبمنعم رياض
او علي الكورنيش جنب الراجل بتاع الذرة
الحقيقة يعنى كثر خيرهم ،الناس بيدوروا على مصلحتكم برضوا يا جماعة
يعني حتى البوس بخخ ؟
طب اللي بيقضِّها بوس بس يعمل ايه ؟
هههههههههههههه
و الله ريَّحتوا
كفايه الكلام
كلام و بس
ههههههههههههه
ههههههههههههههه
الحقي
ههههههههه
خخخخخخخخخ
مصري بيقول اجهزه زي المحمول كده تحل مشاكل العدوي
هههههههه
دي الاجهزه نفسها بعد كده هي اللي ممكن تمرض و يجيلها عدوي
ههههههه
والله انا نفسي اخس جدا جدا
بيعملوا زي كفاية بالظبط هطل
كفاية تدعو المصريين لمقاطعة الانتخابات وهم مقاطعين اصلا ودول يدعو الناس لعدم البوس واصلا مافيش حد بيبوس
والله ناس فاضية
ده بدل ما يسعدوا الشباب التعبان ويعملولنا مراكز تخسيس بالبوس والواحد يعمل اشتراك ول عاوز يخس اكتر يبقي فيه تكملة
والله مش فاهم هايعملوا ايه اكتر من كده
الحشيش لحس دماغ البشر في بلدنا
نسيت صحيح
اهو ابن عمي من شوباب مصر اللي عامل كاتلوج شغال نظري
مش باقولك بيقولوا كلام ثابت ومتأصل
http://elkamhawi.blogspot.com/2007/05/how-to-kiss.html
جدو العزيز
علي رايك يا جدو هي ناقصة
ربنا يستر ولو ان الفكر الوهابي مش لسه هيتوغل وينتشر
اللهم ما كفينا شر هئية الضرب بالمركوب دي
زياد
بلاش طنطيط علي خلق الله
قول انك خسيت من التنطيط مش
البوس يا فشار
اه يا دماغي
يا ستي ولا غسيل ولا يحزنون الحلو حلو ولو مغسلش وشه كل يوم
تاح
طبعا فهمت يا سوسة
دا معناه انك مش ناوي تنضم للجمعية؟
ولا بتعرف؟
تصدقي فعلا...البوس هو عدونا الأول..هو الي جابلنا السرطان..و بوظ اكياس الدم بتاع الموكوسة هايدلينا..و جاب السحابة السودا..و امراض القلب و الشيخوخة المبكرة للشباب ده غير بقى شلل الاطفال الي ما بيخلصش من البلدو الحصبة الألماني..و اخيرا انفلونزا الطيور..بقى بالزمة لسة في حد نفسة يبوس..
لاسباب تقنية تغير عنوان المدونة
من الغد تواصل هيباتيا الكتابة في موضوع : الله .. النص ... البشر
http://hypatia-theu.blogspot.com
والله ناس هبله
هو حد طايق يبوس حد من اصله
طب انا عايز ابوس ومش عارف ميحلولى مشكلتى الاول ومعنديش عيب خلقى فى بؤى بس معنديش شقه هى دى المشكله
وعلى راى ادم المصرى
عالم تشل
ملحوظة :
اعتذر اولا عن التأخير في الرد لان البعض رأه انه تجاهل واحراج
التأخير في الرد ليس معناه الاستعلاء او تجاهل اي فرد من السادة الزوار و المعلقين
التأخير بسبب ظروف شخصية جدا متعلقة بصاحبة الزنزانة وليس اي شئ اخر
ومن ضمن الاسباب انى اشتراك سلكة مش دي اس ال
تحياتي للجميع
HAHAHAA...
Nas Fadya sa7e7...
maya3rafosh yatnayalo 3ala 3enhom we ya3melo gam3et 'Man3 El Ta7'lof El 3aqle'
damek 7'afef ya asmek eih!!
akeed hagee azorek tanee
Bassam
صورة بالف كلمة
مدونة جديدة
انظر حولك
د . خالد عزب
الصورة جامدة قوي ومعبرة
Post a Comment