Friday, April 20, 2007

نشرتنا الاضرابية النهاردة بتقول:

نقل ٣ من عمال الطوب الرملي إلي المستشفي في ثالث أيام
الإضراب.. وتهديد باعتصام بـ «المنصورة- إسبانيا» للملابس
استمرار تجاهل اضراب ٢٠٠ من عمال الطوب الرملي إضرابهم عن الطعام
بسبب تصفيتها بالمخالفة للقانون. ونقل
٣ عمال من المضربين إلي مستشفي الصف عقب تدهور
حالتهم الصحية، نتيجة إضرابهم عن الطعام
وكمان
هدد نحو ٢٨٠ عاملاً في مصنع «المنصورة - إسبانيا» للملابس الجاهزة بمحافظة الدقهلية
باعتصام مفتوح داخل الشركة يوم ٢٨ أبريل اللي جاى ،
إثر تجدد أزمتهم مع «الإدارة» للمرة الثالثة خلال شهور قليلة،
وتأخر صرف رواتبهم ومستحقاتهم، رغم وعود الست الوزيرة
عيشة عبهادي بحل مشكلتهم.
...................................
اعتصام ٦٠٠ معلم وأكثر من 600 معلم وإداري في مدارس «الشبان المسلمين » بالزقازيق
بسبب
بلطجة الادارة وتعسفها والخصم عمال على بطال
والحرمان من كل الاجازات بما فيها اجازات الوضع والجواز
بل وصل الامر لضرب مدرسة أثناء وضعها لامتحان مادة القران الكريم
مع زميل علي خلفية "ما اجتمع رجل وامرأة..."انتوا
عارفين الباقي
.................................................
أما بمناسبة عيد العمال
اجتمع سيادة الريس مع الست الوزيرة عيشة عبهادي
ورئيس اتحاد هبيشة مصر حسين مجاور

وبما انى بتخنق من الكلام اياه
ممكن تفعصوا هنا واقروا الخبر
مع التحذير انى مش مسؤولة عن فقع مرارتكم
.......................................
وعن وعود أحمد نظيف الوردية للعمالة
المؤقتة ف هيئة الطاقة الذرية
طبعا دي وعود ها؟
واحنا لسه ف شهر ابريل
يعني متفرحوش قوي
دي وعود حكومة
افعص كمان هنا عشان تشوف
10 اعتصامات و 7 إضرابات و 3 تظاهرات وانتحار
عاملين وفصل972 عاملا حصاد الحركة العمالية في شهر مارس

7 comments:

BeLiEvEr said...

إنت شكلك كده تبع التنظيم الشيوعى بتاع "أمين العالم"صح؟
:)

أم حزنبل said...

allah , el7ayah ba2a loonha bambi fe3lan, kol mada bazeed inshika7 aktar min el awil, kol mada betfra7ini be akhbar gamdah gedan ya bint baladi el mankoob.

shakli 7abatal agi 3andik fatrah 3ashan el ikti2ab elli 3andi ynzil shwaya.
fotik be3afyah ya okhtschi.

قنديل في قلبي said...

أأه يا بلد مليانة العجب
الكبير سرقك ونهب
وفساد للركب
ومالناش حق نشتكي من التعب
آآه يا قلبي

zenzana said...

بليفر

انا الرأس المخطط للتنظيم ههههههه

أم حزنبل
الف سلامة من الاكتئاب متغبيش عليا والنبي

قنديل
صدقت يا بن الناس

ذو النون المصري said...

ايه الحكايه في البلد اليومين دول
اضرابات بالكوم
و اعتصامات برضه بالكوم
كل حاجه في البلد بقت بالكوم
فيه حاجه هتحصل قريب انشاء الله و للا لا؟
يارب يا هادي
جيب الانقلابات و الثورات الناحيه دي

أم حزنبل said...

لوووووووول ياعم الحكم الذو نونية ضحكتني و انا مكنش ليا نفس انت متصدق انقلاب و تشبع فيه شعر
بس حلوة جد يا نون

زنزانتي سلمي سلام كبير اوي على احمد زكي و قولي له بجد مفتقدة مدونته
يا حبة عيني مستحملش صدمة قص و لزق الكستور فقام لغى البنية

صاحب البوابــة said...

كل اضراب يقوم به اهل تلك البلاد

هو بداية العصيان الكامل

اتمنى ان يكون ذلك العصيان قريبا

تحياتى