Saturday, April 14, 2007

هيصوا أخيرا بوتين بياخد بنصايح مبارك


أخيرا قرر بوتين انه يسمع كلام خير معلم في مدرسة الديكتاتورية وقمع الشعوب
اللي قال له قبل كدة كبر دماغك و
متسمعش كلام حد واعمل اللي فيه الطالح
وانه لابد يرشح نفسه لفترة رئاسة تالتة وهو ما يناقض الدستور الروسي
لازم تقروا نص الترجمة المسخرة اللي كتبته قبل كدة
القهوة العالية عشان تعرفوا
الموضوع من جذوروه
اعتقل بوتين بطل العالم السابق ف الشطرنج ومنع مظاهرة كان بينظم لها
تقولش كان رايح يتظاهر ف ميدان التحرير، وطلعت له جحافل وزارة المقشات
نص الخبر بيقول
ان الشوربة الروسية اعتقلت زعيم المعارضة غاري كسباروف، بطل العالم السابق
في لعبة "الشطرنج"، لاتهامه بالتخطيط لقيادة مظاهرة "غير مشروعة"،
في وسط العاصمة الروسية موسكو، للاحتجاج على سياسات الرئيس الروسي فلاديمير
بوتين واخد لي بالك من كلمة غير مشروعة دي؟ ومن كلمة
سياسات دي الواسعة قوي
وقالت وكالة "انترفاكس" الروسية للأنباء إن قوات شرطة مكافحة الشغب وقوات
وزارة الداخلية الوكالة تقصد البلطجية يعني انتشرت في العاصمة الروسية
لمنع التظاهرة، (شكلهم فلحوا ف الكورسات بتاعة وزارة المقشات المصرية) وقال
المتحدث باسم شوربة مدينة موسكو إن المعارض الروسي كان يعتزم
تسيير مسيرة احتجاجية من
ميدان "بوشكين" إلى أحد الميادين الأخرى، حيث ينظم مؤيدون للرئيس بوتين
مسيرة تأيييد له وأضاف قوله: "في ضوء هذا الموقف، لم يكن أمامنا
خيار آخر سوى اعتقاله واقتياده
إلى قسم الشرطة، بعد توجيه اتهام له بمحاولة خرق القانون
طبعا مش محتاجة اعلق علي
خرق القانون دي، يا جماعة احنا وصلنا للعالمية خلاص وبنصدر سياسة
القمع لاوروبا والدول المتكدمة."

وفيما ذكرت وكالة "انترفاكس" أن كاسباروف اعتقل لفترة وجيزة، حيث

أطلقت الشرطة سراحه بعد قليل من احتجازه، إلا أن متحدثاً باسم الشرطة الروسية

نفى أن يكون قد تم إطلاق سراحه، حسبما نقلته

أسوشيتد برس عادي زي ما بيفضلوا يقولوا هنا انه تم الافراج عن جميع المعتقلين

من المتظاهرين وبعدين نلاقيهم لسه متبعترين ف الصحرا وكان تجمع "روسيا الأخرى"، المؤلف

من عدة جماعات مناهضة لبوتين، قد ذكر في وقت سابق، أن
نشطاء ينتمون له، سيتجمعون في ساحة "بوشكين" ظهر السبت، رغم حظر السلطات

تنظيم أية احتجاجات في وسط موسكو.

ماعدا طبعا مظاهرة التأييد لبوتين اللي فكرتني بمظاهرة الاستاد

ووجبة ماكدونالدز

وقال زعماء التجمع، ومن بينهم كاسباروف، ورئيس الوزراء السابق ميخائيل كاسيانوف،

إنهم سيتجاهلون الحظر الذي تفرضه الشرطة على التجمعات في "بوشكين"، رغم "الإجراءات

الأمنية غير المسبوقة."وانتشرت أكثر من 20 شاحنة عسكرية، تقل كل منها

نحو 30 جندياً من قوات الداخلية، كما

وصلت حافلات تقل مئات من القوات شبه العسكرية المجهزة بأدوات مكافحة الشغب

وتسود حالة توتر في روسيا قبيل الانتخابات البرلمانية المقرر أن تجري في ديسمبر/ كانون الأول

القادم، والانتخابات الرئاسية التي ستجري في العام 2008 لاختيار بديل لبوتين
بعد كل دا احتمال بوتين يغير كستور روسيا ويرشح نفسه لفترة رئاسة

خامسة ورابعة ويعمل استفتاء ويخطط يورث ابنه فاسيلي عرش العزبة

الحمــــــــــــــــــــــــــرا

9 comments:

^ H@fSS@^ said...

يا لاااااااهوي ياخراب بيتك ياللي مانتيش دريانة اه يا فيرا يا حبيبتي يا عيني عاللي حيحصلك و انت مش عارفة مفلحناش نصدر اي حاجة برة غير سياسة القمع و المقشات و عندك طلبية مقشات من مصنع الهلال و النجمة وصلحه

فيراهي زميلتي في نفس البعثة المشؤمة و هي من روسيا البقاء لله في حريتهاهي و بقية الشعب المسكين

كلبوزة لكن سمباتيك said...

بخصوص موضوع البوست لا تعليق
--
شدني بوست عنك قراته عند شهروزة
حبيت اجي اسلم عليكي و اقولك انت انسانة جميلة قوي
و يسعدني اني اقرئلك دايما
تحياتي

Anonymous said...

شوفتي بقى عشان كنتوا ظاملين حكمت الزعيم
عشان تصدقوا إن كل زملاته زعما العالم بيسمعوا كلامه حكم هو الألفا ع الفصل
فصل الديكتاتورية طبعا
و مبروك لروسيا رجوع ستالين
و لا أراكم الله مكروها في شعب لديكم

zenzana said...

حصوص صديقتي ف الهبل
شفتي بقي احنا الزوعما بتوعنا ناصحين ازاي؟
بلاش تشهير يا استاذ بالمصنع دا
شجعي مصنع الحكومة التابع لوزارة المقشات اخص عليكي عندك عقدة خواجة

كلابيظو سمباتيك
اخجلتيني يا فندم والله
مش عارفة فعلا ارد لكن شكرا جداجدا ليكي حضورك

مصري
خلاص صدقت وبصمت بالخمستاشر صابع بتوعي

Anonymous said...

يا بنتي الريس بتاعنا ده طلع عامل زي دودة القطن
صعب انك تقضي عليها باي مبيد و مش بعيد يكون معتق زي البلهارسيا
الله يلعنه و يلعنها
هي الدنيا ناقصه
الراجل بقي كانه شيطان
انا مش عارف اقول بقي كانه ايه
الله يخرب بيتنا احنا
دا احنا ولاد كلب
هههههههههههههههههههههههه
تحياتي
..............................
ذو النون المصري

Anonymous said...

اهو كدا احنا الفراعنة المتفرعنين حضارة السبعتلاف سنة احنا احفاد الفراعنة المتفرعنين مش الجماعة الروس اللى لسه طالعين فالمقدر جديد احنا اصل الدكتاتورية وحكم الالهة مش حرام الجماعة يطلعونا التمنتاشر على العالم فى قائمة الدكتاتورية على العالم اهو احنا بنثبتلهم احنا رقم واحد على العالم وما فيش غيرنا

قنديل said...

أوووبااااا
وأكيد طبعا هيطلبوا من مصر خبراء سياسيين محترفين في فن التزوير والضحك علي الشعب المسكين

daktara said...

طيب والله كويس
علي فكره الدنيا كلها بتسمع كلام مبارك
ماكنش فاضل غير بوتين
كويس انه عقل
د. خالد عزب

zenzana said...

لا احنا الخبرا بتوعنا هنبعتهم موريتانيا
بعد ما فضحونا وعرونا
لا احنا رقم واحد ف الديكتاتورية بس الناس بجاملونا بدليل حضارة الفراعنة اللي ليها سبع تلاف سنة
طبعا يا دكتور مش هو برده صاحب اول هبشة جوية لازم الناس كلها تسمع لحكمته