Friday, August 31, 2007

بعد دار الخدمات النقابية الدور علي جمعية المساعدة القانونية

قريت الخبر ع الصبح خبط لزق عند نوارة
وعند يا لالالي وكنت شفت الخبر امبارح ف المصري اليوم
ان سيادة محافظ القاهرة الهمام وزير عبعظيم
قرر غلق الجمعية نظرا لتجاوزات مالية منها ان الجمعية حصلت علي تمويل
دون أذن من وزارة التضامن الاجتماعي
يعني هي الحكومة اخدت اذن مين لما بتاخد المعونة؟
ولا المجالس القومية البطيخية لما بتاخد تمويل بتستأذن مين؟
في الوقت نفسه افتكرت مجموعة الاخبار اللي كنت قريتها
عن انشطة الجمعية وكله م الجرايد يعني مفيش حاجة في السر
انا هفتكر بس الاخبار اللي كنت قريتها خلال الاسبوع اللي فات بس
يعني يوم 21أغسطس اللي فات الجمعية تقدمت ببلاغ للنائب العام
مطالبة بتحقيق في مقتل أحد المواطنين داخل حجز قسم عين شمس
افعص هنا تفاصيل الخبر منشورة ف الدستور
وكان قبلها في يوم 17اغسطس طالبت الجمعية مع مؤسسات حقوقية
اخري بالتحقيق في واقعة مقتل طفل 12سنة بديوان مركز المنصورة
بعد اتهامه بسرقة باكو شاي وتم احتجازه مع البالغين ف الحجز
وتعذيبه بل دفنه سرا وتهديد اسرته
وفي 18اغسطس اعلنت الجمعية انها ستتقدم ببلاغ
للنائب العام لرفع الحصانة عن وزير الداخلية بسبب عدم
تنفيذ الحكم الصادر بالافراج الصحي عن أحد السجناء
افعص هنا وهتلاقي خبر عن التقرير اللي أصدرته الجمعية عن
التعذيب ف اقسام الشرطة خلال النصف الاول من اغسطس
وفي البديل هتلاقي خبر عن اتهام الجمعية للنيابة بحماية الضباط
الذين قاموا بتعذيب مواطنين وثبات التهم عليهم
ويوم 24 اغسطس اللي فات برده الجمعية قدمت بلاغ للنائب العام للتحقيق
في واقعة تعذيب سيدة عجوز وابنتيها في حجزقسم شرطة النصر
وفي 25أغسطس شاركت الجمعية في الدعوة لتشكيل لجنة
قومية من منظمات المجتمع المدني والنشطاء
ولسه لما يتناقش قانون الجمعيات الاهلية الجديد
في الدورة البرطمانية القادمة بعد ما الحكومة والوزرا
ما يرجعوا من مارينا _اللهم حسد_هي مش هتوقف
عند دار الخدمات النقابية والعمالية
اللنكات من الدفترخانة

1 comment:

أحمد سلامــه said...

هي حكاية التمويل دي مالها بتاكلهم ي قفاهم ليه كل شوية
مش يدورو على حجة جديدة بقى
يحى البطيخ
الأقرع