Sunday, July 8, 2007

أخيراااا خالد عبد الحميد بقي مدون


أخيرا وبعد طول مناهدة ونقار مع العبدة لله

وتليفونات كل يوم و أسئلة منه من عينة :


هو المدونة الفوﻻنية بتاعة مين؟


أو انتي تعرفي مدونة مش عارفة ايه؟


يا بني طالما انت مهتم خلصنا بقي واعمل مدونة


يقولك :ﻻ انا مش هبقي ....اليكتروني ابدااااااااااا


يا خالد دا لغة العصر


ﻻ مش ممكن انا عندي ايميل للشغل بالعافية.


المهم انا رميت طوبته من هنا وكبرت دماغي


وفضلت كل يوم أرد علي اسئلته وخﻻص


انا مالي : ﻻيغير الله بقوم حتي يغيروا ما بأنفسهم

لحد ايه؟ يوم لعلعت فيه الشمس ﻻقيته بيضحك ويقولي

وهو بيتمطع كدة : انا عملت مدونة

لولوللييييييييي يا الف نهار ابيض

والمدونة كدة حاجة علي ما اوسم

طيب يا جماعة خالد بما انه مش "كلب اليكتروني"زي ما بيردد دايما

هيرد أحيانا علي التعليقات

لما يكون فاكر اليوزرنيم والباسوورد للمدونة

متقلقوش ادينا بنحفظهم له

المدونة اسمها

كادرات النَوَري

7 comments:

mariamagdolen new said...

مبروك علينا مدون جديد

Anonymous said...

مبروك علينا خالد بس اللينك مش شغال

Anonymous said...

http://mycadres.blogspot.com/

اللینك أهو
:)

zenzana said...

mariamagdolen new
الله يبارك فيكي


مصري
فينك؟ غايب بقالك كتير؟
اه انا اتلخبط ف اللنك
وصلحته شكرااااااا
:)

BeLiEvEr said...

أنا معرفش خالد، بس قريت عنه كتير يوم لما إتمسك فى مظاهرة التعديلات الدستورية على ما اعتقد.
قريت عنه فى كتير من المدونات، و حتى فى المصرى اليوم كانوا كاتبين عنه.
يمكن معرفهوش، لكن شوفت و قريت قد إيه الناس بتحبه، و قد إيه هوه مأثر فى ناس كتير.
يبقى أكيد الراجل ده شخصية تستاهل
الواحد يقرالها
و متهيألى إن غحنا كسبنا مدونة جديدة الواحد ح يتمتع و هوه بيقراها

أنا عديت على المدونة على فكره، و عجبتنى قوى تدوينةرسالة لراندا اللى هناك، مش عارف بقى أحييكى إنت ولا أحييه هوه عليها
:)

تحياتى لك

Gid-Do - جدو said...

كتبت البوقين دول عند خالد فى اول تدويناتة

وانا نفسى امحى الفقر من العالم

نغسى الغى الظلم من العالم

ونفسى مصر تبقى احسن بلد فى العالم

ونفسى اكل كوز درة مع زنزانه على النيل

zenzana said...

believer

فعﻻ هو يستاهل
مقال المصري اليوم موضحش واحد علي ميه من خالد ورغم اني حاطة لنك للمقال اﻻ انه معجبنيش كتير بس اهو طشاش وﻻ العمي كله


جدو حبيبي

وانا كمان والله درة ع النيل
ونروح السندباد
وممكن نشرب حمص شام لو جيت في الشتا
:)