Saturday, July 21, 2007

الحقيقة أسمها مصطفي : بنتولد فرحانيين ..بنتولد قرفانيين




اول ما شوفت الصورة علي طول أفتكرت اغنية منير


بنتولد طاهرين ..شبعانيين ..بنتولد متلهفين علي صدر أم وكتف أب مرتاحين

واخد لي باللك من مرتاحين دي؟

أنا اضطريت اقول بنتولد مزنوقين علي

المعبر متبهدلين

كملوا الاغنية أحسن من ع البلوج


دي صورة مصطفي أصغر العالقين علي معبر رفح


أتولد في بيت فلسطيني علي الجانب المصري من المدينة


يوم 15يوليو اللي فات


بعد بنتولد جات في دماغي غنوة

بريء يا قلبي برئ


زي الطفل البرئ


برئ كقلب أمي


برئ برئ يا قلبي برئ


زي الحليب والزهور


أعدي نيل ورا نيل يقابلني سور ورا سور


برئ لكن غريب مع أحلامي اللي جاية


برئ برئ


ومين مالوش خطية


برئ برئ


ايوة انا عارف اسمي لكن مين سمانى ؟


مين اللي اختاره امي ولا ابويا وجيراني ؟


انا اسمي الحقيقة


مش فاكرة باقي الغنوة ودورت عليها عندي مش لا قيتها


لكن فاكرة جملة


وازاي هتكره ما دمت شايف بكرة؟


يا تري مصطفي شايف فعلا بكرة؟


و شايفه أزاي؟

الصورة هدية من يالالالي
اضطريت ارفعها وارجعها باللوجو
عشان حركات اللطش واللهف
خصوصا من الصحفي اللي عارف نفسه
واخد لي بالك؟

26 comments:

Bou-ME said...

يا قلبي يا زنزانة
والله وجعتي قلبي

حسبي الله و نعم الوكيل في اللي كان السبب ان طفل برئ زي مصطفى يتولد كده.....

أنا بقه افتكرت حته من أغنية ربك هو العالم بتاعة منيب
بتقول
دنيا فيها الغالب تاني يوم مغلوب تاني يو مغلوب


يا رب بس تاني يوم يجي بسرعة

sohier said...

أنا بس قلت اجى أقولك هنا مرسى أوى على تحقيقك إنت مش فهمه كلامك أثر فبا إزاى
:)

بجد شكرا و مرسى و كل حاجه حلوه

sohier said...

أسفه قصدى كلامك:)

التحقيق واكل مخى

Gid-Do - جدو said...

راندا

انا سبت التعليق دة عند احمد عبد الفتاح فى مدونتة ـ وبسيبة هنا لانى عاوز رد

-------

احمد

سؤال برئ جدا لانى مش فاهم

مين المسئول عن اغلاق المعبر ؟
اللى انا فاهمة ان دول فلسطينيين عاوزين يرجعوا الى غزة وشكل المسئولين فى فلسطين ـ سواء حماس او فتح او اسرائيل ـ هما اللى قافلين المعبر

اذا كان دة الموقف اية ذنب مصر فى كدة
ولية نتحمل اخطاء الفلسطينيين

ارجو الشرح وبدون انفعال وبدون كلمات حماسية وبدون هجوم على شخصى ـ ممكن

zenzana said...

مريم
بعد الشر علي قلبك مكنش قصدي

يسمع من بقك ربنا بس اليوم التانى مش هيجي كدة لوحده

zenzana said...

كبر دماغك
العفو يا فندم انت اللي عملت مجود رائع
عقبال كتير من الصحفيين ما يتلحلحوا
الف سﻻمة علي مخك وان كان التحقيق يستحق فعﻻ انه ياكل دماغك
:)
تحياتي

ذو النون المصري said...

و لما يكبر هيعيش اصلا ازاي
دا الشعب الفلسطيني كله الان في ماساه
مش عارف هي الان ماساه و للا ملهاه
تحياتي

Anonymous said...

رد علي سؤال جدو

ببساطه . . مصر هي اللي قفلت المعبر

ليه؟ . . علشان مش عاوزه اي تعامل مع حماس

ليه؟ . . اولا: حماس دي حركه اسلاميه و حكومه مصر مابتحبش اي حد من بتوع قال الله و قال الرسول

ثانيا: مصر بتحاول تثبت لأمريكا انها مش بتتعامل مع حماس بأي شكل . . خاصه بعد اتهام مصر "بالتقصير" في منع تهريب الاسلحه من سيناء الي غزه . . و تم بالفعل تجميد 200 مليون دولار من المعونه الامريكيه لهذا العام
و لم تنجح محاولات الحكومه المصريه و التي كان اخرها ارسال احمد ابو الغيط وزير الخارجيه و عمر سليمان مدير المخابرات العامه لواشنطن لنفي التهمه التي وجهتها اليها اسرائيل مما ادي الي تصويت الكونجرس الامريكي بتجميد جزء كبير من المعونه الامريكيه لمصر

كان نفسي أشتم . . بس عشان خاطرك بلاش المره دي

Desert cat said...

حسبى الله ونعم الوكيل
دول مهما كان عرب واللى اكتر من كدا بنى ادمين

Anonymous said...

واحد من صاحبي فلسطيني بيقوللي إن دلوقتي الظروف أسوأ من أيلول الأسود و السواد في الإتجاه للزيادة

دنـيـا محيراني(ايناس لطفي said...

و الله الواحد حزين و بيتقطع من جوا قلبه ايه ذنب الاطفال عارفه ذنبهم انهم عرب انهم فلسطنين
لكوا الله يا فلسطنينين
لكوا الله

Anonymous said...

اخص عليك يا مبارك

ترضي أمك تتبهدل البهدله دي

ماشبعتش نوم في القصور؟

ماشبعتش سرقه

كرشك لسه فاضي بعد 40 سنه

و احنا عمالين نعلف فيك زي الحلوف

و حتي لو ربنا رحمنا و افتكرك

المحروس ابنك محضر نفسه

عشان ياخدنا 40 سنه تانيه

بس والله الحق مش عليك و لا عل البيه الصغير

الحق علي الشعب اللي سايبك

تظلم و تسجن و تعذب

و تحاكم و تعتقل و تجوع


والله الحق ما عليك يا سيد البلد

احنا اللي عملنا في نفسنا كده

احنا نستاهل اكتر من كده

Anonymous said...

و الله مانا عارف اكتب ايه؟

بقي لي ساعه عاوز اكتب كلمتين أفش غلي

مش لاقي مفردات تقدر تعبر عن

الحكام العرب


مش ممكن دول يكونوا بني ادمين

و لا حيوانات


والله مش لاقي اي حاجه اعرفها

في الدنيا دي . . اشبهها بالحكام العرب


مخلوقات عجيبه . . كلها سفاله و نداله



العالم كله احتار فيهم

والله شئ لا يصدقه عقل


ليه بس يا مبارك يا خنزير

تقفل المعبر ليه؟

الناس الغلابه دي عملت لك ايه؟

ترميها في الصحرا

لا اكل و لا شرب و لا دوا


بتحب تعذب في الناس ليه؟

انت شيطان؟

انحلت سيور العربه وسقط المهر من الاعياء said...

مش عا رف اقو ل ايه


حزين اوووى
تحياتى

اتفضل عندنا said...

لا اله الا الله
كل ما نقول احنا وصلنا لاوطي و اوسخ مستوي في المعامله الحكومه تفشخ بقها وتقول لاء لسه، ربنا يستر علينا في الايام الجايه

صاحب البوابــة said...

لثقتنا الكاملة فى وطنيتكم وحرصكم على سلامة شباب الامة
ندعوكم للانضمام الى حملة

( افضحوا تجار الكيف )

وهي تهدف إلى تقديم كل ما تعرفه من معلومات عن من يقومون ببيع هذه السموم سواء كانوا فى منطقة إقامتك أوعملك أودراستك أو ناديك

والتفاصيل والبانارات على هذا الرابط

http://tw3ya.blogspot.com/

انتظر تفاعلكم

zenzana said...

جدو يا حبيبي
اسفة ع التأخير ظروف كتير الايام اللي فاتت منعتني من الرد

جدو هل انت متخيل انى اهاجم شخصك؟
او اني انفعل عليك؟
يبقي مش استحق انى اقول جدو حبيبي
:)

انا جاوبت ع السؤال عند حضرتك ف التعليقات بس باختصار
المعابر المتحكم فيها سلطة الحكم الذاتي والامن المصري والمراقبين الدوليين وكمان اسرائيل
المراقبين الدوليين اخدوا علي خاطرهم من حماس ومشيوا
دلوقتي في حماس ومصر واسرائيل
مصر واخدة الموضوع كورقة ضغط علي حماس ونوع من الحصار بس
فا بالتالي مش حماس هي اللي قافلة المعبر
هو مقفول من الجانب المصري يا جدو

بالمناسبة في مؤتمر عمان كان امبارح بيتناول مشكلة اللاجئين العراقيين ف العالم العربي
بالمناسبة مصر طلعت بهبرة معونات وفلوس بالكوم بما انها دولة مستضيفة لكتير من الاجئين العراقيين

zenzana said...

زو النون يا عزيزي

هي ملهاة بس هتخلص امتي؟
الله اعلم

zenzana said...

amr220

بتفق معاك طبعا
أقتطاع جزء من المعونة تم ربطه بتلات شروط

منع تهريب الاسلحة لغزة

مكافحة الارهاب

استقلال القضاء

zenzana said...

Desert cat

والله النظام بتاعنا معندوش واسطة

هم هيبقوا اغلي م الشعب المصري؟

لا طبعا زيهم زي الحيطة المايلة اللي عرتنا

zenzana said...

مصري
ايلول الاسود عام 1970

وغيره كان صراع قائم مابين فصايل فلسطينية مسلحة والنظام الاردني
تنازع ع السلطة ف المخيمات

لكن دلوقتي الوضع مختلف ناس محتجزة بدون تهم وتعامل معاملة غير انسانية
يعني ناس بني ادمين مش جيش بينازعك ف السلطة
طبيعي يبقي أسود
اقولك كارثة فلسطين م الاساس انها كانت قضية عربية

zenzana said...

دنيا

ذنبهم انهم افتكروا ان مصر افضل مكان للعلاج او للضيافة

zenzana said...

amr220

انت قلت كل حاجة
مفيش مزايدة علي كلامك

zenzana said...

االجحيم هو الحقيقه


الحزن لوحده مش كفاية

zenzana said...

اتفضل عندنا

انتي فين؟ وحشتينا


لا ولسه انتظروا الاوسخ

zenzana said...

صاحب البوابــة

شكرا يا فندم
جاري قراءة الموضوع عندكم النهاردة