Tuesday, May 22, 2007

عاجل ..أعتصام في شركة أيجوث اعتراضا علي فساد مجلس الادارة

تحديث 2
تم فض الاعتصام بمقر الشركة وتنفيذ بعض
مطالب المعتصمين بعد أن
اجتمعت لجنة مكونة من أعضاء بالنقابة العامة للسياحة والفنادق
واتحاد عمال مصر بتوصية من وزيرة القوي العاملة
عائشة عبد الهادي للتفاوض مع المعتصمين الذين أصروا علي تنفيذ
مطالبهم فتم الاتفاق علي الاتي :
أن يقوم ياسر عبد السميع المنقول الي الاقصر بالسفر
غدا بالطائرة علي ان تتحمل الشركة التكاليف ويقوم باستلام
عمله هناك ويعود في نفس اليوم ثم يبدأ اجازته
لتأدية الامتحانات وان يتواصل النشر في قضايا الفساد
وان يتم تحديد ما اذا كان سيتم فتح التحقيق فيها
ولكن بناء علي قرار النائب العام غدا
تم الاجتماع بعد ان تم استبعاد بعض
اعضاء اللجنة النقابية بالشركة المعروف عنهم
تضامنهم مع رئيس مجلس الادارة ضد العاملين
بالشركة وتم الاتفاق مباشرة ما بين المعتصمين واللجنة المكونة من
نقابة السياحة والفنادق واتحاد عمال مصر
@@@@@@@@
تحديث

مازالت المفاوضات مستمرة بين المعتصمين

ومجلس ادارة الشركة المصرية العامة للسياحة ايجوث

في محاولة من مجلس الادارة لدفع المعتصمين لتخفيض سقف مطالبهم

الي استبدال نقل ياسر عبد السميع الي الاقصر

بأجازة لمدة شهر لحين الانتهاء من امتحاناته بكلية التجارة

وان يتسلم عمله بعدها في الاقصر

وان يتم دراسة مطلب التحقيق في قضايا فساد الشركة فيما بعد!!

بالاضافة الي أن أمن الشركة منع دخول أي متضامن مع المعتصمين

من محامين ونشطاء المجتمع مدني فضلا عن منع

امدادات الاعاشة عن المعتصمين

كما صرح الاستاذ اسماعيل بدر المحامي

من جمعية العون المصرية لحقوق الانسان الي انه

سيتقدم غدا ببلاغ للنائب العام لفتح قضايا الفساد بالشركة

* ** * *** **** **** **
بدأ صباح اليوم في الثامنة صباحا أعتصام مفتوح


بمقر الشركة المصرية العامة للسياحة والفنادق أيجوث 96 شارع أحمد عرابي -المهندسين

أثناء اجتماع الجمعية العمومية للشركة الذي قد يتم الاطاحة فيه برئيس مجلس الادارة
نبيل سليم
بدأ الاعتصام بخمسة أفراد منهم عبد الغفور العرابي وياسر عبد السميع
ومطالبهم هي :-
1- التحقيق في وقائع الفساد التي تم نشرها بصحف الكرامة والوفد المصريتين والتى

تثبت تورط رئيس مجلس الادارة نبيل سليم و بطانته باهدار المام العام.

2 ـ الغاء قرار النقل التعسفى بحق ياسر محمد عبدالسميع الكرداسى الموظف بالشركة

الى الاقصر حيث اتهمه رئيس مجلس ادارة الشركة نبيل سليم بأنه وراء نشر فساد الشركة فى جريدتى

الوفد والكرامة لذلك ترقب الفرصة وأصدر له قرار نقل الى الاقصر فى حين ان ياسر بدأ امتحانات كلية

تجارة جامعه مفتوحة عين شمس امس الاتنين ولغاية 11/6
3- وقف اشكال الاضطهاد والتضييق بحق اعضاء اللجنة النقابية المنتخبين وهم أ نعيم أبوغضة وأ اسماعيل الشرقاوى

لانهم بالطبع منتخبين وعلى غير هوى نبيل سليم رئيس مجلس الادارة وحاشيته

كما يطالب المعتصمين بدعم المجتمع المدني ومنظمات حقوق الانسان

خاصة وأنه منذ الساعة الاولي للاعتصام

بدات المفاوضات مع المعتصمين من قبل امن الدولة و احد اعضاء مجلس الادارة

فرفضوا كل الوساطات والمفاوضات

أهم قضايا الفساد اللي في الشركة هو قضية بيع أرض مملوكة للشركة بميدان التحرير

واللي رسيت علي مجموعة من المستثمرين من ضمنهم سيادة

وزير الإسكان والمجتمعات العمرانية الجديد أحمد المغربي

تفاصيل عن الصفقة بين شركة ايجوث وشركة أكور المملوكة للوزير

وهنا كمان تحت قبة البرطمان

وملف كامل عن القضية في صحيفة الكرامة عدد 76 بتاريخ 14/5/2007

وفي جريدة الوفد بتاريخ
20/5/2007

وبنفس العدد
بصراحة اللنكات كتير


5 comments:

Xee said...

ما تتصوريش قد إيه بفرح لما أسمع خبر زي ده

ظاهرة الإعتصامات و الإحتجاجات اللي بقت في تزايد ملحوظ بتدل على إن المواطن بدأ مايسكتش على القرف

مش عارف ده بقى نابع من وعي زيادة ولا من كبت زياده؟

تحياتي لكل واحد بيقول لأ للفساد و القرف

زي

Anonymous said...

rand I do not know why I love, really
u r a wild person so wild, but also
so beauty, and very very smart
ur eyes tell so much and also ur smile
ur tricky smile. really we do not deserve someone like u, or may be we deserve someone like u, to help us from our povarety. may be abdalla how need u.
but any way I love u

BeLiEvEr said...

ههههههههههههههههه
يا عم الناس يتتغزل فيكى أهوه
اللى إداكى يدينا يا ستى
:)))

هوه انا بس مش فاهم، هوه البوست رومانسى قوى كده؟
:)))

و بجد بجد بجد، أموت و أعرف إنتى بتجيبى اخبار الإعتصامات دى من فين؟
بتشمى ريحتهم من على بعد ولا عندك حاسة سادسة خاصة بالعمال؟
و لا قلب الأم بقى؟

على العموم، انا متفائل خير بالإعتصمات الكتير دى، و فى رأى إن الإعتصامات دى لو فعلا كملت على كده، اكيد العمل النقابى حيتصلح، و العمل النقابى لو إتصلح هو ده فعلا حيكون التغيير اللى حيظبط وراه حاجات كتير فى البلد.

Good Work ya Randa, So great as usual.

zenzana said...

xxe

انا كمان فرحانة جدا
انا بالنسبة لي مش فارقة كبت ولا وعي؟
المهم ان في حد بينطق ويتمرد

zenzana said...

بليفر

بلاش حقد علي الزميل المجهول

هههههههههه

البوست فعلا رومانسي انت مش واخد بالك م القلوب الحمرا والورد المنتور علي جنب المدونة الشمال (ملحوظة والله ما اعرف مين الاخ اللي بيظبط فوق)

يا سيدي انت قولت اهو

قلب الام وانا قلبي ردار
دا غير ان في مراسلين للزنزانة في كل مصنع

:))))