Monday, January 22, 2007

كل سنة وانا طيبة




النهاردة عيد ميلادي، وبما انى مش متعودة علي الاحتفال به

قلت احتفل به اون لاين، بما انه تعذر الاحتفال به بعيد عن النت
او لانه هو دايما كدة حظي يجنن مع عيد ميلادي
اول مرة احتفلت به بجد ، كان عيد ميلادي الخامس والعشرين
بعد اصرار من صديقي احمد، فا بلعت الخديعة، بمزاجي، قلت لعل وعسي
ميحصلش زى كل 22يناير، قالي "تعالي نزور يوديت؟"قلت يلا بينا"، والحمد لله

مكنش زي كل 22يناير
افتكر عيد ميلادي الخامس، امي عملت كيك وبسبوسة، وعزمت كل عيال الحارة
لكن نظرا لسؤ فهم بيني وبين الجيران، حول ملكية البلي الازاز، ومين يركب العجلة الاول؟
استقرت منه زلطة ف عنيا اليمين اثرها موجود لليوم، ومتمتش الحفلة
السادس جدي توفي
السابع اخويا اندلق على دراعه الشاي المغلي، وبسببي
الثامن امي نسيت مفتاح الشقة جوا الشقة، وكان الحل قفز العبد لله
من المنور الي الحمام، انتهت بكسر رجلي.

التاسع ،كان امتحان نصف السنة، احد اصحابي الاشرار اقنعني

بالتزويغ للفرجة على الاراجوز،روحنا، اتفرجنا،واثناء المغادرة، دونا
عن الناس كلها، رجلي تتشنكل في كوباية ازازمكسورة، تقطع شريان صباعي الكبير
ومفيش امتحان.
عيد ميلادي العاشر، القبيلة حبت تعمل لي مفاجأة تجنن، حزروا فزروا عملوا لي ايه؟
بالظبط، تم القبض عليا، -بسبب حالات الهروب المتكرر، وكانت عملية الختان
بناء علي رغبة الجهامير!!

كفاية كدة مش ناقصة!!
المهم من ساعتها بطلت اصلا افتكر اليوم لحد عيد ميلادي
الخامس والعشرون، كان يوم برد ومطر، وزحل، لكن كان جميل
بعدها توالت، لحد السنة اللي فاتت
هتسألوني المرة دي ؟ هقول بدأت اتشائم تاني

حيث فشلت محاولاتي فى جمع كل الاصدقاء مرة واحدة

وكمان كتابة البوست دا تلات مرات، وكل مرة يضيع

، وكمان نسيت صور البوست ف البيت

حتى قررت ان مفيش احتفال ، اصل الفقري فقري

فقضيتها نت مع بعض الاصحاب،والحمد لله رضا

اوك اسمحوا لياقول حاجة لاصدقائي الصعايدة

فى الخارج
ciao tutti stupidi in casa volontarius
mimanchi italia e tutti voi!
sapero che racordatte ancora
nostre feste e casini
ieri era mio compleanno

c'e altri gente, ma ero
fouri di testa
penso a voi e nostri cazzini
susia canta con marco
e leine redire a loro
martin con sergo fanno le stupidi
mathilda fa bally dance
nurith e marija con il vino
bianco e tikila
e tommi con la gitara
sotto le stele e cielo di
bolzano
voglio questi giorni che
tornanno, ma
non lo so come?
al fina sette nell mio cuore
baccini
saluta!

8 comments:

Reformer1976 said...

وبما أنني أحد المجرمين الذين ساهموا في إفساد عيد ميلادك بالأمس بتكاسلي عن الحضور... أقول لك آسف وحاسس بالذنب جدا

بس يا أستاذة أنا عايز أقول لسادتك حاجة مهمة... نحن نتاج لما نختاره... لو اخترتي تصدقي إنك فقرية هتعيشي وتموتي فقرية... ولو اخترتي تصدقي حقيقتك من جوا - ولنسمها كما يسميها البعض - أسطورتك الذاتية، فلن يستطيع مخلوق أن يعيقك من تحقيقها ومن أن تكوني أنتي كما تريدين ... فصدقي الحقيقة ولا تصدقي وهم الحظ السيئ أو غير ذلك من الأمور السلبية

أقول لك نصيحة؟ خشي شغلي أغنية بمبي وإديها إشراق وتفاؤل

كل سنة وانتي أحلى راندا في الدنيا

whyme said...

كل سنه وانتى طيبه وربنا يعدى عيد ميلادك المره دى على خير


احسن العيد العاشر كان صعب اوى

و انشاء الله من هنا ورايح يكون دايماً عيد ميلادك اجمل ايام السنه
تحياتى
واحد جه يزورك فى الزنزانه

karakib said...

نظرا لكل الأحداث اللي أنت ذكرتيها عن عيد ميلادك يا زنزانه .. أنا بيتهيألي السنه دي و النهار ده بالذات لازم لازم تستخبي بقي !! :) مش ممكن يعني كده
كل سنه و انت طيبه
و عقبال 100 سنه
أن شاء الله السنه دي أحسن من اللي فاتوا يا رب

ذو النون المصري said...

ياااااسلاااام
عيد ميلاد زنزانه اليوم!!!!!!؟كل سنه و انتي بالف صحه و بخير يا ست راندا
انا سعيد ليكي اذا كنتي سعيده بعيد الميلاد
(لاني في عيد ميلادي مبكونشي سعيد)
انا تخيلت من كلامك عن النحس المصاحب ليكي في اعياد ميلادك انك شاركتي في كشف قبر توت عنخ امون و لعنة الفراعنه جت لك في اعياد ميلادك
كل سنه و انتي طيبه
كان نفسي افهم قلتي للصعايده بتوعك في الخارج ايه؟

ذو النون المصري said...

علي فكره يا راندا ممكن اعرف منك اي نموزج لكود صوتي علشان اختار لنفسي اغنيه لمدونتي ؟
و ياريت نموزج لكود صوره ؟اي نموزج لاي صوره علشان بس اعرف كيفية عمل النموذج الخاص بي؟
لكي تحياتي

zenzana said...

حاج جرجس منور
شكرا على مجاملاتك، وتصورك ان لى اسطورة ذاتية، لكن اهو اديك شوفت يوم عيد ميلادي انتهى به(اقرا البوست الاخير)،بمب هتكون البوست بتاع بكرة

whyme
اهلا وسهلا، طب اتفضل قهوة

كراكيب
يسمع من بقوك اللى زي العسل
لكن العينة بيتة والفقري فقري
يلاقي العضم ف جزمة حفصوتشا
حاولت استخبي لكن الحظ جالى لحد باب الشقة
ذو النون يا حبيبي
مش بتكون مبسوط ليه ف عيد ميلادك؟
عندك حوادث زيي؟
لو عاوز تعرف انا قلت ايه ؟
تعالي اعلمك ايطالي الاول
خد اول كلمة disfourtonato
يعني منحوس
ههههههههههه
بخصوص العداد والكود وكل الحبشتكنات
انا اظن جرجس ممكن يساعدك
بما انه حاليا بقي دكتور بلوجات
والست حفصة ممكن بما انها ممرضة مساعدة
اما انا معلوماتى عن الحاجات دى
زى الفيل البمبي ابو خمس زلاليم
هههههههههه
شكرا لكم
كل سنة وانتوا طيبين

ذو النون المصري said...

ماشي يا ست راندا متشكر جدا
و حكاية الفيل ابو سبع زلاليم دي كمان حكايه
لكي تحياتي

gay said...
This comment has been removed by the author.