كل سنة وهي طيبة
عيد ميلادها النهاردة 26يناير
عمري ما كان عندي صورة لسعاد حسنى
اعلقها ف اوضتى
وعمري ما دورت علي صورة
رغم حبي الشديد لها
مع اني في الغالب مش شاطرة
ف تذكر ملامح الناس
لكن استحالة انسي عيونها
وشعرها
الوحيدة اللى بتحسسني
ان البنت المصرية حلوة
مش هقول جميلة ولكن بخفة دمها
حلوة
زمان كان عندنا في البيت
تليفزيون ابيض واسود
صغير جدا
مكنش يفوتني فيلم
وكنت مصرة علي ان عيونها سودا
جدتي تقوللي بس ممكن تكون
عسلي وانا مصرة انها سودا
معرفش ليه؟
وبسببها في هذه المرحلة العمرية
كنت بحب البس جيب قصيرة
واطنطط علي سلالم البيتواحيانا اقص شعري
رغم ان طبعا مفيش حد شبهها
الا اني كنت بحاول
ابقي شبهها مش ف الشكل
لكن في اللاماضة
في الغربة كنت محظوظة ان معايا بعض اغنياتها
كنت كل فترة اختفي من الناس ف اوضتى
عشان اسمعها، او في المطبخ
مع فنجان قهوة مممممممم
لحد ما اصحابي لاحظوا ان
ممكن يطلبوا مني اي طلب
بعد ما اسمعها
فاكرة مرة سمعتها وكنت مبسوطة جدا
خرجت للبلكونة ومهمنيش
صرخت بصوت عالي
انا بحب سعاد حسنى
وسط ذهول الاصدقاء
الحمد لله الجيران كانوا بعيد جدا
زى كتير من الناس
اتفرجت علي كل افلامها
حافظة لمعظم اغانيها
وقفشاتها في الافلام
لكن هي الوحيدة اللى ممكن تخرجني من
زنزانتى
مش هقول زى أمل دنقل عن أهل المدينة
"وتناقلوا النبأ الاليم على بريد الشمس قتل القمر"
لان القمر لسه بيضوي
مش هتكلم عن ندالة الوطن معاها
لان قلبي بمبي مش اسود
والحلوة لسه صغيرة
علي الحب لسه صغيرة
15 comments:
بصي يا ست راندا
انا من اللي انتي كاتباه ده
اتأكدت من حاجه مهمه جدا
كنت بقولها لنفسي طول عمري
إن كل واحد مننا بيبقي شبه أبطاله المفضلين
وما تعرفيش من اللي بيختار التاني
إحنا بنبقي شبههم فبنحبهم
والا
عشان بنحبهم بنبقي شبههم
وعلي فكره
انتوا شبه بعض
سلام
الله يجبر بخاطرك، معنديش تعليق تانى
يا زعيم
الا هي يا رندا تفتكري
انتحرت
ماتت و قعت من البلكونة
و لا اتصفت جسديا من قبل المخابرات
و لو اتصفت هل كانت المخابرات الفرنسية تعلم او ليها يد في الموضوع و لو بالتستر علي الموضوع من منطلق احنا زمل و نخبي علي بعض خصوصا بعد ما ظهرت ايديها واضحة جدا بالخدمة التي قدمتها للام 12 او المخابرات الانجليزية في قضية عماد الفايد و اميرة ويلز
خصوصا و الملاحظ بعد الموضوع دة علي طول كم من العماليات التجارية الكبري التي تمت بين البلدين و خصوصا عقد استخراج الغز الطبيعي في ادكو و دمياط
تحياتي
وصدق من قال البلد دي ما فيش اخرص من البني ادم فيها
ya akhti 2albti 3allya elmawage3
ana kaman ba7ebaha wi bamoot feeha
rabina er7amha
ana kaman awel ma asm3ha 2albi enshere7
kol sana wi rou7ha taeyba
selamo 3alikooo
hafsa
min ghier modawana
:(
راندا
عارفة انى كمان بحبها جدا
مفيش حد شاف سعاد ومحبهاش كان عندها قبول غير طبيعى
سبحان الله ولم تقدم الشاشة بعدها من تملكت قلوب المشاهدين كما فعلت سعاد الحبوبة الشقية الرقيقة الانثى
فى ذكرى فنانة تستحق ان تذكر
تحياتى
سعاد حسنى
حياتها كانت مش سهله أبدآ
أسألونى أنا
أتعذبت كتير ومن الواضح ان جمالها كان سبب تعاستها
شهروزه عندها لينك عن مقتل سعاد حسنى
فى البلوج وأعتقد أن الروايه صح
وفى جميع الأحوال لن ننسى الشقيه
خفيفة الظل وصاحبت العيون الجميله أوسا سورى أقصد سعاد حسنى
تعيشى وتفتكرى يا راندا
طيب ليه مش بتكتبى بوست عنى
وعن حياتى وأهم أعمالى الدراميه والأغانى اللى غنتها عشان الأجيال التعيسه اللى جايه
الله يرحم كوكب الشرق أم فاروق
هيييه دنيا
كنت ناوي أعلق وأقول كلام جد بس قريت تعليق أوسة الساحق الماحق وخرجت من مود الجد خالص... هاقول إيه بس... الله يرحمك يا أووسا يا سندريلا الشاشة البرونزية
great, i am Hisham or Henry from Australia, Old friend to Kenawy.
Justr say every year 26 January,All the country go drunk,beach. it is the national day of Australia! cheers
Henry
QLD,Aus.
مش عارف اقول ايه صراحه لاني مش متعود اتكلم عن حزن او موت
لكن انا بحب جدا بعض اغنياتها اهمها طبعا بانوا
كانت موجوده و انتي شلتيها
علشان تعرفي قيمتها بجد اسمعيها و روحي اي قناة اغاني و اسمعي مقطوعي النفس و الخلف اللي بيغنوا هناك
شهروز عاشقه سعاد حسنى
شفتى الشعر اللى كتبته فيها
أيه حكايتك يا شهروز
وأنا اقول ليه شهروز مش بتعبر الرجاله
ههههههههههههه
يا كزوفى
بيتهيألي أني قريت مره أنها مش مصريه .. و أنها سوريه
هي كده أو كده عسلايه
هذه هى الدنيا
فى لحظة قد نفارق اكثر من احببنا
فى لحظة ينتهى كل شئ
فى لحظة تبقى الذكرى هى الشئ الجميل الباقى
تبقى الذكرة هى خير دليل على اعمال اثرت المكتبة المصرية و بقضايا
فلعلنا نتذكر سعاد حسنى فى اقوى ما قدمته فى السينما المصرية وهو فيلم الكرنك و الذى حتى الان مازال يثير ضجه كلما عرض على الشاشة الصغيرة
فما تبقى الا الذكرى الجميلة
نبتدي بكراكيب بما انه اخر العنقود ف التعليقات، سعاد حسني فلسطينية الاب، دخل مصر بعد اندلاع ثورة 1936 المجيدة في فلسطين، وكان معروف انه خطاط فنان.
عم النديم تاني معرفش افرح ولا احزن لما قلت عني اني شبهها، انا فاهمة قصدك لكن انت حيرتني.ربنا يستر ومتبقاش انت شبهي ههههههههههه
سي ياسر البرجوازي الاصيل، انا ميهمنيش مين اللى قتلها، لان سعاد اتقتلت الف مرة، وكان افظعها قتل الوطن لها نظام والاعم وناس.و لو كانت انتحرت يبقي هي اللي طلعت لسانها ف الاخر لهذا الزمن الحقير.
ستاتي انساتي حفصة و أوسا وشهروزة وتوتا ايه الهنا اللى انا فيه دا، انتوا هنا، الزنزانة نورت
ع العموم كل البنانيت الحلوين لازم يحبوا سعاد حسني زي ما الزعيم قال احنا شبه ابطالنا
اوسأوس وليه عرش مدغشقر وامبابة والوراق يا روحي هكتب عنك بوست اذا اخدتي جايزة المقشة الدهبية هههههههه
ايوة يا سي هشام ولا هنري اهو كلهم ولاد عم
بلاش وحياة ابوك تحنسنا وتفكرني بالذي مضي ايام العز والصرمحة، في نفس اليوم دا احتفال خاص بمدينة بولزانو، ايطاليا، وهو اليوم القومي للخمور
و بلاش بقي انا احنسك.
توتة يا حبيبتي احنا بقي عندنا زهايمر
شعب ياكل وينكر زي القطط، مع الاعتذار لقطط اوسا
شهروزة بتعرفي انا كان حلمي ايه؟
اللي معرفش عمرى ما دورت عليه؟
ان يكون عندي 2 بوسترز واحد لاحمد زكي والتاني لسعاد
هخلي قهرتي علي احمد زكي، في مناسبة عيد ميلاده مش وفاته
ذو النون حفاظا علي قواي العقلية من سنين طويلة فانا مقاطعة تليفزيون وصحف من زمان
اغنية بانوا دا اغنيتي المفضلة، ودى من افضل الاغاني اللي اتكلمت عن معني الظلم، لكن بطريقة ترقص قلبك علي همك
اوسا بلاش انتي مع شهروزة ، اذا كنتى انتى وليه عهد مدغشقر والوراق، فهي ملكة شبرا والجمالية وروض الفرج
لموا بقي الممالك دي علي جنب
بتفكروني بمصر قبل توحيد مينا للتلاتيني وباب اللوق
.
pegasuselmasry
مع احترامي لرأيك في سعاد وانما بلاش سيرة فيلم الكرنك بما انه حلقة من سلسلة تشويه الاخر في السنيما المصرية.
سعاد لها حاجات تانية اعتقد انها احلي \زى اميرة حبي انا
خلي بالك من زوزو
شفيقة و متولي مع احمد زكي
ياااااااه تعرفى اكتر ممثله او بمعنى ادق الممثله الوحيده اللى موتها أثر فيا بالاضافه لأحمد زكى بس هى مختفه تماما احمد زكى اخد حقه لكن سعا حسنى اتظلمت جدا ومن أقرب الناس ليها
يمكن موتها ده حسسنى بمدى التناقض اللى فى الناس وانها يكونوا حواليها فى شهرتها وفى مرضها بيقل الناس
انا بحب لهااغانى كتير جداااا زىالحلوه لسه صغيره وكانت ليها ذكرى معايا امى كانت دايما تغنيهالى لما كنت اتفرج على فيلم رومانسى
واغنيه بانوا بانوا بانوا على أصلكوا بانوا .. ياااااه فعلا بنت مصريه شقيه
الله يرحمها يارب
Post a Comment