Sunday, February 4, 2007

اياك تهزر دي فيها نص عمرك

اه لو عرفت اللى اتعمل في "هادي سعيد ال مطيف" المحبوس في سجن نجران


كان عنده 18 سنة عام 1992، واحد من اصدقائه قاله اثناء حديث بينهم صلي ع النبي

مش مهم دلوقتي رد هادي اللي قاله بكل تلقائية مرحلته العمرية

النكتة كانت سخيفة وبايخة لكن كانت نتيجتها ان الصديق نقل كلامه لاولي الامر

فترمي في السجن حتى الان بتهمة "الاساءة للنبي محمد" وفي عام 1999 كان المفترض

تنفيذ حكم الاعدام فيه لولا ان الملك فهد لم يوقع علي تنفيذ الحكم

الان قضي هادي 15سنة هي نصف سنوات عمره تقريبا في سجن نجران
هم زهرة شبابه وتدهورت حالتهالصحية والنفسية
وتمني الموت مرات و مرات وحاول الانتحار اكثر من مرة


الملك عبد الله للافراج عنه والاكتفاء بمدة ال15 سنة

هنا يطرح تساؤل هل يمكن محاسبة شخص علي نكتة ؟ مجرد نكتة

يقضي بسببها سنين طوال من عمره(نصف سنوات عمره) في السجن، دون الحق
في النوم ، التعرض للتعذيب، دون الحق في توكيل محامي للدفاع عنه، او حتي صدور حكم ضده .

نكتة تلقائية ؟ يعني مش كتاب منشور؟ او مقال في صحيفة
وان كان هذا لا يبرر الحبس بسبب النشر، ولكنه السائد

فهل ستجد المناشدة استجابة ؟

الله اعلم

12 comments:

yasser_auf said...

الله و اعلم اذا كان حيكون فية استجابة و لا لائة

عادي ماهم كل الحكام العرب صورة طبق الاصل من بعض

ودن من طين وودن من عجين

تحسي انهم يا كلهم من اب و ام واحدة " و مع ذلك طول النهار و اليل بيتخانقوا كما لو كانوا اعداء"
او كربونة من بعض يعني احمد ذي الشيخ احمد

zenzana said...

كان الحاج احمد من كام سنة مكنتش اعرف انهم غيروه

حفصوتشا ام مصطفيتش said...

هو الواحد يكتب الشهقة ازاي
اه و لا ازاي
و على العموم
ممكن اقولها بالمفتشر
احيييييييييييييييييه
و شووووووووووووووووووبش
بقى السعودية
و ملك السعودية هما اللي بيحاموا عن سمعة سينا محمد
هما يعني اللي بيحافظوا على الاسلام
احيه بجد يعني

alnadeem said...

وحياه ربنا
اللي بيحصل في الدول العظيمه اللي احنا عايشين فيها دي ما بيحصل في بلاد واق الواق
منكم لله عكننتوني ع المسا

منك لله يا حفصوتشا
موتيني علي روحي من الضحك بعد ما اتعكننت

شهروزة said...

لولا العيبة
كان الواحد عمل سلام اسكندرانى من اللى بيخرج من الأنف والنخاشيش كدة مصحوبا بصوت جهور
ويقال بعده لفظ ابن عم الأحية بتاعت حفصة بالضبط

========

قال السعودية اللى كل بيت فيها بيت دعارة وزنا محارم
حابسين عيل صغير على نكتة

والبغل اللى فتن عليه مأقاموش عليه حد الفتنة لية؟؟؟
ولما هى كدة بالعدل اوى والعدل حزقهم وطق منهم
فين الشهود اللى سمعوا الكلام دة
ولا كله فبركة والذى منه

ولا لما هى حلوة اوى كدة
مقطعتش ايد ولاة العهد والسعادة والفخامة والسمو من النهب والتهليب اللى شغال على ودنه الله ينور لية؟
ولا الحد بس ميقامش الا على الفقير لما يسرق علشان ياكل ويؤكل عيلته؟؟؟

على رأى حفصة
أحيــــة جامدة اوى كمان

karakib said...

أكيد ممكن ... بس اللي مخليه ممكن أوي كمية الغباء ... ثقافة عدم قبول الأخر للمره ال70000000000 الناس مش مستعده تقبل المختلفين عنهم في المجتمعات المقهوره المقموعه
الحيطان فالمجتمعات دي بيطلع لها ودان
موت بطيء .. الأسلوب التتاري في القتل
بقطع طرف طرف من الجسم و شيه علي النار و أجبار المحكوم عليه بأكل أحدي أطرافه ... يطيلون العذاب و الموت
الله يرحمه ... أن كان هيموت أو هيعيش الله يرحمه

ذو النون المصري said...

يا خبر اسود
خمستاشر سنه حبس في كلمه
شريعة مين دي؟و كمان دفاعا عن النبي محمد صلي الله عليه و سلم؟
اعوز بالله
حياة الانسان ده ادمرت تماما لم يعد فيها اي امل كي تحيا من جديد
يا تري ايه مشاعره الحقيقيه تجاه النبي و الشريعه الان؟
هل مازال كما كان مؤمن ام ترونه قد كفر؟ام هو خائف من الكفر بسبب نكته دمها مش خفيف شيعته؟
يا تري ايه حال من ابلغ عنه ؟و ايه مشاعره لما عرف ان زميله ابن النكته لازال في السجن؟عايش ازاي؟
انا فعلا مش قادر اتصور اشياء كثيره جدا بتحصل
ليه دا كله؟
و الشريعه خلاص ملهاش غير حتة عيل تقوم الدنيا و تقعد بسببه؟
حسبنا الله و نعم الوكيل
كده يبقي مفيش امل
اسباب تخلفنا و هزائمنا باقيه و موجوده يعني بلاش ندور الان علي اي نصر و ليه احنا مستغربين علي هزائمنا و عدم توفيق ربنا لينا هو بيحصل من فراغ؟
جايز الاخبار دي تريح الواحد و تطمنه ان النتائج الحاصله الان هي نتائج طبيعيه لا ظلم فيها
جايز ضغطنا يخف
ربنا يكون في عون اهله و عونه
كان نفسي نجمع مثل هذه الاخبار من كل المدونين في مدونه واحده تحت عنوان مثلا اسباب تخلفنا
او اين الاسلام هو الحل
او اي اسم اخر بحيث نواجه بها ائمة الكفر قصدي ائمة الدعوه و الدين و شيوخ النقاب والحجاب كي يقولوا رايهم
ده لوحده موضوع يستحق ان تقوم عليه مدونه كامله خاصه بيه وحده
جايز كثرة الاخبار اللي من هذه النوعيه في مكان واحد تكون ذات صيت اقوي من كونها متناثره علي اماكن متفرقه الموضوع ده لازم يكون قضية راي عام
سوري
مش قادر افكر بصوره جيده
دايما لما باقترح اقتراحات عمليه بتطلع مش مقبوله
ياريت لو صورته توضع جنب صورة كريم يكون احسن و الاحسن صورتين واحده لما دخل السجن و اخري له الان
ربنا يوفقك

Reformer1976 said...

آه يا كفرة يا زنادقة يا بتوع الدنمارك وبندكت ولبن نيدو وجبنة بوك اللي ف كاسات

مفيش واحد فيكوا يقول يستاهل قطع لسانه ولا واحد يقول يرجم ولا يتقطع منه أي عضو لكن بس فرحانين وبتهللوا لحرية الكفر والزندقة... ثكلتكم أمهاتكم وقال إيه السعودية وحشة والسعودية فيها دعارة... ناقص كمان يا كفرة تقولوا إن الشريف العفيف محمد بن عبد الوهاب تم تجنيده من قبل المخابرات الإنجليزية باستخدام الخمر والنساء زي ما قال الزنديق عادل حمودة ... طب يا زنادقة يا كفرة بس لما أشوفكوا

zenzana said...

واد يا كوكو هصدقك بعد كدة، مع انك حلقت دقنك ، ولا تلاقيها كانت بلاستيك
احنا بتوع لبن نيدو يا بتاع هات لنا ريري؟

حفصة ارسميها يا روحي
اهو شفت يا زعيم بنعكننك ونفرفشك زورونا تجدوا ما يسركم

شهروزتي قوليها يا روحي طلعي اللي كاتماه في مناخيرك مش عاوزة نفسك في حاجة وتكتميها
كراكيب انت فين افتقدك في بوست معرض الكتاب احسن تقول عليا بنطهدك لو مسألتش عليك علي اعتبار انك الجار السادس او التامن
ذوالنون بتصعب عليا انت وعمر لما تقروا عندي الاخبار الهباب دي

karakib said...

أنا موجود يا زنزانه بس كنت مسافر

koukawy said...

بصي يا ستي طبعا الحكم ده هبل اوي و
over
بس برضو الواحد يقول اللي ليه و اللي عليه مش معني انهم لبسوه سنين كتير و الموضوع ما يستحقش انه ما غلطش لأن المفروض ان في حدود لبعض الأشياه منها الدين مينفعش حد يرمي عليه نكت و يهزر بس الحكم طبعا هبل و تضييع لمستقبل طفل في النهايه

Anonymous said...

اولا ده مش حكم عادي للناس الي بتتكلم
ده ليه خلفيات عقائديه انه الشخص من الطائفه الاسماعيليه
والي مش قاله نكته يا شباب هوا قال بالظبط
صلوا على فصعة النبي

يعني استهزاء مباشر بالرسول
اعتقد لو ابوك او امك اتقال فيهم كده قدامك مش هتسيب الشخص ده في حاله اذا كان بقي النبي نفسه يبقي كلام حلو و جميل

في حاجات مش ينفع يتهزر فيها اصلا و دي من ضمنا انها مش بيسئ لشخص معين