Monday, February 26, 2007

تغريبة بني العريان



هي فعلا تغريبة قهر وترحال واحلام "صعبة بس جميلة" و كل
شوية لميي الخلاجات يا مستورة.
تجوله معاك يا واد عمي ولو لاخر الضهر
ما لي غيرك ولو غطاني القهر
اه ...يا ني
مكتوب علينا الشقي والعري
الشقيان يفضل طول عمره شقيان
والعريان بيحاول ميكونش دايما عريان
يقع ويصرخ ويقول مش قادر

لكن القهر يطلع له ف الضلمة زي العفريت
ويقوله : ولو هتفضل للأبد شقيان وعريان
يرد ويقول

ولامتي هتفضل صرختي جوايا متحنية بالصمت؟
ولامتي هيفضل الضهر محني بتلال الصبر؟
ولفين الترحال المرة دي والغربة أهل من ملوش أهل
وجناين وطني بعيدة مزروعة باللحم والدم

تابعت في احدي الصحف خبر عن بروفات "فرقة الزبالين" احقاقا للحق
لم اهتم كثيرا، لماذا؟.. لا أعرف
وعلي مدار الشهر تابعت حكايات صديقتي نانسي عن أطفال قرية الزبالين بمنشية ناصر

كنت سعيدة بما تحكيه نانسي مشدودة لتعبيرات صوتها ووجهها البرئ
وضحكتها الصافية عن مغامراتها مع الاطفال. اكتفيت بمجرد ابتسامة
ربما لاني لم أعد أندهش تلك الايام
أو ربما لان لدي الكثير من القصص عن المنطقة، وناسها

فرفيقة الجامعة ثم احدي جاراتي من أبناء منشية ناصر
ولم يكن هناك فرق كبير بالنسبة لي بين قصة حياة

"نسمة"، أو "صابرين" جارتي فاللأثنتين النشأة نفسها

والاصول الصعيدية التي ظهرت جليا في اللهجة رغم

انهن من مواليد منشية ناصر ولم يعيشن بالصعيد منبع العائلة

وأقتصرت الصلة علي مجرد الزيارة حين يشاء المولي
جمع بين الاثنتان الاحساس بالقهر
نسمة رغم وصولها الي الجامعة فلم تستطع التحدث مع كثيرين عن
حياتها في منشية ناصر(المقطم /الدراسة)، حتي أن الصلة

بين اسرتها وبعض اقارب من العائلة الذين يعيشون بالقاهرة

كانت مقطوعة، لآن والد نسمة جامع قمامة.
كما لم تتزوج نسمة من خارج منطقة المقطم
انطبق الحال علي صابرين المتزوجة من ابن خالتها
القاهري، وان كان "صنايعي" يعمل بيديه الا انه
يخجل كثيرا من عمل اسرة زوجته وبنت خالته
وأحيانا تقابل أراء صابرين باستهجان داخل اسرة زوجها
التي هي في الاساس اسرة خالتها، "مش فاضل غير الزبالين كمان".حتي
أنه ذات مرة استبعد اخوة صابرين ووالديها من حضور حفل زواج
أحد ابناء العائلة التي لاتعمل في جمع القمامة، علي
خلفية كيف يمكن تقديمهم للمدعوين؟


تواردت كل تلك الحواديت والحكايات اليوم

فقد دعتني بالامس صديقتي الوديعة نانسي

لحضور عرض "صرخة العريان" و الذي يقوم بتمثيله

بعض أبناء منشية ناصر من جامعي القمامة
لم تكن لدي النية بالذهاب ولم أعدها بالذهاب
ليس ترفعا بل تعبا و قهرا

وكانت خطتي الاكتفاء بفنجان قهوة مع صديقي العزيز النديم
وانتظار عودة نانسي واحمد من العرض المسرحي
ولكن ذهبت لرؤية أحمد قبل موعد العرض وحين حضرت نانسي
مجهدة متسائلة عمن جاء للذهاب للعرض؟ ومن اعتذر؟
لم أجرؤ علي التصريح بنيتي
خوفا من نانسي
ولذلك بدأت أسأل عن خطتنا في الذهاب الي مدرسة "دو لاسال" لمشاهدة العرض

بل ساعدت في حشد بعض الاصدقاء للذهاب معنا من أجل نانسي

وفي "دو لاسال" الواقعة بميدان الضاهر تقابلنا مع الممثلون و عائلاتهم

بدأت ميس ليلي بتقديم العرض وفكرته واعتزازها بأنه يحكي تغريبة

جامعي القمامة ورحلتهم علي مدار أكثر من خمسين عاما

عمر ترحالهم من الصعيد الي القاهرة وضواحيها
وانه جزء من التاريخ .
يستحق الفخر


علي دقات طبول أشبه بطبول الحروب
وكأنه تمهيد علي ما سيخوضه جامعي القمامة من معارك

بدأت بميلاد بطل العرض "العريان"بالصعيد الجواني
وكانت أولي معاركه ميلاده بين وديان الذل والمهانة
فلاح أجير للباشا محني من لسعة الكرباج
..ف "لمي الخلاجات يا مستورة"زوجته وبينا علي مصر
"لموا الخلاجات وتركوا الوديان..وصلوا العصر والقلب معصور عصر"كما قال راوي المسرحية
وفي عزبة الورد حط العريان الرحال..ومرة تانية وتالتة "لموا الخلاجات"ويحط الترحال
سوق الاحد..أمبابة..
ونلم الخلاجات لكن كيف نلم القلب اللي انخلع؟
"أحنا مسافرين في بلاد الله مش عارفين
نبكي ولا نغني"
ويحط الرحال في الارض الواسعة اللي ما فيها غير تراب وحرارة
"أخر المرسي..صعبة بس الاحلام جميلة"
لكن مثل كل مرات الماضي المريرة يصدر الباشا أمر الترحال
وعند أقدام الجبل يسقط العريان صارخا
" يابوييي مش قادر"

ألف تحية لابناء الزبالين بمنشية ناصر، وأبطال العرض
ومنهم أتذكر بعض الاسماء أدهم فوزي في دور العريان
ومينا راشد الذي قام بشخصية الراوي، للتغريبة، ويمكن اعتباره
البطل الحقيقي للعرض، فقد أستطاع لفت الانظار اليه بأقل مجهود
كما تلون مابين أكثر من شخصية ضمن اطار شخصية الراوي
غير الابطال جاء الحوار في جمل بسيطة متماسكة وليست مسطحة
أما الازجال فكانت الفواصل ما بين المشاهد بهدف الاستراحة
الا انها تكاملت مع المشاهد والغت الراحة وولد من رحمها
التفاعل مابين الجمهور وخشبة المسرح.

so i were so glad to be there
ربما لم يقلل من متعة مشاهدتي للعرض الا
ثرثرة وسخرية الجالس في المقعدي الواقع خلفي
رغم أن البعض عرفه للبعض الاخر بالشاعر العظيم
والفنان الفلتة!!
أخيرا أثبتت التجربة وهي في المهد أن الفن يحمل مصير
الانسان بين كفيه..يملك بعض قدره..يغير بعض من وضعه
وصورته المنمطة. فهل يجد أبناء الزبالين من يأخذ اليد الممدودة؟
مجرد سؤال؟

34 comments:

Anonymous said...

انا اسف يا راندا وغيرت الصوره ونزلت اعتذار
إسلام حنفى مدونه الحريه

Anonymous said...

إيه يا واد العفرتةدي كلها !!! تغريدة بني العريان..وفسرتيني وحللتيني ورسمتي مستقبلي المشرق في عالم المدونات، ودخلتيني في الهلاميات والبؤرة..شكلك لذيذة ولا إيه..بس زعلانة منك في حاجة واحدة: الحج جرجس مش بيسلم حد للذئاب..عشان كدة تبقى وحشة قوية يا زنزن..بس يا ستي حتى ولو، انا روحي رياضية والذئب أصلا هيخاف مني..وشكلي بعد كدة استرها علينا يا رب إلى جانب يرحمنا ربنا

Anonymous said...

قصدي أقولك : شكلي بعد كدة هاقول أسترها علينا يارب إلى جانب يرحمنا ربنا

Anonymous said...

what u wrote in this post, make me
very confused, I thought that, I belive in God, but after that, where is God and what is the meaning of humanity, I know very will I have nothing to do to change the jungel which we live in, and I know every kind of charity or bety is some kind of insulting those (kind of people)
do we really the advocator of human rights, have any human sense, or we belive in humanity, I think we only belive in our self, we are so selfish, and behave as we are so kind and have all mersy for those people.
are we treat them really a people!!
or what?
after such post, I want to convince my self that I am a rich animal, have good life and education and every day I eat the flesh and drink the blood of those people to live on the plant earth.
because if,I am a really human being I will not accept such life.

zenzana said...

هاي اسلام متكبرش الموضوع دا انا بس بنكشك

يرحمنا ربنا
بما انى من المتابعين لمدونتى النديم والحاج جرجس بلاحظ المعلقين الجدد، وكان حضرتك من ضمنهم وكل اللي قصدته الترحيب بيكي ليس اكثر، خصوصا ان عجبنى تعليقك عند جرجس وجملة باباكي يرحمنا ربنا(مش سخرية انا فعلا عجبتني الجملة ولو انها مش جديدة
بخصوص الذئب انا أكيد بهزر
بخصوص جرجس لاننا اصدقاء واعرفه كويس
ثم الواضح ان مبيهمكيش ميت ذئب مدونات يبقي خلاص مش هتضطري تقولي
استرها علينا يارب وان كان دايما الدعاء بالستر موجود
اهلا بيكي ف عالم التدوين رغم انك قولتى اني وحشة جدا

جبهة التهييس الشعبية said...

زنزانة

أول مرة أجي مدونتك

كنت في دماغ ماك باقرا عن موضوع المصريين اللي اتعذبوا في السودان

وقريت تعليقك حسيت انك ذكية وبتفهمي ومدقدقة وعارفة ابليس مخبي ابنه فين

ولما دخلت مدونتك لقيت ان استنتاجي صح
على رأي شهروزة
هاتشي بوسة

اممووواه

جبهة التهييس الشعبية said...

فهمت من التعليقات ان اسمك راندا

طيب ح اقول لك راندا عشان مش معقول ح اناديكي زنزانة يعني مستوهيالي

المهم يا ستي

بعد اطلاعي على تعليقاتك النارية اللولبية على مدونة دماغ ماك

ثم اشفعت ذلك بأن شرفت بزيارة مدونتك الرائعة

مع الوضع في الاعتبار انك من مواليد برج الدلو الذي احترمه بشدة

فقد قررنا أن نضع لينكا لمدونتك مهيبة الركن في مدونتي المتواضعة

ومن فرط تحمسنا لمدونتك كتبت اللنك كالآتي: زنزانة...فخر الصناعة المصرية

واعتبارا لما سلف

فإنني أتقدم لسيادتكم بعد وافر الاحترام والتبجيل بطلب الزيارة من طرف جنابكم الشريف إلى مدونتنا المتواضعة راجين من الله - ولا يكتر على الله - أن تحوز إعجابكم آملين ألا تبخلوا علينا بملاحظاتكم وانتقاداتكم إن لزم الأمر

وتفضلوا بقبول وافر الاحترام

كانت معكم من الكاهرة

جبهتش التشهييس الشيعبية الشهيرة بنوسة أو أم عيلاء

مش ح تقدر تطرقع ايديك

zenzana said...

يا نهار ابيض قائدة جبهة التهييس هنا مش مصدقة؟
اولا انا اعتقد اني شفتك النهاردة مع مامتك في تأبين وداد متري هل دا صحيح؟
تاني حاجة انا بتابع مدونتكم المصون من زمان جدا وكمان اميرة التلاتيني أوسا
بس بصراحة كنت بخجل اني اعلق أحسن تتفهم علي انها اعلان "شرفونا بالزيارة" معلش اصلي بتكسف شوية
بالنسبة لموضوع السودانيين انا عرفت عبر صديق بالموضوع في نفس يوم الحدث بس كنت مستنية أتأكد من صحة الخبر وبعدها كنت بلا فشخرة ولا منظرة أول حد في مصر ينزل الخبر وطبعا اخوانا السادة اسطوات التدوين لم ينسبوا الخبر لمصدره الاول ونسبوه لموقع سودانيزأون لاين اللى أنا أخدت منه صور الخبر دا غير ان بعضهم مشي في ديل المصري اليوم ونزلوا اخبار مضروبة
هههههههههه معلش أصل انا صديقة عمر قناوي وشكلنا كدة الفقر عارف صحابه ولا الكحكة في ايد اليتيم عجبة

المهم انتي نورتيني جدا جدا
احيانا كنت بشوف تعليقك عند أوسا أو حبيبتي شهروزة (يا رب تيجي تزورني ومعاها الفسيخ زي ما وعدتني)وكنت بقول امتي هتغلط وتيجي الزنزانة؟ وكنت بقول يا بت اعقلي البنانيت الحلوين دول ايه يدخلهم الزنزانة؟ ههههههههه
السلام أمانة لأوسا
راجعي تعليقي عندها علي اخر بوست كنت كاتبة رسالة ليكي

دا طلعت ولا خطبة الجمعة
تعليق طويل يليق بيكي
شكرا جدا جدا شرفتيني
شكرا علي اللنك انا جاية ازورك طبعا
بس خليني الصبح أحسن عمك عبد القادر ياسين مستحلف لي بعلقة لو مخلصتش دراسة معقربة معايا بقالها شهر

Anonymous said...

يا زنزن يا أختي باقولك : كدة تبقى وحشة ..مش تبقي وحشة..في نقطتين تحت الياء الأخيرة.... انا أقدر أقول ان انتي وحشة ..انتي سكرة..دة شكلك انتي اللي هتفتحيلي المدونة مش الحج..بس صدقيني كنت لسة ياقول لجوزي امبارح على قد ما الواحد كان متحمس للموضوع_ أقصد المدونات_ على قد ما حسيت انه عالم كبير قوي وسهل الواحد يتخبط قوي فيه..ويتصدم..بس جوزي قاللي : انه مهم ان الواحد ينخرط في العالم، ويتعرف على الدنيا اللي هو ما يعرفهاش..قلت له بس أغلب المدونات جوها السائد هو الاكتئاب..ودة طبيعي..بس مش الأحسن ننشر جو فرايحي كدة ..قاللي إنه فعلا أغلبها كئيبة..بس أقولك سر؟؟..

zenzana said...

يا ستي ميهمكيش انا وانتي هنخليها فرايحي ونقلبها مراجيح كمان
متقلقيش
جو الاكتئاب بين المدونيين مش للأبد
عندي مثلا هتلاقي حاجات اكتئابوية لكن برده هتلاقي حاجات فرايحي
انا طبعا تحت امرك ف موضوع المدونة بس انا لسه تلميذة للحاج جرجس
انتي باين انك تعرفيه انا هفكره يعملك مدونة لوكس ع المفتاح
نهاره فل يا فندم

Anonymous said...

انا جبت سيرتك امبارح..وحكيت على التعليق اللي انتي قلتيهولي مع زوجي...أصل أنا باحترم قوي البنات الدماغ، وانتي _بسم الله ما شاء الله_ دماغ عاليةومتكلّفة...وجريئة ودمك خفيف ..جعلكي الله ذخرًا لبنات جنسك جميعًا..وخلي بالك من نفسك يا راندا يا حبيبتي...اسمحيلي أقولك راندامش زنزانة..ما دام بقينا أصحاب...ومادام عجبتك، إذن فلنرددها عاليةً معا: فليرحمنا ربنا

zenzana said...

الاخ المجهول اللى كتب بالانجليزي اسفة اني مردتش عليك
بس مش عارفة اقولك ايه بخصوص مسألة اعتقادك
بس اقولك انا عندي نفس احساسك وبتفق معاك فيه ، امال لو كنت شفتهم بنفسك واتعاملت معاهم؟ بتعرف ان صديقتي راحت معاهم قبل المسرحية بيوم الي اهرامات الجيزة بلاش اقولك علي المهازل اللى تم التعامل معاهم بيها لان ملابسهم وشكلهم كان متواضع لانهم غلابة
اسكت احسن انا حزنت لما سمعت الحكايات و عندي احساس بلاش اوصفه لانه غاضب وعاصف جدا
شكرا لك نورت الزنزانة

zenzana said...

انتي سكرة انا طبعا يشرفني صداقتك
انا يا ستي ولا دماغ عالية ولا حاجة دا انا علي ادي خالص وهتلاقي كتير احسن مني ف الدماغ بين المدونيين والمدونات
انا فعلا بحب اسم زنزانة ولما بقابل حد من المدونيين تلاقيه بيقولي زنزانة مبقتش استغرب
اسم زنزانة جه في بالي وانا بسمع غنوة اتجمعوا العشاق ف الزنزانة
للشيخ امام
المهم انا مبسوطة انك بتابعيني ومش زعلانة مني
بس خللي بالك من الذئب ههههه

zenzana said...

مريم
اسمك مريم عرفت حالا من مدونة النديم
اعز انسانة ليا اسمها مريم بنت اختي عندها اربع سنين لكن من وجهة نظري هي اكتر حد بيفهم في الدنيا
كمان عندي تخمين انك أخت حد اعرفه بس مش هسيح واقول مين
اوك؟

Anonymous said...

الله يسترك يا زنزن ..انا الشعب حبيبي وشرياني أهداني بطاجة شخصية.. والشعب الطيب والديّ..والمهنة باناضل باتعلم تلميذ في مدرسة شعبية..وبعدين مش عايزين تسييح؛ علشان انا هو قفا واحد بس ولا قلمين واعترف بكل حاجة، وأبقى جوة زنزانة..بس مش زنزانة حنيّنة زيك كدة...وبعدين مت تقوليليش هاعترف بإيه...اناما عرفش حاجة ...بس برضه هاعترف..وتحياتي لأحلى دماغ..زننننننزن..سلام يا جميل، ولا أقولك شارلوك هولمز...وربنا يرحمنا جميعًا...آه ابقي ادخلي عند إبيتاف..عاملة موضوع تحفة..يالا باي
مريم

zenzana said...

هههههههههههههه يبقي انا صح في تخميني
يا مريوم
اشوفك بقي علي خير

جبهة التهييس الشعبية said...

مراكز حقوق الانسان ايه

ما انت هارشة فولتهم وانا عجبني تعليقك على مركز الجنون لحروق اللسان اللي كنتي عاملاه عند ماك

يعني انت عارفة انهم شوية قهوجية

ثم ان احنا مش عايزين نطلعه من السجن ولا حاجة اصلا دي محاكمة عسكرية مافيهاش استئناف

لكن عايزين نشوف اهله محتاجين ايه وهو محتاج ايه في السجن

عشان كده بتوع حروق اللسان مش ح ينفعونا غير في الحملات والتوقيعات والبيانات لانهم زي ما انت عارفة مش بيدفعوش بيقبضوا بس

خدي الميل بتاعي

nawaranegm@yahoo.com

ذو النون المصري said...

اذا شعر احدنا ان شخص ما ينظر اليه بعدم احترام او انه يقلل من شانه فانه يتالم اشد الالم و اقساه
فما بالك بانسان تحول في نظر الناس الي زباله
هو نفسه كانه مخلوق من زباله و هم من طين
و يظل علي هذه النظره منهم مدي حياته
كيف يعيش بينهم؟
بالطبع حياه مؤلمه او هي اللا حياه

المصري افندي said...

يوم كسروا حاجز العيب

كتير منا بيحس انه اقل من غيره
ماديا او معنويا
لكن مش كلنا بنتعامل مع الواقع
فيه اللي بيرضي بيه
و فيه اللي بيتمرد عليه
وهو ده اللي اسمه الأمل
لي ذراع الدنيا
لا يا دنيا انا استحق اكون احسن
و حأكون
وزي م عمنا صلاح جاهين بيقول
انا اللي بالامر المحال اغتوي
شفت القمر نطيت لفوق في الهوا
طلته مطلتوش ايه انا يهمني
مدام بالنشوي قلبي ارتوي
من حقهم يحلموا ويتمردوا
و هي ده البداية
مش مهم النهاية الهم انهم يحاولوا
و يكسروا كلابشات الواقع
اللي الناس قيدتهم بيها
من هنا البداية والثورة قادمة
لا محالة
افهم بقي ياللي قاعد علي صدرنا اله يقطع نفسك

Anonymous said...

هو فعلا العرض كان جميل على الرغم من أنه كان بابسط الامكانيات لكن كان مؤثر جدا وخاصة ان معظم اللى قدموا العرض كانوا فعلا متمكينين، بس المشكلة دى هل هى في الزبالين وبس ولا موجودة مع ناس كتير زى الناس اللى بيشيلوا قرفنا والبواقى بتاعتنا عشان يبقى المكان اللى احنا فيه نضيف مش قصدى على "نظيف" لكن اقصد نضيف ما الفران والبياع السريحة والجزمجى اللى بيبقى قاعد فى الشارع بيلمع جزمنا الوس......... ما علينا كله محصل بعضه خلينى احسن تايه مسطول ولا كأنى عايش ومش فاهم حاجة أحسن ما يجرا لى حاجات تانية ولا إيهههههههههه

Anonymous said...

على فكرة انا اعلنت انضمامى وياريت يقبلونى في جبهة التهيس والغيببة الشعبية ههههههههههههههههههههههههههههههههه

zenzana said...

جبهة التهييس
انا غاوية احط الاشخاص أو المؤسسات المدعية او المدعين في خانة اليك بس ادي كل الحكاية لاني بقرف من الادعاء والنفاق الاجتماعي وعليه جربت السكة دى شكرا علي الاميل جدا

المصري افندي اهلا بيك
المصري وذو النون والاخ المجهول
دا في كل المهن المهمشة بلا شك
لكن المجتمع هو اللى فرض ده الي حد ما
لان المجتمع عموما بشوف نفسه وهو نضيف بس لكن مش بيشوف نفسه قبل النضافة وبما انه مبيحبش عدم نضافته فا بيحس ان اللي بيخلصه منها احسن منه والعين متكرهش الا الاحسن منها
انا لي صديق اوروبي بيدرس يعني مدرس في احد الاكاديميات الكبري في ايطاليا فن ورسم مرة زورته في بيت اسرته لاقيته معلق صورة والده بملابس العمل في حجرة الاستقبال بتعرف والده بيشتغل ايه؟ ايوة ريس كناسين اكيد في فرق بين كناسين هنا وهناك بس كل الحكاية ان نظرة المجتمع مختلفة انه بيقدر قيمة العمل اولا ثم قيمة عمل شايفه مهم بما انه بيشيل بلاوي المجتمع وصديقي لما كانت في مناسبة انه يتكلم عن والده وعمله بيتكلم باعتزاز من غير ادعاء
عزيزي المجهول اسفة اني خرجتك من مود السكر (مش سخرية)لكن دا الواقع

Anonymous said...

زنزن يا أختشي ...عاوزة آخد رأيك في موضوع بما إنك خبرة عني في عالم التدوين ...أصل أنا جالي عرض_ما تخافيش مش ذئابي_ لكن عرض إني أمسك مدونة بتاعة واحد ويعني نعمل المواضيع مع بعض...أو أنا أشيلها معاه..وطبيعي احنا فكرنا منهجه واحد...بس وكدة يبقى وفرت عليكي موضوع ان انتي تفتحيلي واحدة...قلتي إيه؟؟؟بس هي المشكلة ان مدونته مالهاش زبون...هههههه...قصدي ان انا نفسي يبقى عندي قراء أقدر أتناقش معاهم في المواضيع اللي هاعرضها...
كنت عاوزة كمان أستأذنك في حاجة: ممكن لما نعمل مدونات تفاريح ومراجيح، أبقى أمسك أنا رئاسة المراجيح في مولد النبي...انا داخلة التدوين على طمع...بس هاشوفك بنسبة صدقيني...بحب اكتب تعليقات عندك علشان انتي لذيذة...ويرحمنا ربنا يا أختي من الطمع والطامعين
مريم؟؟؟

zenzana said...

أوك يا مريم موافقة علي النسبة زي بعضه، بس ليه مولد النبي بس، انا كمان بشجع مولد الماري جرجس وهكون هناك مع بعض الاصدكاء الاحتفال القادم

بقولك موضوع المدونة الشرك دي بلاش هتبقي عاملة زي الدكان الورثة انا مش بحبه
ياستي انوي بس انت وهتلاقي المدونة متشطبة لوكس ع المفتاح وانتى عارفة مين اللي هيشطبها انا بس هتفشخر قدام الحاج اني اقنعتك بس
فخيمتي؟
يلا حاولي تلاقيني ع الماسنجر

Anonymous said...

بصراحة يا زنزن نفسي موووووت أشوفك على المسنجر...حتى نبقى عيلة ف بعضشينا...بس بالنسبة للمدونة كلام في سرك بس أوعي تقولي لحد هي بتاعة جوزي فكدة مش ورث...وكمان هو مهندس يعني نديله هو المقاولة دي مش يبقى أولى؟؟؟ولو إن كلامك مقنع برضه....بالنسبة لمولد مارجرجس أنا معاكي فيه بس انتي هتاخدي نسبتك لوحدك الأصدقاء دول انا مش هاديهم حاجة|....ول ان معرفة الناس كنوز....حاولي انتي تلاقيني ع المسنجر بقى....ويرحمنا ربنا يا أختشي
روما(دة الدلع بقى)

zenzana said...

يا ستي الاميل هيوصلك النهاردة عبر الوسيط ههههههه يا رب يرحمني ويفتكر يبعته لك لاني مش عاوزة اكتبه ع المدونة
بالنسبة لاصحابي ممكن نتوهم ف المولد لحد ما نتقاسم
يا روما خليكي استقلاليةبما انك من الستات الجدعان، والمسائل التقنية مش هتخوفنا دا الحاج بس علمني حبة بعدين بقيت بشرف عليه تقنيا هههههه
مع احترامي لزوجك العزيز

Gid-Do - جدو said...

راندا

اول مرة ادخل زنزانتك النهارة والحقيقة قضيت وقت ممتع مع اللى كتبتية وكانت القعدة فى جنينة مش فى زنزانة لدرجة انى قريت معظم اللى كتبتية ولما روحت البيت كتبت دعوة للاصدقاء فى مدونتى بانهم يجوا يشوفوا بنفسهم ـ اشكر الصدفة اللى خليتنى اعتر على مدونتك وان شاء الله حكون هنا دايما لان اللى بيكتبوا كتير بس اللى عندهم القدرة على تطويع الكلمة ويخلوا الكلام من القلب للقلب زيك كدة مش كتار ويمكن يتعدوا على الصوابع ـ تحياتى

karakib said...

حي الزبالين
عارفة أنه المنطقه دي كلها تعتبر عشوائيات و ما بتتجمعش علي تعداد مصر ... أنا عشت وسطهم لمدة أسبوع مدرسة دي لا سال الضاهر دي مدرستي أساسا و كنت باشترك في نشاطات المدرسه كلها و منها أني قعدت وسطهم كتير و أطول فترة كانت أسبوع
أولا هما عندهم مشاكل كتير زي القزاز المكسر اللي مرمي وسط الزباله وبيجرح رجليهم و هما بيفرزوا
يعني مش بس مشكلتهم في نظرة المجتمع ليهم كبني أدمين مالهمش قيمة لأ ده كمان الشغلانه بتاعتهم فيها قرف كتير

شــهــروزة said...

أمممممم
فكرتينى بموقف بيمر عليا كل يوم تقريبا رغم اننا مش زبالين

وانا قلته عندك هنا قبل كدة فى موضوع المترو اللى كنتى عاملاه

=======
انتى يا بة
روحى عند جدو شوفى عامللك بوست مخصوص يا ستى
مين قدك بقا دلوقتى يا شابة؟؟
عامللك دعاية بمليون جنية
========

نوووسة الكوانووسة
شفتك يا اؤختشى انضميتى لسجناء الزونزانة
طيب ودينى مكانتش ناقصة الا وجودك
عشان تبقا التوليفة كاملة

هاتشى بوسة منك ليها بقا
أموااااااااة على بوزك انتشى وهى

شــهــروزة said...

رندوووش
بالنوسبة للفسيخ متخافيش
جارى اتاخذ اللازم وتجهيز معاد المأمورية الجديدة للاظوغلى

ومن دلوقتى بأفكر فة أحجام الفسيخات اللى تنال رضاكم أفنزم

بس البصل عليكم بقا علشان الشيلة
نيااهااهااااا

Anonymous said...

لحد دلوقتي ما جانيش الإيميل بتاعك...وسمعت عن حضرتك اخبار عظيمة وعن زياراتك لشبرا...!!!المهم يا ستي انا بس قلت أسلم عليكي...
روما

ويرحمنا ربنا طبعا با زنزن

ذو النون المصري said...

علي فكره يا زنزانه
فيه مدونه اسمها جدو عندي في الاضافات
كاتب بوست بعنوان زنزانه
عن مدونتك و بيشكر فيها و فيكي

zenzana said...

شكرا جدا جدا يا جدو
وشكرا شهروزة وذو النون وكراكيب

في انتظار الفسيخ يا شهر وبلاش سيرة لاظوغلي دي احسن بتشائم يا ختي كفاية قضيت هناك ساعة زفت يوم الخميس اللى فات كان مقبوض عليا وعلي سواق التاكسي كمان

يا روما هانم مين اللي سرب لك الاخبار؟ ههههههههه مش عارفة انتي وصلك اميلي ولا لاء؟

zenzana said...

كراكيب نسيت اقولك
انت سبت كل حاجة ومسكت يا خويا في الازاز ؟ ايه رأيك في البئة نفسها حتة واحدة علي بعضها الازاز أقل سلبيات البيئة دي

خليني افنجر لك دي انا روحت مرات كتير هناك وانا ف الجامعة لان كان لي صديقة من اهالي المنطقة
ومرة جربت مغامرة مش عارفة اقولها ولا لاء ؟
بس جربت اني انزل معاهم علي العربية ام حمار واشوف طريقة جمع القمامة
كانت تجربة بالنسبة لي قاسية جدااا
فا يرحمنا و يرحمهم ربنا