كنت محتارة يا ترى في أول بوست ممكن اكتب عن ايه؟
عن سبب اختياري للاسم؟
ولا عن التغيرات الدستورية المهلبية؟
و لا اعدام صدام؟ و ف وسط دا كله
طلع لى منين؟ معرفش...
على مدار أقل من شهر، تهزمنى عيونه، وتلاحقنى
كل صباح، يشعرني بالضيق أحيانا، أو انه لا مفر،
أكثر الاحيان، فى حين يشعر هو بالانتصار علي، حين
أضطر،للرضوخ له، والبحث فى حقيبتى عن "فكة"، من
أجل اجابة سؤاله "عاوزة مناديل يا انسة؟"، بعلو صوته
ظنا اننى لا أراه جالس القرفصاء، خلف "كرتونة"، على سلالم
محطة مترو حدائق المعادى. أحيانا اتظاهر بالانشغال اثناء مروري
أمامه، واتجاهله، احيانا اخرى رغبت فى سؤاله، لماذا هو هنا؟
رغم معرفتى الاجابة، فالقصة ابدا لا تتغير،فهو دائما بالكاد يضع قطع مهلهلة
تستر عظامه، وبعض لحمه، فى مكانه منذ السادسة، لضمان الا يهرب أى من،
رواد المحطة من سؤاله المعتاد، يقضي ليله مع "الرفقاء"
تحت كوبرى الملك الصالح.
اليوم قبل مغادرتي من المترو،بفكر،
ياترى هشترى منه مناديل؟ طب اديه كام؟
احنا المفروض فى اسبوع العيد، يا ترى جنيه
ولا جنيه ونص؟
تذكرت نظرة الانتصار و قمعي، فى عيونه
عندما ذهبت بارادتي الى مكانه المعتاد،فلم
أجده!! و وجدت طفلا اخر،بنفس الملامح
والسؤال المعتاد.
17 comments:
"
لو كان الفقر رجلا لقتله
"
سيدنا علي ابن ابي طالب
ياااااااااااااا سلاااااااااااااااام
اخيرا يا ست راندر !!!!!!!!!!!!!!!!؟الف مبروك علي المدونه الجديده و عقبال متبني فوقها الدور التاني
يا حفصوتشتي لو كان ولد او رجل او حتى ست، يلا زى بعضه، كنت اكيد هقتله،
ذو النون قريت فى عنيك قولة تمخض الجبل فولد فأرا، لكن مقبولة منك.
epitaph:
u don't have to be sorry, it' ok, i know they are many, i said "the sory never chang" he is gone and someone is came!!
رندا
مبروك الزنزانة
كوكو الضعيف او الغير ضعيف هل هو مهنة ام احتراف ام قضاء ام ابتلاء
اسئلة كتيرة تحتاج الى اجابة قبل كل مرة نضع ايدينا فى حقيبتنا بنية الصدقة
تحياتى
صاحبة الزنزانه و المرشحه لجائزة الموزه التدوينيه الأولى فى عصر مابعد الحداثه
أتفق جدا مع توتا .. ياترى احتراف ولا فقر ؟ ولا أيه بالظبط .. عموما مشاعرك جياشه .. و كأنك بتتكلمى عن فتى أحلامك .. و يمكن يكون ده سبب أعجابك بجرجس لأن فيه شبه كبير من كوكو الضعيف ..
مبروك المدونه .. و شكرا على وجودك الرائع وسط المدونين
الواد فارس دا فقرييييييي
بعد ما دخلت جدا في جو البوست بتاعك وخلاص باجهز نفسي لبكائية جامدة من بتوع فارس وعشتار كدة لقيت تعليق توتا العقلاني جدا حتى الصدمة
هههههههه
اكتشفت إن رأيها بالظبط هو رأيي وإن كنت خلاص كنت هتعاطف مع الولد ومعاكي وكدة... بس أنا فعلا باكره التسول جدا بغض النظر عن دوافعه
الله يسامحك يا توتا فوقتيني وانا للي كنت خلاص هاعيط
ههههههههههههههههه
أنا عمري ما بامد إيدي في جيبي وأدي متسول لأني باتوقع إنه بيلم في آخر اليوم أضعاف ما يكون عادة في جيبي المخروم
ههههههههه
============
طبعا مشروع البكائية تحطم تماما بل تهلهل والأستاذ فارس بيه البرجوازي بيقرر إن سبب حبك ليا هو فقط تشابهي مع كوكو الضعيف
هههههههههههه
مااااااشي يا عم فارس
بس اما اشوفك
================
راندااااا
واضح إن المدونة دي هترجعنا لأيام تدويننا الأولى أيام البراءة التدوينية والضحك الصافي م القلب
إشطاااااات
ابلة ابلة
الواد جرجس كان معلق هنا و بيرد على اللي كان فاكره الرئيس المفدى عمرالقناوي و هو في الاصل كان فارس
طبعا لما شفت التعليق موت على روحي من الضحك لان ده دليل انه بقى عجوز
تلاتين بقى
جيت اقله راح مسح تعليقه و رجع كتبه تاني كان شيئا مكنش
بس انا حبيت افضحه و مخليهاش تعدي
ههههههههههههههههه
او على راي شهروزة نياهاهاهااههههااا
توتا حبيبتى، ولاد الشوارع عاملة زى التنيين ابو راسين، راس فقر، والتانية احتراف، احيانا بحس بالقمع من الراس الاولى وتلاقيني رزعت ايدي فى جيب ى المخروم وطلعت الجرشنات، واحيانا تلاقيني صامدة وضد اى نوع من انواع التسول، واحترافاته، وامشي عاملة فيها ولا شجيع السيما، لكن اخرتها ايه، مش عارفة؟ اتجاهل ولا اوجه ؟وازاى؟
كوكو الضعيف دا افيه اتقال فى فيلم ابو على، عن تدخين ولاد الشوارع.
فارس هذا الزمان وكل الازمنة شكرا جدا هل اعتبر دا غزل عفيف ولا غيره، انا هعتبره غزل غير عفيف لان العفيف بيفكرنى بعم عفيفي بواب مدرستى الابتدائية دخلت عندك وحبيت اعلق على تدوينتك الاخيرة لكن معرفتش، سؤال اخير هل اعتبر نفسي مزومة ع عيد ميلادك؟
واد يا جرجس، حفصوتشتى قالتلي على عملتك السودا، وبالعند فيك هغير الباس وورد، وبقي قابلنى لو نابك اى عيش و حلاوة من اللى عندى.
اعترف انى محدثة نعمة بالتدوين، لكن انا بطبعي مختشية، فى حاجات كتير نفسي انطلق واكتبها، لكن انت عارف ؟ انا عاملة زى العربية اللى فى مرحلة التدوين،قصدى التليين، بعدها مش هتقدر تفرملنى، وان كان سبب بدايتي مع كوكو الضعيف، هو انى بحاول اتجاهل الكتابة عن صدام او التغييرات المهلبية، لانهم اكتر حاجتين شغلونى، فا حاولت اطلع من ورطة الكتابة عنهم. لكن شكلى مش هقدر
لا يا راندا هو مدخلش بالباسورد
احنا هنا المدون ممكن هو اللي يمسح تعليقه اذا حب
الا اذا انت عملتي بقى رقابة ساعتها مش حنعرف نعمل اي حاجة
باي
عزيزتي
اولا :
ايماء الي ما كتب من اصدقائك اسمحي لي ان اباركلك علي زنزانتك الجديدة ... حيث انك بصراحة اسم مدونتك جميل ...لاني بعتقد اننا فعلا مسجونين داخل مدوناتنا ... يعني بنكتب و و بنقراء لبعض ... ولاكن مين بيعمل باية ...او مين بيغير من نفسة او سلوكة ...او مين حتي بيسمع من اولي الامر ( طبعا اصلا هما ما يهموناش ) فالاسم فعلا شدني و عجبني
ثانيا :
الموضوع اطفال الشوارع دة امبراطورية تانية لوحدة...دولة داخل الدولة هما طبعا الغالبية العظمي منهم يا اطفال لقطاء يا اطفال تايهة يا عيال هربانة من اهليهم ....الخ ... وصلوا بصورة او باخري الي الشارع ... وفور النزول للشارع الناضورجية بيستقبلوهم بقي علشان التوزيع دة تبع المعلم فلان و دة تبع المعلمة علانة ودي تبع الشغل في البيوت ....
عموما الفقراء لا يتسولون بنسبة 90% لان نفسهم بتبقي عزيزة عليهم
...ولاكن من بالشارع دول مهنة لمعلمين كبار و حتلاقي في وسط دول و في وسط الاشارات و تحت الكباري ... فية منهم بجانب المهنة دي (ستار) لتوزيع المخدرات و .... الرصيف الي حضرتك لقيتي واحد تاني مكان من كنتي تنوي الشراء منة او مساعدتة بصورة او باخري ... مملوك لمعلم و هذا المعلم من وقت للتاني بيغر الوجوة حتي لا تحفظة الناس و تملة او بمعني اصح تهرشة ... و ساعات بقي بيترقوا برضوا يعني بيعمل شغل كويس هنا ... يعني شرب الصنعة ننقلة بقي علي منطقة جديدة ممكن تكون الرجل اكثر فيها ...
اطفال الشوارع دول ما تعرفيش تقولي عليهم جناة ... أو تقولي عليهم مجني عليهم ؟
عموما و المحصلة هي انهم وصمة عار في جبين مجتمع كامل و ياريت ما تقوليليش ...المركز القومي للطفل ...لان دة موش للاطفال الضالة او اطفال الشوارع ... دة لاطفال جاردن سيتي و الزمالك و كفر عبدة و مارينا ... اية عاوزة تودي طنط سوزي تفتحح مكتبة لعيال موش مستحمية او ما بتعرفش تقراء من اساسة ولا اية ...و بعدين المناطق الاخري مافيهاش متبرعين ماديا
حفصوتشتى انا بس كنت بهز أعصاب جرجس انى هحرمه من فسحة الزنزانة، بس،لكن اكيد هجيبلك المصاصة و العلكة...
استاذ فارس قديم، انا غيرت من البوست بتاعك عن عشتار، وغشيته منك، هعمل نفسي مختش بالى من موضوع غيرتك من جرجس، و لو ان الحب ليس الا للحبيب الخمستاشررر
عزيزي يا سر عوف
مش المعنى من كتابة البوست استدرار عطف ، أو عدم معرفة بأولاد الشوارعأنا بس حاولت اتكلم بلسان ناس متعرفش كتير، وعندها احساس، انها لما طلع الجنية من جيبها يبقي بتعمل اللى عليها تجاهم، وكمان بطلع زكاة عن عفيتها، و كأن بكدة غسلوا ايدهم من المشكلة، و لا تقوللى مجلس بطيخ، ولا طنط سوزي، ولا طنط عنايات، انا اصلا مفقوع مرارتى من تصريح للست مشيرة، بتقول أحنا كضينا على مشكلة اولاد الشوارع من زمان خالص، خلال الايام الاولى للقبض على التوربيني، تخيل؟ عمي البصيرة وصل لحد فين؟
شكرا لتهنئتك، واهنيك على مدونتك انا اهو رايحة عندك.
الاخت العزيزة صاحبة المدونة لفت نظرى إهتمامك بهذا الموضوع وهو أطفال الشوارع ، يا لها من مأساة حقاً هؤلاء الأطفال والذين كثر عددهم فى مصر جداً هذة الايام يا ريت نحاول أن نقضى على هذة المشكلة ويا ريت كلنا يا معشر المدونون نفكر فى حلول لهذة المشكلة
انا و الله لا اقصد اي شيء مما بدر في زهنك علي الاطلاق انا كنت فعلا بحاول كثيرا اني ادخل المدونه القديمه و كثيرا ما فشلت و ذكرت ذلك في مدونة جرجس و سعدت جدا انك بداتي في غيرها حتي اسالي حفصوتشا هي حتي باركت لي في مدونتي لانها مع جرجس عملوالكي مدونه
انا متاسف جدا ان كنتي زعلتي من كلامي رغم انه مفيهوش اي شيء علي الاطلاق
سجينة زندا .. راندا المرشحه لمنصب موزة التدوين فى عصر مابعد الحداثه .. متشكر لاعتبارك غزلى من النوع الغير عفيف .. لأنى الحقيقه باضرس من العفيف .. و طبعا معزومه على عيد ميلادى بس احدد اليوم و المكان و أبلغك فورا .. و طبعا تقدرى تغشى من مدونتى زى ماتحبى .. و لو تحبى كمان أخلى جرجس يبرشمهالك مافيش مانع
تصحيح صغير ..مالحب ألا للحبيب التسعميه و خمستاشر .. خليكى بعد حداثيه كده عشان تسلكى
عزيزي ذو النون ، انا بنغشك بس، بتعرف لما يكون عندك حد بتعزه فا متصدق وتمسك له ع الواحدة ونص، وانا كدة ممكن تقول رزلة اى حاجة بس، المفروض انك تقلق لو ما نكشتكش هههههه بس انا اسفة والله كان لازم اوضح دا من الاول.
عزيزي جاي مشكلة ولاد الشوارع لا يمكن حلها من خلال كلمة يا ريت، الله يرحمه لما قال وما المطالب بالتمنى، اعتقد ان عشان تحلها لازم المجتمع المصري يغير حاجات كتير، اولها ان الحكومة الواطية دى تمش، وان النظام السياسي كله يطلع معاش، وبما ان النسبة الاكبر من ولاد الشوارع لقطاء ، فالمجتمع يجب عليه الاعتراف، باللقطاء، وليس تحميلهم مسؤولية ان ربنا خلقهم
.
عزيزي فارس، بالنسبة لامثالى ليس من السهل التعامل على اساس مرحلة ما بعد الحداثة، لان ببساطة أهلى صعايدة، والحمد لله لسه ولا نفر من قبيلتى عرف انى عاملة مدونة
هههههههههههههههه
بفكر اعمل كمان واحدة احتياطي سرية بهدف التموين قصدى التمويل
شكرا على سماحك لى بالغشششششش من مدونتك، بس الافضل توقفنى عند حدى
صباحه فلات
خلاص يا ست راندا مفيش مشكله
Post a Comment