احتفالا بعيد الشوربة
قررت وزارة الدخلوية المقشاوية قص الشريط
لتوقيع مجموعة من العقود وافتتاح
مشروعات تعذبوية
المشروع الاول افتتاح مصنع مقشات معتبرة
وبمختلف المقاسات، للتخان والرفيعين
الطوال وحتي القصيرين
وسواء بتحب تكون رافع رجلك او حتي قاعد على كرسي
كله متوفر، والميزانية ضخمة
يعني كل واحد يطلب اللي نفسه فيه
ولو كنت من الاخوة اللي بيتكسفوا
الوزارة هتديك هتديك المقشة
المشروع التاني توقيع عقد مع جهات برانية
لاحتراف فريق المقشات بالوزارة هناك
لريادة الوزارة المصرية في مجال استخدام
المقشات في مجال غير كنس العتبات
اما المشروع التالت فهو بناء مركز
شباب لفريق المقشات
للي يتهطل فيهم ويسجل ويصور
مظاهر احترافه، ويقع
هيقضيها استيمنيشن وبالترننج سوت
وبيبي دول بينك واحمر لزوم الانبساط مع
مع الزملاء في باقي فرق
المقشات التابعة للوزارة
المشروع الرابع توقيع مجموعة عقود العمل
لامثال التوربيني من اجل القضايا
التى حملت عنوان من المجرم وعلامة استفهام
مكلكعة، و ريحتها نتنت
و اهو يبقي كله قضاء علي البطالة
(راجع عدد فرص العمل التى اعلن عنها الحزب الوطنى، الاهرام بتاريخ 28/12/2006(
واول السادة المعينيين
سفاح المعادي "المزعوم" القادم
اللي يقال والعهدة على الراوية
انه وقع عقد التعيين النهاردة
ف قسم المعادي، وكلها يوم
ولا اتنين سيتم اقامة مؤتمر صحفي
لاعلان الخبر
اه نسيت اقولكم احتفالا بالمناسبة
ونظرا لدور الوزارة الداخلوية الجليل
في سحل هذا الشعب
قرر بعض الحاقدين المتغاظين
من الوزارة
العكننة علي الباشاوات الظبابيط
بكرة الساعة 4 عصرا
علي الرصيف المواجه للصورة
اللي فوق دى!
(اللي هو رصيف نقابة الصحفيين للي ما يعرفش)ـ
وتحيا الشرطة في خزوقة الشعب!!
(اللي هو رصيف نقابة الصحفيين للي ما يعرفش)ـ
وتحيا الشرطة في خزوقة الشعب!!
7 comments:
المفروض الى يعلق اول واحد ياخد هديه ذهبية ويكون اى حاجة غير المقشات
طبعا انا كان نفسى اكون معاكم بس مش هاقدر والله بس انا اتصلت بكل اصحابى واكدت عليهم لازم يكونوا معاكم والا يستنو انتاج المصانع الجديدة بتاعت المقشات
الحمد الله مش هايطلونا هنا لان هنا الارض طلها موكيت وشغالين مكانس كهرباء
وحرصا من جميع المصريين العاملين بالخليج على عدم دخول المقشات الى دول الخليج
قررنا التبرع من اموالنا لفرش جميع الشوارع موكيت وسجاد وعصير قصب كمان
وكدة يبقى قضينا على فرصة دخول اى مقشات للخليج
وانتم بقى استعدو كويس
عايز اسمع الاخبار وانا هنا
وماتقلقوش العيش والحلاوة عليا
إديله يا راندا جايزة المقشة الذهبية مع إهداء خاص من النقيب إسلام نبيه
حاضر يا جرجس عشان خاطرك بس
مصري يا متغرب مبروك انت فزت معانا بجايزة المقشة الدهبية،(اكبر مقاس)تحب نبعتها لك بالظبوط بتاعها، ولا عنك ظبابيط تمام هناك؟
انا قايل اى حاجة غير المقشة
يعنى سعفة دهب جنية دهب
المقشات خلوها علشانكم انتى وجرجس
همممم
عزيزتي راندا عزيزي جرجس ...تعليقا علي اهداء من النقيب اسلام نبية و اضيف علية و امثالة ...اقترح الاتي
تصنيع مقاس مخصصوص لية و لاصدقائة من امثالة علي ان تكون لاستخدامهم الشخصي من منطلق مبداء طباخ السم بيدؤة فدة يبقي طباخ السم يلبسة برضة و علي شرط ان تكون طويييلة و تخيييينة يعني علشان ما تلقش و تضايق البية و اصدقائة مع الاستخدام و اقترح ان تسبت بكرسي مكتب كل واحد فيهم بحيث اول ما الواحد فيهم يخش مكتبة الصبح و يقعد ... ترشق هي و تكيفة طول النهار و يبقي قاعد كدة مستمتع يعرف يمخمخ و يشتغل صح الصح
هم قبضوا على السفاح
ولا أستعانوا برضه بالتوربينى
يا ريت متعمليش حسابى فى عصا المقشه
عشان بخاف
الدنيا برد يا أختشى
ياسررررررر كلامك بيوجع قوووىىىى
لكن اقتراحك هيكلف وزارة الدخلوية كتير
وبما انك الله واكبر راجل برجوازي اصيل، وعندك موظفين بتطنطط عليهم، اللهم لا حسد، ممكن انت تساهم ف المشروع وتوفير العصايات اللي تتحط ع الكراسي؟
لاحظ دا مشروع وطني
واسمك هيبقي ف الرد ليست بتاعة الحكومة، وهتبقي من المحاسيب
اوسا يا حبيبتي
تواترت الاحداث ف حي المعادي
عن القبض ع السفاح
يعني في واحد دلوقتى بيتم الترحيب به بالمقشات
واحتمال يكون الواد كمبوشة كولة
صديق التوربيني و زميل خرابة واحدة
Post a Comment